¹ Ane a katoi Yesu a mbele ye Mongalima, o moi e ya ye koli a ka muhola: molekisi, lita libanga bi, bofuki mbi! ² Yesu a ka hulesa: e na bofuki wo e kolongake? i tsokotikala libanga likolo li libanga li ne li tsokolenga. ³ A kayala likolo liho tikolo li o lifie, mbale e mbele e Mongalima. La Petelo, Yakobo, Yowane andele bo baka mwihanesa ye ma tuke: ⁴ Beke la u su, ta ngo bi yo kolua, e ndeyi ndenge yo kolembelana bi mima yo kwitu yo ko koka? ⁵ Yesu a kemala bo ye keli bo: sila kinge kenge mito a tsi bube u nu. ⁶ Po ine ye fela bekolua a lina lila, boyeki; ngonde. bekobuba baito ye fela. ⁷ Ane e ko koka u nu beeka likita lituma aye e toli ye tuma, botsi ngilime, po i ne bakita wo kuatu i lue. Haho e tsiyali i no botungi. ⁸ Moki u moi e kohemala e siaka moki, keka e moi e kohemahela e siaka keka; bongilimi bo mbu bokoyala to sikani bofela, semba yo koyala. haho e bandela ye monioko. ⁹ Bosile kenge kenge u nu batuke. Beko faka u nu a ba tibinale, bekofa u nu metungu a ba Sinangoge: beka sabesa u nu felo e mondele mboka pe felo e ya kondji, po e la, po boyehisi bo li tatoli. ¹⁰ Felo felo i koki ine mbeko i sika i tatolane a moki komotu. ¹¹ A ne e kolua ahino po bohafaki boti tungisame felo, i mbi yokoyeka o su i ne yo koka a hoyo tango i moli, po tahoye mito e koye ka, aindji molimo mosatu. ¹² Monginena e kofaka monginena a wo, pe haha a mona: bana bekohemahela baboti, pe behoolaka bo. ¹³ Be tsokokunda u nu a kwatu, po e lina e la, a i ndji a no e konanga motema mbuse e moli e ku ma . ¹⁴ A ne e kohena u nu bambengesani laine bosambo bakisa a ho a ne esikani e tsikoki boyali, a no e kotanga a kele kenge kenge, i moli, bane bekoyala a Yudeya beko tsila likolo ye e tsikolo; ¹⁵ Ano ekoyala llikolo limbele etsokoisela sese tsokohola bokasili bi ma i moi a mbele helahe; ¹⁶ Ano e koyala a lisanga e tsokola mbuse po a sile kasaka e lahe. ¹⁷ Bowahowa a bahali beyali a lieme a bane be nuesa muasa u moli! ¹⁸ tosambele po bakita wo i ti totoanele tango fiho. ¹⁹ Po i ne bowahowa, u moli mwasa e tsokoyala ndenge e moi banda tekela Mongalima mwano tee konombe, pe, e ti e koyala. ²⁰ Pe la nkolo e tsibohulesi bahose mito etsokuma; nde e kohulesa, po e baponami bete pona ye. ²¹ La mito hoyi a ka yekela u nu: kilisito e yali e ne, to e yalihelo boti i nole. ²² Po i ne bane kilisito betsi hitani be koye mala pe ba polofete tsitani, be kokela bakita bafulake pe bikamwa po ba mbengesi ba ponami, la yo koyengana. ²³ Boyela a boinoli e kenge kenge e i no: i ndehe hekela u nu koitu felo. ²⁴ Po ine mwasa o moli mbuse e bowahowa e moli, moisa e tsokongenga, malohola e tsihoko i sia bongengi, ²⁵ Tondofi i likolo li malohola yo kowa, pe, nguya i ne i likolo yo kotsangana. ²⁶ Haho toko hena mono o mito e lua likolo li lohola la lokulu lofulake la kembo. ²⁷ Haho e kotoma badjelu, be kosanga nisa bapo nami la yefofo mekeleka, tee kohe tungi mwano u lola. ²⁸ Boyateyiu nu batuke a bohenganisi bosile a mosuke. Po i ne bitape bikwe bosa, pe po kasi hihote, boyembeli i ne ngange e ya li penpene. ²⁹ Kwaliya la boke la bakita moli ika lua e mbela i ne mono omito eyali pe, a molango. ³⁰ Nga e kela u nu ko solo, ye ne yelombo e tsoko e ta, po i ne bakita limoli bilue. ³¹ Loholo la mbu lo koheta, ndjokande baohi bahaa betsokoheta. ³² Po e moisa pe ngonga, mito e tsilembeli, a ta badjelu belikolo, a ta mona, ahaa ye matuke. ³³ Kenge kenge, kengela pe sambela; po i ne botiyembeli ngonga tango yo kolua. ³⁴ Yokoyala o i ne, mito omohi a no, e kia mobembo, a katika mbele e lahee, a ka isia, bokodji bohee a baito bahee ba mosala, a kenesa mito a mito e lingi e lahee e mosala, a ka i sia mokengeli a kengele. ³⁵ Kenge la ni, po i ne botsiyembeli tango e kolua molakesi e mbele, a mba a likose, a mba a otso a mba a ne e koyeka koko, a mba a i kombe kombe; ³⁶ Bohange yo bo i ne a tihane u nu bo e ngali a bo tuani bo wahe. ³⁷ Nga e kela u nu, nga e kela u nu kwatu: kengela.