¹ Hana cihika, olusiku lwe sabato luderhwa lushimbulira olu rhanzi, lyo Yezu ajaga agera omu mashwa ge ngano. Entumwa zage zavuna emishugi n'okulya, enyuma z'okuikanda omu maboko gabo. ² Bafarisayo baguma bababwira erhi: bulya gurhi mw'aja jira ebihanzibwe okujirwa olw'esabato? ³ Yezu abashuza mpu: ka murhasangi soma ebya jijirwe na Daudi, amango alishalisire, ye nabalya bali boshi naye; ⁴ Kurhi akagi daha omu nyumpa ya Nnamahanga, arhola emikati yali rheganyizibwe, ayirya, n'okuyiha balya boshi bali naye, birhali rheganyibwe okw'abagula banayirya? ⁵ Ababwira erhi: mwen'omuntu ye mwalimu w'esabato. ⁶ Hacihika, hacihika olundi lusikulw'esabato, lyo Yezu ajaga omw'ishengero, n'oku yigiriza. Mwabonekana omuntu waligwerhe okuboko kw'ekulyo kuyumire. ⁷ Abandisi n'abafarisayo bakagi lola Yezu, mpu balole erhi ajira ebisomerine by'okufumya olusiku lw'esabato: kwali mpu bagwarhe irhondero ly'okumushweka. ⁸ cikwone alimanyire entanya zabo, abwira olya muntu waligwerhe okuboko kuyumire mpu: yimuka, oyimange hala omukarhi. Ayimuka, n'okuyimanga. ⁹ Na Yezu aderh'erhi: mudosize nkaba bishinganine, olusiku lw'esabato, okujira aminja erhi okujira amabi, okuciza omuntu erhi okumuniga. ¹⁰ Aho, ageza amasu gage omu bo, abwira olya muntu: lambula okuboko kwawe. Akujira, n'okuboko kw'afuma. ¹¹ Boshi bayunjula burhe, n'okuka cidosa gurhi bajira Yezu. ¹² Omwako kasanzi, Yezu aja omuntondo aji huna, anageza obudufu bwoshi aly'ahuna Nnamahanga. ¹³ Erhi buca, ahamagala entumwa zage, anacishoga ikumi na babiri, bo ahag'izino ly'entumwa: ¹⁴ Simoni, yakagi derha Petro; Andrea, mulumuna; Yakobo; Yohana; Filipo; Batolomayo; ¹⁵ Matayo; Tomaso; Yakobo, mwene Alfayo; Simoni, aderhwa Zelote; ¹⁶ Yuda, mwene Yakobo; na Yuda Iscariote, ye waliaba munizi. ¹⁷ Ahona haguma nabo, n'okuhika ahantu, naho hali olubaga lw'entumwa n'obwinji bw'olubaga lwoshi lwomu Yudea, b'omu Yerusalemu, n'abomu nciga ze Tyri n'Esidoni. Bali yishire mpu bamu yunvirhize, n'oku fumisibwa endwala zabo. ¹⁸ Abali gwerhwe nabazimu bafuma. ¹⁹ N'olubaga lwoshi lw'alonza oku muhuma ko, bulya emisi yakagi murhenga mo n'oku ba fumya boshi. ²⁰ Ntyo Yezu, asinza oku ntumwa zage, aderha: iragi emwinyu mwe muli bakenyi, bulya obwami bwa Nnamahanga buli bwabo! ²¹ Iragi emwinyu mwe mushalisire buno, bulya mwayishi yigusibwa! Iragi emwinyu mwe muli mwalaka buno, bulya mwayishiba omu bushagaluke! ²² Iragi emwaba, amango mwayishi gaywa n'abantu, hanomuka hinvwa, mwa libuzibwa, n'oku kweba izino lyawe nkalirha shinganini, aha nyanya lya mwene muntu! ²³ Musimisanye mwene na mwene muna rhulirizanye oku bwirhonzi, bulya oluhembo lwinyu lwaba luhamu empingu; bulya ntyo ko b'ishe bakagi jira abalebi. ²⁴ Cikwone, obuhanya emwinyu, abagale, bulya mugwerhe obwinyu burhulirize! ²⁵ Obuhanya emwinyu mwe muyigusire, bulya mwashalika! obuhanya emwinyu mwe muli mwa sheka buno, bulya mwayishiba omu ciriyo n'omu mirenge! ²⁶ Buhanya, amango abantu boshibaku derherera aminja, bulya ntyo kobîshe bakagi jira emw'abalebi babi! ²⁷ Cikwone namubwizire, emwinyu mwe muli mwanyunva: musime abashombanyi binyu, mujirire abamugaya aminja, ²⁸ Mugisha abamu heherera, muhunire balya baka murhindibuza. ²⁹ Nk'omuntu akakushurha irhama, omuhe n'elindi nalyo. Nk'omuntu akarhola ikoti lyawe, orha murhangaga okurhola kandi embataro yawe. ³⁰ Ohe olya yeshi okuhuna, orhana hunaga ebinja bâkudwirhe. ³¹ Ebi wankasima abantu bakujirire, nawe obajirire byo nebyo. ³² Nka mwakasima abamusima, bulonze buci mwamanya? abe byaha nabo banakasima ababasima. ³⁴ Nanka mwaka kalangalira balya bamulangaliza, bunguke buci mwabanabo? Banabyaha nabo bakarhenga emw'abajira ebyaha, lyo bayankirirwa nka ntyo. ³⁵ Cikwone musime abashombanyi, mujire aminja, muhane buzir'oku langalira. n'oluhembo lwinyu lwaba luhamu, namwaba bene owenyanya, bulya aba mwinja okubantavuga monkwa n'oku bakali. ³⁶ Mube mube baku babalira, nkoku shô winyuaba waku babalira. ³⁷ Murha twaga olubanja, ninyu murhayishi lutwirwa; murha shwekanaga ninyu murhayishi shwekesibwa; mulikule, ninyu mwayishi likulirwa. ³⁸ Muhane, ninyu muhabwe: bamu hebera omu kabehe lugero lwinja, kafundire, kagukumule n'akajamwangika; bulya bamupimira omu cipimo cirya mukapimira mwo. ³⁹ Aba bwira kandi ogu mugani: k'omuhurha gwanaheka omuhurha? ka barhanka rhogera bombi omu mwina muguma? ⁴⁰ Omwigirizibwa arhankaba enyanya ly'omwigiriza wage. ⁴¹ Bulya gurhi mubona omwasi oli omwisu lya mwene winyu, curhabona enduluma eli omw'isu lyawe? ⁴² Erhi gurhi wankabwira mwene winyu: mwene wirhu, oleke nkukule omwasi oli omw'isu, w'orhali wabona enduluma eli omw'isu lyawe? okule burhangiriza enduluma omw'isu lyawe, n;aho wahasha wabona gurhi wakulaomwasi oli omw'isu lya mwene winyu ⁴³ Arhali omurhi mwinja goguba kwo amalehe mabi, arhanali omurhi mubi gwo guba kw'amalehe mabi, arhanali omurhi mubi gwo guba kwamalehe minja. ⁴⁴ Bulya ngasi murhi gunaka cimanya oku malehe gagwo. Bulya orhanka sarhula etini omu mishugi, n'omu kusongerwa arhankayimbula emizabibu. ⁴⁵ Omuntu mwinja anaka yankirira ebintu binja by'ecishingi c'omurhima gwage, n'omukali anaka yankirira ebibi by'omu cishingo c'obubi bwage, bulya omu burhulirire bw'omurhima mwo akanwa kaderhera. ⁴⁶ Bulya gurhi muka mpamagala Nnahamwirhu, Nnahamwirhu! murhanajira ebi mubwizire? ⁴⁷ Nayishi muyereka indi akashusha omuntu waj'emwani, akayunva emyanzi yani n'oku yishimbulira. ⁴⁸ Ashushanibwa n'omuntu wayubakaga enyumpa, ahumba, bwenene, n'omusingi agudahaza oku mabuye. Ecihuso cayisha, n'olugungu lwaka shurha eyo nyumpa, buzira okudundagana, bulya yali nyubake bwinja. ⁴⁹ Cikwone oly'okayunva, arhana bishimba, ashushanyibwe n'omuntu wayubakaga enyumpa yage okw'idaho, buzira ciriba. Olugungu lwakacikweba oku yo: Ho naho yahirima, n'obuhezi bw'eyo nyumpa bwali bwinji.