1
A tina emoli, bakundami bansatu, bane bebayi a lokundo e bwetami a likolo, bokumesi ntoma ko la nganga efulaku e boyambi bwinoli osu,
2
Yesu, ano eyalaki sembo, ano emotomi kune eyalaki Mose a mbele elae ngia,
3
po ine etesambisama bolumbi mbeko mbe la kembo efulaku boeteli Mose pe ano efuki mbele ebayi a lokumu bweteli mbele.
4
mbele la mbele efukami la mito, kasi ano efuki bima kwetu ebay Mongalima.
5
Po e Mose eyalaki sembo a mbele e Mongalima ngia, aine mosali, po e botatoli yene yekokaki boekami!
6
Kasi Kilisito emoi, aine mona katsi e mbele eibo: pe mbele eibo, nde osu, a tina 'te tombwe tee a suka bokokani pe bomalitangeli bone bokokumesa osu.
7
Po emoli, ene ndenge eeki Molimo monsatu; bonoombe, la okokoka lolaka lolae,
8
so luesa motema makasi bwa ino kune mwasa o otomboki, mwasa e bomekami a mbu elumbi mete;
9
Eelo baise baino betemekake ngo, po balembele kune ebayi ngo, pe beenaki mesala meha mbuka tuku mekeleka.
10
Alingina inde angowaka po e libota line, pe nga eka: bobayi yekeleko ngia a motema meungi. Betelembelaki ndole meha;
11
nga tena ndahi a bwango boha!
12
Sila bokengi bangwaya, 'te omoi eino ebayi a motema ubitake pe bone bolumbi bolengi, bolenge ngi Mongalima e bomoi.
13
Kasi bolendisame bamoi la basiaka baose ngia, alingina une eeki boo: bonoombe! po ine omoi atiise motema makasi bopengwi a lisumu.
14
Po tokakwa bane besangani la Kilisito, a tina 'te tombwe bonangi tee a suke a bokofesi bohangi bone boyalaki a iso a felo felo.
15
Ata ngo, eeki ye: bonoombe, la bokokoka lolaka lolae, so luesaka motema lotsili, aine mwasa u otomboki.
16
Bane beyalaki, mbuse e bane beangowaki mbuse e bookoki oyoo, boo ngia bane betwei a Ezipito sese e bokambemi e Mose?
17
pe bwemaeli botangweli Mongalima baose tuku mekeleka, la bane bekeli lisumu, pe la bane melonda mekwei a nduhu elumbi mete?
18
pe a ano eteni ndayi ine etiokofuka katsi e bumake bowae, ko la bane betsitosaki?
19
Alingina lita osu totsikoki boholi a bolumbake u bolengesi motema eibo.