¹ Totaochange ekee lukine indee Abraham, tati wiitu koombangaye lokoba, osekonyekananga? ² Kobobo ingwa Abrahimu wesabiwange sambo kwe mila, ungaungwanga ne kemo kye kkuisekanga, ingwa nde kombala kwa Filenyambe. ³ Kobobo byandekwa bitochanga boni?'' Abraham nakuhimenyanga Filenyambe, ne kwesabiwanga awe kungwanga sambo.'' ⁴ Kobobo ko montu okebange memo, malipiso make matoesabiwanga kungwa ne bahati, indee kungwanga ne leni. ⁵ Kobobo ko montu otasi kokambanga memo indee usu imenyanga awe otobalekanga sambo otasi kuungwanga we nyenyi, ngimenya sambo. ⁶ Daudi nawe ochanga banaka monganda inwe montu ingwa Filenyambe osomobale kanga sambo kotasi biketwange. ⁷ Nakochanga, ''Basobalikiwanga balya ingwa bobee bwabo boto esabiwanga ni ingwa bobee bwabo busu iswekange.'' ⁸ Osobalikiwanga montu olya ingwanga tati ndatomobalekanga bobee.'' ⁹ Kobobo ekee banaka chichi ne kobalya babembwange yando ikesa, iingwa ne kobalya batasi kobembwanga yando? Kwe komoanga toso ochanga,'' Kwe Abraham ngimenya lyakee eba lekwange kungwa ne sambo.'' ¹⁰ Bobo ebalekwange boni? Kombala Abraham obechange monda otasi kobotanga, indee ingwa ndana benubwanga yanolo? Nde yabechanga ingwa kobembwanga, kombala ingwa kotasi kombwa yando. ¹¹ Abraham nakokokeanga alama lye kobembwanga yando, ona obechange alama lye elya sambo ye ngimwa ndana bembwanga yando. Byolanga bye myujiza elya ne ingwanga wake tibwange kungwa tati we base baiminyange, nani ingwa bee monde kotasi kobembwanga. Bibi byene maana ingwa sambo eta esabiwange kwabo. ¹² Ena indee isingekange ingwa Abraham oketibwanga tati we batasi kobembwanga etasi tu kobalya basolanga ne kutasi kobembwanga, bobo nabo ingwa balya batofatanga mendee che isito wito Abraham. Ne hena nayo ngimenya obechange nao kobatasi kobembwa yando. ¹³ Kobobo nde yabechange kwe kanuni ingwa byasi elwanga biochwange na Abraham ne ibota lyake, bisi elwa bibi ne komoa bata ingwange bayani be mosenge. Kotasi, ebechange koeteanga sambo lee ngimenya. Nabo bayani, ngimenya esungwanga bokata, ne bisielwa byutukanga bokata, ne bisielwa byutukanga. ¹⁵ Kobobo kanuni obesanga malipiso, ingwa alya mwe kotasi kanuni, indee kotasi kutokotenanga. ¹⁶ Kobobo bibi biolelnga kwe kwimenyanga, indee yungwe kwe bahati. Biolange byake, bisi elwanga ne koetanga kwe ibota balya bachebange kanuni, ingwa indee balya ingwa ne be ngimenya lya Abraham. Kobobo awe ne tati wito bae base, ¹⁷ bobo bwandikwange,''Nabokoketanga awe kungwa tati we mosenge chabwa.''Abraham obechange monda mwecho we olya waimenyange, indee, filenyambe ingwa otobabelanga bakwechange mwecho ni kuitananga mianda ingwa etasi indee yobange kungwa. ¹⁸ Bise biketibwange byake bye anje, Abraham kwe kosasimoka nakuimenyanga Filenyambe komasu mabechange. Bobo nakungwanga tati we misenge chabua, kolengamango nekea kyaochibwange,''Nabota ingwange ibota lyao.'' ¹⁹ Awe ndabechange kotasi mwecho monda mwe ngininya. Abraham nakusingekanga ite lokoba lwake mwena lobechange losokwa, obechange ne ketemba kye kokanibianga miaka mia emosa. Indee nakungwananga ne hali lee kokuchanga lee ikundu la sana. ²⁰ Kobobo kwe komoanga lye bisi elelwange bya Filenyambe, Abraham ndakonanga monda mwake kotasi kuimenya. Indee, nakotebwanga mwecho monda mwe ngimenya mokochebanga knekine kwekungwa kelya ingwa Filenyambe usu sielelanga obechange indee ne mwecho we kukisingekanga. ²² Kobobo bibi nabyo ne sambo. ²³ Bobo ndeya andekwange ikesa kwe faida lyake, indee nakobalekwange nake. ²⁴ Nakondekwanga kombanga kobalikibwanga, bae ingwa tusu ine nyaga monda mwe awe wachekoanga Yesu Kristo kolanga mobakwchaga. ²⁵ Ona ne olya indee waochibwange kwe mbanga ye bobee bwito ne kochekolibwanga indee tokoofange kobale kwange sambo.