¹ Tobande kwalisiyaka boyaekeli usu matuke? Leyali ine bamoyi toyali a bosenga a esili lo boekeli usu felo eino mekomami a unu? ² Unu boyali a esili yekoeka po e usu,yene yekomami a metema me iso, mene me lembelani pe me tangami a baito kwatu. ³ Boenani polele ine iyali mokanda ilui ngi Klisto,ekaisiama a ba findji la iso etsikomami a baye loo esali aimondji a Molimo mo Mongalima eumake, taa likolo li mamukeli, ndjokande a metema meaito. V 4 Elikia yo toyali a yo a ndole ekilisi bo felo e Mongalima. ⁵ Usu batuke totsi itani boeki ine yema yo kotwa a usu, aindji boangi bo iso ilui bii ngi Mongalima. ⁶ Ye nde etake ngi usu po ine toyale basali loo boinoli ba sika, ine itsikomi boo a mobeko, aindji ine i Molimo; po ine yesali yekomame Molimo ole ekoisia bumi. ⁷ Mosala yo bokeleli bowo, ine ikani boo likolo li bamuki, iteliaka a kembo a imoli bana ba Isalayele betsi te kokaka boliti botsio bo Mose po ekembo a botsio bo wahe, simiko eyakaliyo yo boetsi. ⁸ po e mbi mosala yo bokeleli molimo etsiokoyala a nkembo ye boeteli? ⁹ Po ine mosala yo bokeleli bikweeli iyali a ukembo, mosala yo bokeleli boyengebene yokoetela a ukembo mingi. ¹⁰ Po ine yema ikayakoka a ukembo yokulumba ukembo felo ekembo esiaka yene ye teliyo. ¹¹ Po ine la ine ikalimwa iyali a kembo, ane yokoumwa yokoyala kembo yo boeeteli. ¹² Bane eyali usu a elikia boyo tokoekaka polele. ¹³ To tsiyali oine Mose ano ete likaka botsio a tulu, po ine bane ba Isalayele batsene ukembo ye bolimui. ¹⁴ Ainoli bikamuiseli biiwo ikakwa moliko, po ine tee kobonombe, ekotanga boo boyinoli bofelo, tulu emoli yekumwa, ye tsiokoi. Yoko okawa sanga a ndole e Klisto. ¹⁵ Tee ko bonoombe, aho yesali ye Mose betanga, tulu emoli yengali a metema meibo. ¹⁶ Ainoli aho ekolenga mito ngi Nkolo, tulu yokookowa. ¹⁷ Nkolo eyali Molimo; pe esikani iyali Molimo u Nkolo, aho bosomi. ¹⁸ Pe usu kwatu a botsio beuwake, toko ulesa nkembo ekolo oine talatala;tokolenga oine ndenge lahe baa a nkembo e ndenge emoyi tii ndenge e kembo esiaka. Ine iloi ngi Nkolo, ye Molimo.