¹ Nashi komochongelel a motombeleanee na meno kole adii ye boyengaa bwane.Bodia kwe ukwedi mwashi kovomediana na meno. ² Kwe koba ne olee ne bwifu koetela banuu nale ne bwifu bwe Firinyambi kwe ajidii yino,tangiee nabe komochongelela banuu kole ndowa ye molome omosa nabe komochongelela,komochelela banuu kwe kristo bole katombekaachi. ³ Bobonashikotena bodia kwe na mona ikine bole njoka obee komondanganya lwino lotaobee kotashi koola koola kolehe koola kole ibada bunyofuu ne botokee kwe kristo. ⁴ Kwe bobo kwe mofano ite mondo ukine wabaka ne kotangaza Yesu ukinee ushii ne odia tobekomobiria nane motema ukinee ushii ne odia mwabe komopokeya nane kwe mofano ite motapokele injidii ikine shii ne mobe kopokela mokavomedeane mianda edia bwachi yashi kushila. ⁵ Kwe koba nashikocheba bobo meno shishi monda mwe babe momosenge kwe badia babe kwitebwa metome chichi. ⁶ Bodia nane ite meno shinafondeswa kole koela hutuba shishi bodia kole maarifa.Kwe kela namona ne kole mianda iseetwashikoleketa lele kochebekana kwino. ⁷ Buni,nabe koketa zambi kwe koinyenyekela meno mwenee bodia banuu moobe kobandosebwa?kwe koba nabe kuubirrii kwe bwachi injidii ye Firinyambi kwino. ⁸ Nabe konyaa makanisa makine kwe kopokela mosaada koola kwabo ite bodia nangaoba komosaidia banuu. ⁹ Adia nabe na banuu ne nabe kole neya,shabe kokaza mondo bobo badia babotwa nane babe kobaka koola makadonia babe koniabela kepemo kyenea chane nameno kole mianda isee nashikwibeka momotema wane shika mokaze nane kidogo:Lukine nashikwibeka. ¹⁰ Bole kwedi ye kristo ele monda mwane kono kwiseka kwane,kushi mondo otanichibe kanwa kole kujiseka kono,kole melelo ye akaya. ¹¹ Kwe bikye?kwe sababu shibakonde?Firinyambi omokocheba nale mokomokonda. ¹² Bobo kedia nale mokokiketa,ndakikete tu.Ndakikete bobo ite naobe kuchibela ibowaye badia bale mokokonda ibowa kwe koba bole tole kedia kedia babe kuikondala. ¹³ Kwe koba bando badia ne metome be manuu ne boketa melemo kwe kobeya be metome be kristo. ¹⁴ Nayo ishii ajabu,kwe koba nane shetani obekujifululusha awe mwene bole malaika we nuru. ¹⁵ Bobo kushii mwanda mokati batumishii bakee nabo bashikujifulusha babe mofano we batumishi be kwedi,nabo mwishoo waboo otabee sawasawa ne melemo yaabo. ¹⁶ Nashi koocha lukine:mondo ndekozanea kwe koba meno ne moyenga.Bodia ite mwaketa,mombokeye meno moyenga bodia naobe kwikonda bango kanana. ¹⁷ Die meno mokoocha sheochee mwanda we bwana,ne bole kwe buyinga,kole tumaini lele dye kwikonda. ¹⁸ Kwe sababu bawelele bale mukuikonda kwe namona ye lokoba,meno na meno ndaikonde. ¹⁹ Banuu kwe koba mole ne lokanyi mwishi kotombeleana ne bayenga kwe kyenya. ²⁰ Kwe bobo mwishikotombeleana ne mondo ite washi kokotecha bochaa,washi kumumina,washi komotea nyaraa,washikuikocha washikobatuta mombala. ²¹ Ndaochee kwe masonyi mito bodia batu tobele badhaifuu sana koketa bodia ne hosee otajikonda nale mokoocha bole moyenga...meno nako ndajikonde. ²² Buni,abo ne bayaudi?nameno nabodia.Bunii aboo ne baisraeli?na meno na bodia bunii aboo ne ibotadie Abrahamu?na meno na bodia. ²³ Bunii aboo ne batumishi be kristo?[nashikoocha bole nashikoolebwa ne lokanyi lwane]meno ne koeta nashikoba nane kole melemo chimee koeta,kolehe saana kwe koba bifungoni,kole kututwa koeta bipimo,kole kuikela hatarii chiwelele che kokwa. ²⁴ Koola kwe bayahudi nashikopokela mara chitana"bituto makumi manachi kola emosaa" ²⁵ Marachisato nabe kututwa kwe fimbo.Maraa emosa nabe kututwa mabwe.Maraa chisato babe kumbuka mbanji.Nashikotomela butuu ne choba kole lwalaba bololo. ²⁶ Kole lwendo mara chiwelele ye ngochee.Hatarii ye banyanganyi hatarii die kebalukiane.Hatarii ye bebalu bikine hatarii yekadya.Hatarii ye mojangwa hatarii ye lwalaba.Hatarii kwe babotwa be manuu. ²⁷ Nashikoba kole molemo moome ne kole maishaa maome,kole butuu bushima kotashi kokesa,kole njela ne mbosa maraa chiwelele kole kofonga,kole kyanji ne bosekenyi. ²⁸ Kolehe ne kela kiendo kikine ,kole mianda ye anje ye kela lusu ajidii yanee ye wasiwasi wanee kwe ajidii ye makanisa. ²⁹ Ne nani modhaifu na meno shishi modhaifu?na nani washi kokela mozambi,na mene shika shelekelemonda? ³⁰ Ite ne bwachii nijikonde,ndaikonde koetela kedia kiabekomoneswa budhaifu bwane. ³¹ Firinyambi ne isake we bwana Yesu,awe obe mokocheba kwe koba shishi koocha manuu. ³² Kodia dameski,mokolo we mofalme areta obele kokabeka kadia kedameski,bobo banikwate, ³³ Na meno babe kunikya monda mwe kekapo,kole dirisha die kyelee,nabe,kufuka kole mabokoo makee.