¹ Soko, Kumi Moambaki mbeka ngia ano esilami katsi-katsi e baito katsi e yesili yeliti Mongalima, po e bo enesi mbeka la bafako po e basumu. ² Ekoki boyali la bowaowa po e bane betsi lembeli pe la be ungesani, po ine mbese ibai pe lifako liahe. ³ Pe ibai tsina e yoo mbese nde ikoki ye bo aesi mbeka po basumu ba ahe matuke, kune pe po e bane ba baito. ⁴ So omoi etsi aesa boo bonsomi, la etsi etakemi ngi Mongalima, kune ete yalaka Aroni. ⁵ Pe Kilisito etsi yaesi lokumu lo boyali Kumi e Moambaki mbeka, katsi e ukoli yoo ngi ano ete mo bekela: Oye obai Mongo owa, nga mo ota bonoombe! ⁶ Aka beka aisiaka usiaka muku: Obai mupe uwa po e seko la kinda e Melekisedeki. ⁷ Tango e boumake bo ahe ane seese e mbu, Kilisito aka enesa la mehuyi mefulaku pe la misoli me sambo pe bolongake ngi ano ekoki la bo umesi katsi e lokoo, pe losambo lo ahe lote okokana po e tsina e lokundo lo ahe lo losambo. ⁸ Sokoyo, fini ko ebai Mongo o ahe, ete tongola botosi po ine ete okoka paima. ⁹ Ebai la bosomi, bolengi po e bane ngia be mo tosa mangine o bo umake bo seko. ¹⁰ po ine Mongalima aka mo etaka Mupe ufulaku la kinda e Melekisedeki. ¹¹ to yali la bima bofela bi bobeki po e loo tsina, pe bima bifuli bi bolimboli po ine botsi tongola noki. ¹² Sikane bokoki la tango emoi bolengi basaki, boyali sikane la kinda ine basake onu bima bitsina bine bi yeneseli bi Mongalima, bokoki sikane la kamo i babele la isikani i bima bi potsi. ¹³ Po ine ano ebai la babele etsi yali la makoki lo bolimboli lioyi li bosembo, po ine ebai mona moke. ¹⁴ Kasi bima bipotsi bibai po e ngalusaka, po e bane, la tsina e bolembeli bo aibo, beyali la bososoli bopotsi po e bososoli ine i itani la bine bi bitsi