¹ Erhi amalira emyanzi yage embere ly'olubaga lwakagi yiyunvirhiza, Yezu adaha omu Capernaumu. ² Mukozi muguma aligwerhe omurhumisi ali acikubagira bwenene, anali lwazire, hofi hakufa. ³ Ayunva baderha ogwa Yezu, amurhumira bashosi baguma bayahudi mpu baji musengerera ayishe afumye omu rhumisi wage. ⁴ Nabo erhi bahika hofi na Yezu, bamu yinginga bwenene, baderha: ashingsnine oku jirirwa ebyo; ⁵ Bulya asimire ishanja lirhu, naye ye warhuyubakiraga ishengero. ⁶ Yezu, anacigenda haguma nabo, ciru erhyaba akol'ali hofi n'enyumpa, erhi omukozi arhuma abira bage mpu bamubwire: Nnahamwirhu, orha cilibuzagya kulusha, bulya ntashinganyiri mpu oje omu mwani. ⁷ Nakandi muly'uko ntaciyemeraga okuja nyene emunda oli. C'oderhe cinwa ciguma, omurhumisi wani afuma. ⁸ Bulya, nye nahizirwe edako ly'oburhegesi, ngwerhe abasirika edako lyoburhegesi bwani; nambwire muguma: genda! anagende; n'owindi: y'isha! anyishe; n'emwomurhumisi: wani jir'ebyo! anabijire. ⁹ Erhi Yezu ayunva eyo myanzi, arhangala noyo murhumisi, anahindamukira olubaga lwali mushimbire, aderha: Mmubwizire, ciru e Izraeli ntabonaga obwemere bunene nk'obwo. ¹⁰ Omu kugaluka eka, abali rhumirwe n'oyo musirika mukulu, barhingana anafumire omurhumisi wali lwazire. ¹¹ Olusiku lwalishimbulire, Yezu aja omu murhundu guderhwa Naine; abigirizibwa bage n'olubazgaz lwinji lwali mushimbulire. ¹² N'erhi akola ayegerire hofi n'omuhango gwo murhundu, lola, balidekerezize ofire okwidaho, mwana muguma wa nnina, ali mukana; hanali bantu banji haguma naye bo mwogo murhundu. ¹³ Nnahamwirhu, amubona, amuyunvirhir'obonjo, anamubwira: Orha cilake! ¹⁴ Ayegera, ahuma okw'isanduku. Abali mudwirhe bayimanga. Aderha: Mwana rhabana, nkubwizire yimuka! ¹⁵ Oyo walifire anatamala, anarhondera aderha. Yezu amushubiriza nnina. ¹⁶ Boshi bagwarhwa n'ecoba banakuza Nnamahanga, baderha: Omulebi mukulu anaishire mulirhwe. Na Nnamahanga anarhangwire olubaga lwage. ¹⁷ Ogwo mwanzi kuli Yezu gwalumira omu buyahudi mwoshi n'omu cindi cihugo cali kulikire. ¹⁸ Yohana alimanyire ebyo byoshi n'abigirizibwa bage. ¹⁹ Ahamagala babiri, abarhuma emunda Yezu ali, bamubwire: Oli olya wayisha. erhi rhulinde owindi? ²⁰ Erhi bahika aha Yezu ali, bamubwira: Yohana mubatizaji arhurhumire emund'oli, mpu rhukudose: Nkaba oli olya wayisha, erhi rhulinde owindi? ²¹ Omwako kasangi ko nanene Yezu afumya bantu banji bali lwazire, n'emishibo, n'abazimu babi n'emihurha minji yahasha okubona. ²² Anacibashuza: Mugende mubwire Yohane ebi mwabwine n'ebi mwayunvirhe: Emihurha eli yabona, n'ebirema biribyagenda, ab'ebibenzi bacesibwe na barhayunva bali bayunva, bali bayigirizibwa emyanzi ya kalembe. ²³ Alimugishe olya kuliye ntaba bulyo bwabu kunizi! ²⁴ Erhi abarhumisi ba Yohane bagenda, Yezu arhondera abwira olubaga, oku myanzi ya Yohana: Bici mwalijire lola omw'irungu? Amashekesheke gali ga dundwa n'empusi? ²⁵ Cikoki, bici mwali genziri lola? Omuntu muguma wali yambirhe emishangi minja? Mulole abayambala emishangi minja n'abalamire omu murhula, bali omu nyumpa z'abami. ²⁶ Bici mwalijiri lola? Omulebi? Neci, namubwizire, na kulusha omulebi. ²⁷ Ye yolya wayandikiragwa ebyo: Lola, ntumire omwigiriziza wani emalanga gawe, ly'arheganya enjira zawe emalana gawe. ²⁸ Mmubwizire, omwa balya boshi babusirwe n'abakazi, ntaye yeshi oli mukulu kulusha Yohana. Mulyukwo, ocirhohize omubwami bwa Nnamahanga akuzibwa kumulusha. ²⁹ Na ngasi lubaga lwamuyunvirhe ciru n'abavurhisa bayemire Nnamahanga bana batizibwa obubatizo bwa Yohana. ³⁰ Cikoki abafarisayo n'abigiriza b'irhegekoomukurha yemera babatizibwe naye, bahindwire okuba busha obulonza bwa Nnamuzinda oluhande lwabo. ³¹ Oku bicigi naba shishanya, aba bantu b'eli burha, nabo ndigi bashushire? ³² Bashushire abana batamire omu cibuye, n'okuka, hamagala bone nanene baderha: rhwaba shurhire enfirimbi murhana samaga, rhwabayimbire murhanaco yamaga. ³³ Bulya Yohana mubatiza ayishire, arhakagi lya mugati arhanakagi nywa idivai, na munaderhe mpu: ali mwo muzimu. ³⁴ Omwana w'omuntu ayishire, kulya n'okunywa, ninyu mwaderha: ali namulya na namunywa, mwira wabavurhisa nab'akalamu kabi. ³⁵ Cikwoki obushinganyanya bw'obumanye oku bana bage boshi. ³⁶ Muguma w'abafarisayo alalika Yezu mpu ajilya haguma naye. Yezu adaha omunyumpa y'omufarisayo, anaja oku meza. ³⁷ Alaga, mukazi muguma ali munyabyaha w'omwogwo murhundu, erhyamanya oku analire omunyumpa yoyo mufarisayo alerha enjebe ya mavurha g'ibaya, ³⁸ Ayimanga enyuma, aha magulu ga Yezu, akalaka; arhondera amulobya amagulu n'emilenge yage, buzinda anarhondera amuhorhola n'enviri zage, n'okumu nyunyugurha, anamushiga galya mavurha gibaya. ³⁹ Olya mufarisayo wali muhamagire, erhi abona ntyo, acibwira yene: Nkoyu muntu anali mulebi, anali amanya ali mukazi muci oyu oli wamuhumakwo, anali amanya oku ali munyabyaha. ⁴⁰ Yezu ashubiriza akanwa, aderha, Simoni, ngwerhe oku nali nakubwira. -Mwigiriza, derha, shuzagya. ⁴¹ Muhozanya muguma ali gwerhe bantu babiri b'okuhoza: muguma ali mugwerhe mwenda gwa magana garhanu gw'idinari, n'owindi makumi garhanu. ⁴² Nkwoko barhali gwerhe ebi bamu lyula, aba babalira bombi okw'erya myenda. Ohi wamusimire bwenene? ⁴³ Simoni ashuza: Ntanyize okuyo wali gwerhe omwenda munene. Yezu amubwira: odesire bwinja. ⁴⁴ Kandi, ahindamukira omukazi, abwira Simoni: K'obwine oyu mukazi? najire omu nyumpa yawe orhampire amishi na kalaba amagulu gani; cikoki ye, anagalobize oku milenge yage, n'okugahorhola n'enviri zage. ⁴⁵ Orhaco nyunyugusire, cikwoki ye, kurhenga nanadahaga arhacihusa oku nyunyugurha amagulu. ⁴⁶ Orha mbulagîre amavurha okw'irhwe lyani; cikwoki ye, anambulagire amavurha g'ibaya oku magulu gani. ⁴⁷ Co cirhumire, nkubwizire kwo, ebyaha byage binji bikola bibabalirwe. Bulya asimire bwenene. Ci olya babalira hitya asima hitya. ⁴⁸ Anacibwira omukazi: Ebyaha byawe byababalirwe. ⁴⁹ Abalikwo balya boshi bakaci barhangurha bacimwirha bone erhi: yendyuyu, wababalira ciru n'ebyaha? ⁵⁰ Ci kwoki Yezu abwira oyo mukazi: Obwemere bwawe bukucizize, genda n'omurhula.