1
Po emoli; tomine bakita bekekakoli felo ebateya ba Klisto pe toeete teo suka. Tomine ino buisi mobeko yo bobungesi bo metema botoei a mesala ine bowo pe bo inoli Mongalima,
2
bobatisami, boiseli bafindji, bo sekwi a bowo, pe bosambisami boseko.
3
Imoli yokokela usu, la Mongalima akaisia ndole.
4
Po ine itsikoki ine bane bete ngengelama a mbusa, bane beteokoka mwali ubakabo ba likolo pe bosangani, a Molimo mosantu esikani imoyi,
5
bane beteokoka mwali u baoyi i Mongalima pe lokulu i baose bikolua,
6
pe bane be tekwa, bolingesi bo alingina pe boloi aibo abotubeli, etsiyali, po ine boo batuke bisa Mona o Mongalima a ekulusu, pe bomwisi a bosambo.
7
La mbu ikamwa loola lonua tango koyitu likolo lahee, pe itusesa kasi yitanake ngi bane beoni, beukola mapambali ba Mongalima;
8
aindji, ikatiesa mekoke pe mbingi, etsiyali ayema pe ekakwa kelekele ebolakeli mabe, pe yokofoela a boyisi a yohe.
9
po ine, po embi usu toeka oyo, bakundami baa, usu tokongi ine ilitsi unu, bima bi itanake pe yinolami a boumi.
10
Po ine Mongalima etsiyali a bopana pani, po ine abosane mesala meino pe lokundo lane lo teenesa unu po elina lilahe, akokela pe ekela kwalisiaka mesala me babulamu.
11
Usu toyali a posa ine omoyi omoyi aino aonese posa efulake ndenge emoli bosusi tii kwa suka.
12
Andenge eyinoli unu botsia mine, pe bopane bolembeli ine boo beteukola a bosangoli libula a ndole eboinani pe a bonangi motema, boukoli ine itekomama.
13
Ane eteisia Mongalima elaka a Abalayama, etetena ndayi yematuke po ine etsiyali a osiaka bomoeetiye a bokokangoke ine atene dayi po elahe, pe akaeka:
14
Solo le komopambola pe le komofulekesa bana baaho.
15
Pe aimoli Abalayama, akananga motema, akaukola yelaka.
16
Po ine mitu ekotena ndayi a lina limitoano e mweteli a bofulake, pe boteni ndayi iyali bofoesi tembe e litatoli lilioyi.
17
Aimoli Mongalima, epaana ine aenesi esikani imoyi la bane eukoli bilaka ine mokano iyahe yitso kolenga.
18
Po ebaito yele itsilembeli lolengi, ine Mongalima etsikoki boyaenesi a isuma momolo, usu bane tokatsila boyiitsi ngahe, to yale a piko pe tombwe elekia.
19
Toyali a elikia imoli oine mondo a metema, etsokouneya, etsokoela; ekohola titi eisikani masantu ibule yetulu.
20
Eelo ebai Yesu oine mito efelo felo po eusu, ye nganga efulake seko boeteli bobilani mobeko me Melchisedeki.