¹ Indee ne mike faida ebechange nawe Myaudi? Ne faida ye kwiyochanga ne ekee? ² Ne bwachi koeta kukila nea.Ne eke kubise, Bayaudi babechwanga komoanga kotanga kwa Filenyambe. ³ Kobobo, etaungwange indee ketongo kye Bayaudi ndebaungwanga ne tumaini? Nekee, krito kwi me nyanga kwabo kotaketanga kwi nemya kwa Filenyambe kungwanga bokita? ⁴ Ye nekee. Kisha awe,lekeanga Filenyambe omoekange kungwanga sambo, nani ungwa montu ne weananu, inngwa bwabechange byandekeswanga,''Indee yobange komonda mwee biochange byao, ne obangee koetanga akwingeanga monda malipiso.'' ⁵ Kobobo ingwanga bobee bwito bosomoeanga sambo lya Filenyambe, tochange eke? Filenyambe ndasi mubaya ochange malipiso make, eke wee bobo? Nasochanga kolengana ne mila chebondo. ⁶ Yee nekee! Ne mikee namuna indee Filenyambe otalipesanga mosenge? ⁷ Kobobo ingwa sambo lya Filenyambe koetanga manu mane ochange bisekwa byabua kombanga chake, ne ekee nakee ingwa nasosongochwa bwo wene bwabea? ⁸ Ne ekee tochange, ingwa twinyekesangwe ne ingwa bakine basotusingechange indee tosochanga,'' Toketange bwabea, bobo bwachi bibechange''? Malipiso monganda mwabo ne mesambo. ⁹ Ne nani indee? Toso iyochelanga baibene? Kusi kusi. Kwekomoanga bae tayari tosobatomanga Bayaudi ni Bayunani basee amosa, ingwa bee mosee mwe byabea. ¹⁰ Bobo ne ingwa bwandekwange: ''Kusi wene sambo nani amosa. ¹¹ Kusi montu ingwa achibange. Kusi montu ingwa wengange Filenyambe. ¹² Base basutukanga. Abo amosa basungwanga batasi faida. kusi otoketanga biachi, kusi, nani amosa.'' ¹³ ''Buchikaeno bwabo ne kabuli lebololo. Ndene chabo chitonganga. Sumu ye nyoka lee mosee mwe miomo chabo.'' ¹⁴ ''Tonwa twabo tosochekanga bwabea ne bichabwange.'' ¹⁵ '' Mende chabo chene labeo kuiteanga masi. ¹⁶ Bwabea ne kosongochwa byee monda mwe njea chabo. ¹⁷ Bantu baba banachebanga njela ye yaa. ¹⁸ '' Kusi kotemanga Filenyambe kombala kw miso chabo.'' ¹⁹ Bobo tosochebanga hite bise kanuni yochenge, yochange ne balya bemosee mwe kanui. Bibi ni ingwa indee kila kanywa kafungwange, ne bobo indee mosenge osee obangee kokomokwanga na Filenyambe. ²⁰ Bibi ne kweko biketwange bye kanuni kombala kwi miso make. Kobobo koeteanga kanuni kobechanga lokani lwe bwabea. ²¹ Kobobo ingwa kotasi kanuni, sambo lya Filenyambe letochibekanga. Nakochibwanga kwe kanuni ne ndomwa, ²² Bibi ne, sambo lya Filenyambe koetanga mwecho monda mwa Yesu Kristo kobalya basee ngimenya. indee kusi bisamboanga. ²³ Kobobo base basoketanga bwabea, ne kollwanga ne mwecho wa Filenyambe, ²⁴ Bato esabilibwanga sambo bokata kwe lokusi lwake konjea lee kohokoanga wee monda mwa Yesu kristo. ²⁵ Kobobo Filenyambe nakochanga Kristo Yesu ungwange molochi konjea lee mwecho monda mwe masi make. Nakomochanga Kristo bwe singekwa lye sambo lyake, kokomoa kuitokea babeee bwaetanga, ²⁶ monda mwe kokoba ibae kwake. Bibi bise yatokanga indee komomwesanga sambo yaage saa ena yesana. Ena ebechange indee obange kuisekemekanga awe mwene kungwa sambo, ne komoesanga inde omoesambianga sambo, ne komoesanga indee omoesambianga mwa Yesu. ²⁷ kwe koni indee kuiseka? kotengwanga. Kwe asilia indee? Asilia lye mila? Ndeko, kobobo kwe asilia lye mwecho. ²⁸ Bobo tutusengechanga indee montu kobale kwanga sambo kwe mwecho atasinga mila che kanuni. ²⁹ Ingwa Filenyambe ne Filenyambe we Bayaudi tu? Indee awe ndee Filenyambe we bantu be mosenge ona? Indee, awe mosenge nabo. ³⁰ Ingwa kwe sambo Filenyambe ne amosa, otaba esabiange sambo babechange be kale kwe mwecho, ne batasi kobembwa yambo konjea lee mwecho. ³¹ Nekee bae tutu tuchanga kanuni kwe mwecho? Kuusi! Komongo kwe bobo, bae tusutuchanga kanuni.