¹ Tolembeli ine mbele ene eyali osu ane sese ikabita, tuiki ehelo malola mbele itongami a Mongalima, mbele e seko, etsikelami a bafindji e baito. V 2 pe to ofa mihui a lo mbele, la bokundji eyale oine eiso mbele e maloola. ³ la bakatoene totoli tulu kasi totsiyali olumbo. ⁴ fuko ine eyali osu momolo yi ene mbele, to ofa mihui, tokangemi, po ine tokundji, batsi touwele, kasi batolike, po ine bine bi kufa e linde la bomoi. ⁵ pe aano etokeli po e yoo liohi, mangine Mongalima, akatoesa ndaka u molimo ⁶ Toyali baose kwatu a lindji e bolingo, pe tolembeli la tobayi soko a ene bilongo, tobayi yesika ye nkolo ⁷ fuko ine toyela la boinoli kasi la boeni te, ⁸ tobayi a lindji e bolingo pe tokundji tomine bine bilongo pe toyale pene pene e Nkolo, ⁹ nde, po emoli, tokela lokulu ine toyale la ye malamu, toyale soko a bine bilongo too tomine bine bilongo. ¹⁰ fuko ine, osu ngia tosamba a tilibinale ye Kilisito po ine mito la mito aukole bolamu too bobe bine bikeli ye, a bilongo bi yahe. ¹¹ La bolembeli boangi bo Nkolo, topala bolembelesi baito; Mongalima elembeli osu, pe lebayi a elikia 'te a makanisi yeino, onu pe botolembeli. ¹² Osu mangine totsiahesa la ino, kasi toahesi onu ndole boyakumesi po e tina e iso, po 'te bo ekele baane bepala lokumu a bine bienenani pe taa a mitema. ¹³ Lita, la ndjilembeli bakita, ebayi mpo e Mongalima; la lembeli bakita, ebayi po e yeino. ¹⁴ Po ine lokundo lo kilisito etoetaka a isanga, po ine tokanesi 'te, la mito emoyi ewei po e baito ngia, baito ngia bakawa; ¹⁵ pe ewii po e baito ngia, fuko ine baane beiki bomoi batsi yale po e ibo mangine, kasi po e ano ewii pe esekwi po e ibo ¹⁶ Kohune, sikane, totsilembeli soo mito emoyi a monyo; pe la tolembelaki Kilisito a monyo, sikane totsimolembeli a lo ndenge. ¹⁷ fuko ine la mito ebayi a Kilisito kati elahe, ebayi yekelamu ye sika. Bakita ba kalakala bikeeta, lita , bakita ngia bikakwa bi sika. ¹⁸ Pe bio kwitu bi lui ngu Mongalima, ano etotumanesi la yee boeti la Kilisito, pe akatoaesa yesali ye botumanesi po e bolimbisi. ¹⁹ Fuko ine Mongalima eyali la Kilisito, botumanesi mwano a ndole bolimbisi laa yee mangine, etsiekeli baito bobee yeibo, pe akisa kati yeiso bahoyi ba bosanganesi a ndole bolimbesi. ²⁰ Tokela yesali yee batoma po e Kilisito, oine Mongalima etolombela; toka lombela onu a lina li Kilisito: Bosangane a ndole e bolimbisi a lina li Mongalima. ²¹ Ano etsikeli asumu, akakwa mito asumu po eiso, po ine tolenge boyengene bo Mongalima.