¹ Inena e liohi line lieka osu liyali une: osu toyali a nganga efulake a matondi une ano eyali a lifindji lilome a eyaelo ye mokonzi u nguya efulake eelo a likolo, ² mosali a esikani yi mwali a pe ituka i soolo yene ye emesami a Mongalima, etsi lwei po e mito. ³ po ine nganga efulake a nganga mofulake eisami a esili po ine a lilesi bafako pe bima, a imoli nganga emoli eyali a bolongi bo yema bo bolilisi. ⁴ La eyalaki ane a mwano, awo etsikoki boyali nganga; po ine banganga beyali bane boana olilsa bafako o bane beitami a mebeko. ⁵ Beyali bakeeli yenelo pe yelima lima ye likolo, po ine aho Mose etepahanaka ine a emahesi ituka, eteemesamma a bahoyi ene ine, keba ine akele kwitu bolandani ko une etangi oyo eelo a etsikolo. ⁶ Ainzi sikane, yee akaukola yesili yeeteli imoli felo a wali a ndenge emoli biyinolani yekengi ye iyali boetsi pe, bune eyali yo bobwani a bilaka bieteli mwali ⁸ Po ine kasa bo ano eekiye ine, Nkolo akaeka ine, lita baose bekolua ako ekotenesa sango boyinoli ye sika a mbele ye Isalayele pe mbele e Yuda; ⁹ etsikolaye ndenge emoyi aboyinolake itetenake ngo a ba mewoolo ba ibo a mwasa imoli endebwaka boo a lifindji botusesi boo a moki abo Ezipito po ine boo betsi ikaki boyinoli bo wa, pe ngo nga a mina boo, Nkolo akaeka boyo. ¹⁰ Nkolo akaeka ine, ine boyinoli bokotene ngo a mbele e Isalayele mbuse ebaose bamoli. Lekoisa meboko meyale momolo eyakanisi meibo, le kokoma yo likolo li metema meibo; lekoyala Mongalima eibo pe boo bekoyala baito baa. ¹¹ Pe beyali isikani imoyi etsokoenesa eyeli esikani imoyi, monginena etsokoenesa monginena ine embela Nkolo! Po ine kwa to bekalembele ngo, tua a lone lokekeli tii lone lofulake. ¹² Leoko kokela babunga baibo bowaowa ndjoko kanesa basumu baibo a lisiaka. ¹³ Ane eyoli ye kotanga boinolani ine, isika, eloesa ine ifelo yema yekala. Pe yene yekakwa yema yekala moowolo iyali kelekele eboetsi.