¹ Kolengana ne molemo kwe ajidii ye baumini,ne bwachii kwane kobandekela. ² Nashikocheba koetela shauku yino,nabe kwikondela kwe bando be makedonia.Nabe kobachongelela bobo akaya yashikoba tayadii tangii mwaaka wabe koetambosa yino yashikomotecha motema bawelele babo koketa. ³ Bobo,nashikobatoma babotwa ite bodia kujikonda kwito koetela banu ishishii ye botaka,ne ite bodia mongabaa tayadii bole nabekoocha mongabaa. ⁴ Bikine abyo,bole mondo hosee we makedonia ite wabaka amosa nane ne kobabanga monabaa tayari,twanga mona masonyi...shikaoche kyokyote koetela banuu kwe koba shikaoche saana kolee banuu. ⁵ Bobo nabe komona ebee bwachii kobabembeleza babotwa kobaka kwino ne koketa mepangoo mekyelo kwe ajidii ye zawadii mobe koaidii ena ne bodia ite bobo yabe tayari bole baraka,ne nde bole kyendo kyabe koamribwa. ⁶ Wazoo na lele:mondo wabe kobyala bobeenaweeotavonee bibee,ne hosee otabyale kwe bwachii otavone bwachii. ⁷ Bobo ne kela omosaoole bodia obekopangaa momotema wakee.Bobo nawe ndakaoche kwe konongoneka nane kwe kokazebwa.Kwe koba Firinyambi komokonda odia obekoola kwe kyanya. ⁸ Ne Firinyambi otaobe kobachekiakela neema kwe kowelala,bobo banuu,ite mobee ne rizikii diye kela namona lusu losee,mokonjee koetaa saana kole kela tendo diachii. ⁹ Ne bole yabe koandekwa"washii koabaa utajiri wakee ne kuuola kwe bamasikini haaki yaake yashi kuchikana milele." ¹⁰ Odia obekocha mbekuu mwenee obyale,ne mokata obee bilebwa,otabaabele mbekuu ye kobyala ne koetesaa,nawe otayaongeze mafuno ye haakii yinoo. ¹¹ Ite motatarijishwe kolee byendo bisee moobee koba ne ukarimu hosee.Otamwabele Firinyambi shukurani kwe molemo winoo. ¹² Bobo motomeshe we melemoena ushii kobatemezela batakatifuu dizikii babe kopongokewa tu,awo otaete saana koba ne faida kwe shukrani chiwelele ye komwabela Firinyambi. ¹³ Kwe batumishii bano,bashi komotokoza Firinyambi kwe ajidii ye adabu yinoo kole kuinguchwa injidii ye kristo,ne kwe ajidii ye ukarimu winoo mobe amosaa naboo ne bando basee. ¹⁴ Bashikomokonda ne bashikomwengela kwe ajidii yinoo bashikoketa bono kwe sababu ye neema chikata che Firinyambi yaabe iyolo yinoo. ¹⁵ Shukrani yakee kwe Firinyambi kwe karama yakee etashii kochongelelebwa.