¹ Poine toukoli yesali ye bowawa bine be tokeli osu, totsiungesa lokulu. ² Tokafilinga bakita ba osambo bine bikelama a kuku, tosti iki bizaleli mbe, pe totsi fengesa bahoyi ba Mongalima.Kasi, laboeki liekela, a molimo umito ngia, beto lombela ngu Mongalima. ³ La yendjili yeiso ika likana, yelikani po baane bewaa; ⁴ po e baane betsiki buinoli, baane ba ndjambe ndjambe be ane baose bakambwa bwanya yeibo, fuko ine bongengi bo sango malamu bine bi Kilisito, bine bi Mongalima, bitsihole ngibo. ⁵ Totsisambela po yeibo, tosambela po e Yesu Kilisito nkolo, pe tobayi basali bie ino po e Yesu. ⁶ Fuko ine Mongalima eekaki: Bongengi bookoyala kati e liita! aka ngengesa mitema mieiso po eboenesi Ngolu i Mongalima felo felo u Kilisito ⁷ Totoli bima bi nkita kati e bine mbeki i mbu, po ine lokulu lonene yeaesi a Mongalima, taa la osu. ⁸ Bakatohamola ndenge kuitu, kasi betsi tolengesi mbuse, tobayi a bowawa, kasi tuiki yelaka. ⁹ tokanyokwama, kasi totsimini; tokahena; kasi totsi ungi; ¹⁰ totoli kati e bilongo bieiso liwa li Yesu, po ine bomoi bo Yesu bienenane kati e bilongo bieiso ¹¹ fuko ine,osu bane tobayi a bomoi, bepala botoolaki po e Yesu, po ine bomoi bo Yesu ekela yesali kati e menyo yeiso bine biwii. ¹² Ko londenge kufa ekele yesili kati eiso, pe bomoi ekele yesili kati eino. ¹³ pe, po ine tobayi a molimo bu'inoli yene yekomami a buku esantu: nginola, tina emotsi leekaki! osu pe tokiinola, pe po emotsi toeka. ¹⁴ tolembele 'te ano emosekwesi kolo Yesu, eokotosekwesi la Yesu, pe eokotoensa la onu. ¹⁵ po ine bio ngia bilui po e ino, po ine la nguya likalua ofela, la bokumu bo Mongalima, bikela bi nguya bo kolo a baito lindji. ¹⁶ Po eyoo totsiungesa lokulu. Pe la yeholo ye mito li fengia, momolo u mito eya lenga baose kwitu. ¹⁷ fuko ine bolozi yeiso yee ene ngonga, etootela mingi penza, ¹⁸ nguya bo likolo, po ine tolitsi, taa bine biyenani, kasi bine bitsiyenani; fuko ine bine biyenani bi iokoeta pe bine bitsiyenani biokoyala seko.