¹ Kune ekoyali ino liuna li boholi a bohoomi bowae, toange ine mito so omoi alwe mbuse. ² Fuko ine yo mboli nzali i Mongalima itetotangwelamak ko la woo; kasi lyoi line liteatangoelamaka litsikeli yema ngibo, fuko ine litsihani bwinoli ngi bane beteokoka lyo lyoi. ³ Mpo eiso bane beteinola, tokahola a bohoomi, kune eeki yee: Leyafaki a kanda ine: betsiokohola a bohomi bowa! akaeka imotsi, ata kuune etefwela mesala meyae tee a bokelami bo mwano. ⁴ Fuko ine eteekaka oyo tsina e liose li mbaitwele: mpe Mongalima akayakumesa a mesala meyae ko metu liose li mbaitwele. ⁵ Mpe ane ino, betsokohola a bohoomi bowa! ⁶ Ainzi nga, fuko ine itsikali ino a bamoi boholi aho, mpe ine bane beteayamaka liuna felo betsiholi fuko e bolumbake bo botosi bwaibo, ⁷ Mongalima akisa kwaisia liose limoi bonombe la boeki katsi a baambo ba Dawidi, mbuse e yekeleko yeeteli bmoi, kune eekami yo likolo: bonombe, la bokookoka lolaka lolae, swisa metema myeino boolo. ⁸ Mpo ine, la Yosua eteayaka wo bohoomi, tsikaki boeki mbuse emoli a usiaka mwasa. ⁹ Bohoomi boyali lisse li Sabata fuko e baito ba Mongalima. ¹⁰ Fuko ine ano akahola a bohoomi bo Mongalima a mene meyae. ¹¹ Tokele lokulu ine tohole a wo bohoomi, fuko ine mito atsikwesame a bwayi ndakisa e bolumbi botosi. ¹² Fuko ine lyoi li Mongalima libayi a bumake mpe lokulu, botwake bweteli mopanga u baino baele, uhola tee a bofakanesi molimo la yelimo, batonga mpe bondo bo bawei, lisosola bakanesi mpe mekano me motema. ¹³ Yekelamo ata yemoi te yekoki bwitami felo elae, kasi bima ngia bibayi bolimbo mpe bienani bwae a baiso baano ekoki osu boekeli bakita baiso. ¹⁴ Bongo, mpo ine tobayi la nganga e Mongalima yefulaku ano etehola a loola, Yesu Mongo'Mongalima, toyale kikili katsi e bwinoli bone boteya osu. ¹⁵ Fuko ine totsiyali a nganga e Mongalima ene etsikokibotokeli bowaowa la bolembu bwaiso, kasi ebayi mito ano etemekamaka une osu a bakita ngia, suine akele yekweli. ¹⁶ Twangane la yeekeli ye liekela a keka e ngolu tsina e boukoli bowaowa mpe boyali a yeboto, ine tosungame katsi e biposa byaiso.