¹ Meno Paulo,mwenee nashikomobembeleza kwe konyenyekela ne kotalala kwe kristo.Meno ne kotalala wakati nale kombala yino,bobo nale ne tumaini kwino wakati nabe kolee nabanuu. ² Nashii komwengela banuu bobo,wakati ndabe amosaa na banuushikabe koba tumaini ne kuikonda kwane mwene.Bobo nalemokowaza,ndaobee koba tomaini wakati ndabapenge badia babe kowaza bodia tomukuchikana kwe namona ye lokoba. ³ Kwe koba nane bodia tomokwenda kolee lokoba,tushii kututana bita kwe namona ye lokoba. ⁴ Kwe koba mbao tole mokotomela kututana nde ye lokoba.Komongo kwake,elee ne bokome bwe Firinyambi bwe koonaa ngomoo ibekobandoswa saana mukumbakano yabe koolebwa. ⁵ Ne,twashi koona kela kele mamulaka kiabekujibandesa koeta kwe maarifa ye Firinyambi.Tushikudiketa matekaa kela wazo kole utii kwe kristo. ⁶ Lukine itetotabee tayarii kwe kututa kela matendo dishii ne utii,nao odia utii wino ootabee bwachii. ⁷ Loloa kedia kelebololo kombala kwino,ite woosee ole mokocheba bodia awe ne we kristo,ne ochebe bobo kole motema wakee,kwe bobo ite aweolee mondo we kristo,bwakale bodia na batuu. ⁸ Kwe koba nane ndajikonde bango saana koetela mamulaka yito,yabee bwana obekoola kwe ajidii yitoo kobanyengaa banuu ne ishii kwe kobaonaashika mone masonyi. ⁹ Shikakonda lele lemoneke bodia nashikomotenesa banuu kwe mianda chanee. ¹⁰ Kwe bodia monda mwe bando bemokoocha"mianda chakee ne ichowe ne elee ne bokome,bodia molokoba awe ne muzaifu mianda chakee etapashwe kuiunguchwa." ¹¹ Lola bando benamona edia bachebe bobo kedia tomokochaa kwe waraka wakati tobee kolehe ne sawaawa ne bodia totatendee wakati totabee adia. ¹² Totayakee kolehe saana bole kuisambakanya batu benee nane kudiangana benee ne badia bale kujiseka abo benee ne kela omosaa waboo,bashii ne lokanyi. ¹³ Batu,nane bodia,totaikondee koeta kepemo komongo kwake,totakete bodia bango monda ye mepaka yabee Firinyambi kotopemela batu,mepeka yabe kwika kolehe bole wino obele. ¹⁴ Kwe koba ndetwaiteselwa batu benee tobe kumwikelela banuu tobe be kombala kuika kwe sababu tobe kotangudia kuika mopaka kwino kole kotangudis kuika mopaka kwino kole injidii ye kristo. ¹⁵ Tonaikonda koeta mepeka koetela melemo ye bakinee.Komongo kwake,tole ne tomainii ite imani yinoo,eleko bole kadia kito kemelemo kita panolebwa saana ne ayo ne monda ye mepaka bole ena. ¹⁶ Tole ne tomaini kwelele,ite bodia toobe kuubiri injidii nane kole todia kweeta twino.Tokajikonde koetela koetela melemo yabe koketwa kole mbangaa ikinee. ¹⁷ Odia osee obekwikonda,uikonde kolebwana. ¹⁸ Kwe bobo mondo ole kokondebwande awe obekuiseka,ne awee otasekwe ne bwana.