¹ Po elo, Melekisedeke, kumu yefulaku ye Saleme, Nganga e Mongalima u likolo, ano ekiaki felo bo Abalayama yekeleko yehulaki ye a bokwei bo Kumi yefulaku, ano e mobenisi ² pe ano Abalayama eaesaki emoyi likolo li laho bi bima kwitu, ekobayi felo felo kumi yefulaku ye boyengebeni, ndenge yelimbweli lina li lahe, mbuse Kumi yefulaku ye Saleme, oine Kumi yefulaku ye hai, ³ ano etsiki ise, so inena, so likutu, ano etsiki so libandela li aose, so litungeli li bomoi, kasi ano efafani la mongo'o Mongalima, ngaa Melekisedeke ebayi nganga yefulaku seko la seko. ⁴ Bomwene mito ngalusaka ano mohoholo Abalayama e mwaesi limoyi likolo li laho li bima bine bipinolami a bita. ⁵ Baenga ba Molewi baane beiki bokumu, la bolitsi mibeko, beiki metindo beokofesi yemoi likolo ye laho ngu baito, oine, likolo li banginena yeibo, baane ainzi nga betsui a liota li Abalayama; ⁶ pe ye, ano etsi tsui a liota yeibo, ete ukolaka yemoi likolo li laho ngu Abalayama, pe aka benisa ano ebayi a bauna. ⁷ Ainzi nga ibayi so bwisi monga mito mokeeke ano ehambolami a mito mone enene. ⁸ Mpe, ane, bane beukola imoi sese e labo bebayi baito bane bewa; kasi elo, ano eekela wo ibayi mito ebayi a bumake. ⁹ Aisia, molewi une ubaa ndambo e imoi sese e likolo li labo e mwendaki fuko e boeki ine la ndole e Abalayama; ¹⁰ Fuko ine eteyalaka ino kwa solo e ise, yekeleko yetekia Melekisedeke felo e Abalayama. ¹¹ La bahohi ba nzali betekokaka boyali a ndole e bonganga bo ba lewi, mpo ine ibayi a woo bonganga nga ebayi molembo wayami a baito, iteyalaka aisia kamo ine emoi nganga e Mongalima etwe kune eyali molongo u Melekisedeke; mpe taa kune eyali molonge u Alona? ¹² Fuko ine banganga bakalenga, isengeli ine molembo ulenge lokola. ¹³ La oyo, ano mito eekelama bine bahohi ebayi mito o yesiaka yelombo landa, ata mito omoi oiyo etekelaka yesili ye Mongalima a lotelo. ¹⁴ Fuko ine ilembelani ine nkolo eiso etwei a Yudea, yelombo yene yetsiteekaka Mose mpo e ine ilitsi bonganga. ¹⁵ Ikinolisama kwaisia, lemoi ngonga ekatwa aine Melekisedeke. ¹⁶ Isami, ta tsina e molembo u bilongo, kasi a balandami bo lokulu le bumaku bone bolumbi bombengi. ¹⁷ Fuko ine lo litatoli emoekelami: Obayi nganga mpo baose kwatu bolandani a molongo u Melekisedeke ¹⁸ Molembo u kala ukawoo tsina e bolumbo bo lokulu mpe bolumbake bo litomba lilae; ¹⁹ Fuko ine molembo utsilwei a bakita nzali mpe boholesi yelikia ya mwali, a ndole emotsi tokoki bwanganani a Mongalima. ²⁰ Mpe, kune etsiteyala yo swine balape ndai. ²¹ Fuko ine, balewi bebayi banganga swine balape ndai, Yesu akakwa nganga a ndole e bolapi ndai lano etemwekela ine: Nkolo akalapa ndai, mpe etsokolengesa motema: obayi nganga baose ngia, bolandani a molongo u Melekisedeke. ²² Yesu ebayi la imotsi mobateli u bokokani bo mwali bweteli. ²³ Aisiaka, banganga baketela bofela, fuko ine bo woo betefetesaka woo boyali tango kwitu aho. ²⁴ Kasi yee, mpo ine ebayi sekoo la sekoo, eyali a bonganga bone botsi baelana. ²⁵ Tsina emotsi lo eokoki yee bumesi wali bane biangani a Mongalima a ndole elae, ano eyalibaose ngia a bumake fuko e bekeli wo ngi Mongalima. ²⁶ Ikoki wali ine twike nganga e Mongalima efulaku aine yee, tsangaa, ano etsa lyoi, soo litono,efakani a bakeli mbeko mbe, mpe ano ebayi likolo bweteli loola. ²⁷ Nda etsiki kamo, aine banganga ba Mongalima, bwaesi mwasa a mwasa mbeka, felo fuko e mbeko mbe iyae mangine, mbuse fuko e baito, mpe ine ekeli imotsi mbala emoi a boyatesi yee mangine mbeka. ²⁸ Boyo, molembo wisi banganga ba Mongalima ba baito ba bolembu, kasi lyoi li bolapi ndai likelami mbasu e molembo liyaesi Mongo'Mongalima, ano etsiki litonoli mbeko mbe mpo e sekoo la sekoo;