¹ Kobobo kusi kusumbwanga, awe utulipesanga, kwe komoanga monda molya utulipesanga ukine ne kwitechanga monda awe mwene. Kwe komoanga awe utukumuanga osoketange mianda chilya chilya. ² Kobobo totochebanga indee bobango malipiso na Filenyambe ne mesombo monganda mwabo batoketanga mianda bwe chichi. ³ Kobobo owe ibochanga indee, awe utukumwanga balya batoketanga mianda chichi ingwa nawe otoketanga mianda bwe chichi. Awe otachokange babngobwa Filenyambe? ⁴ Bobo utwibochanga bikeke koeta kolengana ne biachi byake? koende changa kwe malipiso make, nee kufuni iliya kwake lotopaswanga kokoangwechanga monda mwe iyaya? ⁵ Bobo kwe komoanga kokoba kwao ne kwe motema wao otasi ne Filenyambe utwibekenaga awe mwene noso lee malipiso ne loa lusu lwe kosongoka, koboba, lusu loa lwe kolela kwe bisongochwa bye sambe lya Filenyambe. ⁶ Awe otalipe sanga kila muntu kolengama sawa ne biketanga byake: ⁷ kobalya ingwa kwe iyaya lye biketange, byake biachi batolenga kose kwanga, kotemwa ne kotasi konika, otababechange mwecho we ilombo. ⁸ Kobobo kobalya ingwa ne abobene, batasi kungwanga sambo indee kuhikyaenga bwabea, bobango na koamo kanga kwe koeta kotabechange. ⁹ Filenyambe otabesange kosongoka ne mateso monganda mwe kila motema le mondo oketange bwabea, kwe uyuda kombaha, ne kwe uyuna ni nawe. ¹⁰ Kobobo bisekwa, kotemwa ne amani etabechanga komondo osee oketanga byachi, kwe uyuda kombana, ne kwe Uyunani komongo. ¹¹ Kokomoa kuusi otokondanga Filenyambe koeta. ¹² kobobo ingwa bolya babua baketange bwabea kotasi kanuni batachibeange kotasi kanuni, ne ingwa bolya babua baketanga bobee kenganeswa ne kanuni bata songochwe kwe kanuni. ¹³ Indee nde batungwesanga be sambo bene be sambo komabala kwa Filenyambe, indee ne balya baketange sambo batabalekwange sambo. ¹⁴ Kobobo bantu be mosenge, indee batasi abo batasi ne sambo. ¹⁵ Kobobo wasomoesanga indee bitendo bisoitajikanga kwe kuyibianga besambo bisoandikangwa monda mwe metema chabo. Nani chabo indee chisobasingekange abo, ne biwazange byabo abo bene indee kobasi ngekange indee kobasi ngekange ne kobachungange abo bene ¹⁶ ne indeee kwa Filenyambe. Bibi bitaolange monda masu indee Filenyambe otalipesange siri le bantu basee, kolenganeswanga na ikomo lyake, konjea lya Yesu Kristo. ¹⁷ Tochange indee usuhitana awe mwene Uyuda, uchikanange monda sambo, osekange kwe kuiseka monda mw Filenyambe, ¹⁸ bitochebwanaga kokondanga Filenyambe kupinanga mianda indee bitolengaa mananga nabyo, indee lee kusile lwanga ne sambo; ¹⁹ ne tochange indee we kosasinoka indee awe mwene ne otongosanga mbufu, itala lee balya bee mwikunye, ²⁰ mosolelwa we batasi kochebanga kendo, mosaolelwa we olewa we bana, ne indee wene monda kanuni kolengana nga ne lokani ne haki? ²¹ Awe nawe, otochanga ikomo awe ufundesange kotai kuibanga indee koketanga bwambya, indee osoketanga bwambya? Awe utuchukianga sanamu, indee usuibanga mokanisa? ²³ Awe utuiseka monda kanuni, ungwanga osabayanga Filenyambemonda kobelanga kanuni? ²⁴ Kobobo''China lya Filenyambe lisobanjekanga masoni asambanga bantu be mosenge kwe sababu lino,'' Indee bwande kwanga. ²⁵ Kobobo koketwa yando kine kine kotofanga indee osotenanga kanuni, indee ingwa we ne changa we kanuni, kobembwanga kwao yando kote kuto kobembwa yando. ²⁶ kobobo, ingwanga, montu otasi kobembwanga otayelele kokwatanga mianda che kanuni, ingwa kutokobembanga yando kwake kukaendwanga indee ingwa osobembanga yando? ²⁷ Na awe otasi kobembwanga yando kwe asilia ndaka kulipesanga ingwa osoketanga kanuni? Bobo ne kwe komoanga wene byendakwa byandekwanga ne tohara indee kobobo bado mutuhuki we kanuni! ²⁸ Kobobo awe ndasi Uyuda ungwange kwe lokani lwe anje; nani kobembwa yando isi kolya kwe anje lakini monda mwe lokoba. ²⁹ kobobo awe ne uyuda wee monda, ne tohora ne we motema, monda motema, etasi monda ikomo, bisekwa inge bye montu we lokani lolo letolanga ne bantu indee lotolanga kwa Filenyambe.