¹ La oyo nga sila mangine likanesi li bofetsi bohuli ngino kati e bowaowao. ² Fuko ine la ngaesa unu bowaowao, ndaeoko nangelesi, la ta oyo, ko ano ebayi a bowaowao po ela? V 3 Le komaki ko londenge le kelaki po e bofetsi boenesi, a bolwi ela, bowaowao ngu bane bekoki boesi ngo yenanga, unu ngia bosumbi metema mieino ngwa oine yenanga ela ebai pe yeino kwitu. ⁴ Kati e menyoko bo eteli motema e boangi, pe la misoli bofela, nde lekomeli unu, taa po ine bayale a bowaowao, kasi ine bolelembeli bonene bo lokundo lebayi alo po e ino. ⁵ La mito emoyi ebiaki tina e bowaowao, taa ngo mito le mwisi bowaowao, ebayi unu ngia too pe bamoyi findji, po ine lendji etesi lomeko. ⁶ Ikoki po e ano mito yetumbo line be moaesi la baito bofela, ⁷ la ndenge te bobayi a mokano e bo molimbesi pe bo mopotesi bilongo la boangi te atsi yale a bowaowao bieteli. ⁸ Nga longa unu la oyo bokeli yo mbeko i lokundu ngwahe; ⁹ fuko ine lekomelaki unu pe po etina e bolembeli, la bwisi unu a momekano, amba boyali a botosi la baketa ngia. ¹⁰ Ainzi nga ano elimbesi a unu nga limbesa pe lokola; pe yene yelimbesi ngo, amba nga limbesa mayi yema, po yeino, ane eyali Klisto ; ¹¹ po ine Satana atsi ukole bwetelaki likolo li iso fuko ine totsi ungesi bayeleba hahe. ¹² Bine bitsikali, ane etswi ngo a toloasi po e mboli nzali i Klisto ata ko Mokonzi ewuholaki mosela po ela, ndji ukolaki bohomi bo molimo, po ine ndji tu manaki la Tito, monginena owa; ¹³ tina emoli, ane emine ngo boo, lekiaki a Mesedonia. ¹⁴ Ngolu ngwahe Mongalima, ano etwaesi yelonga la Klisto, pe etsaka la usu bisikani kwitu lumba li bolembeli bo wahe! ¹⁵ Tobayi, kune po e Mongalima lumba li itanake ye Klisto, kati e bane be umi pe kati pe e bane bete waa: ¹⁶ po e bamoyi, lumba lo loko, lo aesa loko; po e basiaka, lumba lo bomoi, lo aesa bomoi. Pe nda ekoki po e lo bakita? ¹⁷ Fuko ine totsi mbengesi baoyi ba Mongalima, ndenge ekala baito bofela; kasi la bosembo, kasi po e Mongalima nde topoma la Klisto felo e Mongalima.