¹ Po emoli; tomine bakita bekekakoli felo ebateya ba Klisto pe toeete teo suka. Tomine ino buisi mobeko yo bobungesi bo metema botoei a mesala ine bowo pe bo inoli Mongalima, ² bobatisami, boiseli bafindji, bo sekwi a bowo, pe bosambisami boseko. ³ Imoli yokokela usu, la Mongalima akaisia ndole. ⁴ Po ine itsikoki ine bane bete ngengelama a mbusa, bane beteokoka mwali ubakabo ba likolo pe bosangani, a Molimo mosantu esikani imoyi, ⁵ bane beteokoka mwali u baoyi i Mongalima pe lokulu i baose bikolua, ⁶ pe bane be tekwa, bolingesi bo alingina pe boloi aibo abotubeli, etsiyali, po ine boo batuke bisa Mona o Mongalima a ekulusu, pe bomwisi a bosambo. ⁷ La mbu ikamwa loola lonua tango koyitu likolo lahee, pe itusesa kasi yitanake ngi bane beoni, beukola mapambali ba Mongalima; ⁸ aindji, ikatiesa mekoke pe mbingi, etsiyali ayema pe ekakwa kelekele ebolakeli mabe, pe yokofoela a boyisi a yohe. ⁹ po ine, po embi usu toeka oyo, bakundami baa, usu tokongi ine ilitsi unu, bima bi itanake pe yinolami a boumi. ¹⁰ Po ine Mongalima etsiyali a bopana pani, po ine abosane mesala meino pe lokundo lane lo teenesa unu po elina lilahe, akokela pe ekela kwalisiaka mesala me babulamu. ¹¹ Usu toyali a posa ine omoyi omoyi aino aonese posa efulake ndenge emoli bosusi tii kwa suka. ¹² Andenge eyinoli unu botsia mine, pe bopane bolembeli ine boo beteukola a bosangoli libula a ndole eboinani pe a bonangi motema, boukoli ine itekomama. ¹³ Ane eteisia Mongalima elaka a Abalayama, etetena ndayi yematuke po ine etsiyali a osiaka bomoeetiye a bokokangoke ine atene dayi po elahe, pe akaeka: ¹⁴ Solo le komopambola pe le komofulekesa bana baaho. ¹⁵ Pe aimoli Abalayama, akananga motema, akaukola yelaka. ¹⁶ Po ine mitu ekotena ndayi a lina limitoano e mweteli a bofulake, pe boteni ndayi iyali bofoesi tembe e litatoli lilioyi. ¹⁷ Aimoli Mongalima, epaana ine aenesi esikani imoyi la bane eukoli bilaka ine mokano iyahe yitso kolenga. ¹⁸ Po ebaito yele itsilembeli lolengi, ine Mongalima etsikoki boyaenesi a isuma momolo, usu bane tokatsila boyiitsi ngahe, to yale a piko pe tombwe elekia. ¹⁹ Toyali a elikia imoli oine mondo a metema, etsokouneya, etsokoela; ekohola titi eisikani masantu ibule yetulu. ²⁰ Eelo ebai Yesu oine mito efelo felo po eusu, ye nganga efulake seko boeteli bobilani mobeko me Melchisedeki.