¹ Nkoku Yezu ali oku burhambi bw'enyanja ye Genesareti, na nk'okulubaga lwakagi muzunguluka mpu luyunve omwanzi gwa Nnamahanga, ² Anacibona oku burhambi bw'enyanja marho gabiri, omwo abadubi bakagi honoka n'okushuka orhweshe rhwabo. ³ Ashona omu bwarho buguma, omubwa Simoni, n'oku bahuna mpu bashegere hitya hyaho bali. Buzinda adahala, n'omw'obw'obwarho ajaga ayigiriza olubaga. ⁴ Erhy'aleka oku derha, abwira Simoni: oshegere omwaga mishi, na mukwebe endobo zinyu mulobe. ⁵ Simoni amushuza: mpu mwalimu, rhwakozire obudufu buzira okugwarha bici; cikwone, kugerera akanwa kawe, nakweba olulobo. ⁶ Erhi bama kweba, bagwarha nsamaki nyinji, n'akeshe kabo kakunja. ⁷ Bana cimanyisa abira babo bali ahaburhambi bwabo omu bwarho mpu bayishe baba rhabale. Bayisha babumba ago marho gombi, hofi hakubazamya. ^{8 10 11} v 8 Erhi abon' ebyo, Simoni Petro ahirima aha madwi ga Yesu, n'okuderha: ntenga ho, bulya ndi muntu wabyaha. ⁹ Bulya ali somirwe, yene na balya boshi bali haguma naye, bulya badubire kulushisa. ¹² Yesu ali omu murhundu muguma; n'okulaba, muntu muguma aligwerhwe n'ebibenzi, anacimubona, ahirima emalanga gage, anamuhuna mpu: Nnahamwirhu, nkaba bikusimisize, wananfumya. ¹³ Yezu amuheba kw'amaboko, amu humako, n'okuderha: nkulonzize, fuma. Honaho ebibenzi byanarhenga. ¹⁴ v 14 Amurhegeka mpw'arhabwiraga ciru n'omuntu muguma. Cikwone, amubwira, gendaga ojichiyerekana abadahwa, n'okurhula kw'obucèse nk'oku Musa ayandikaga, ly'ebyo bimu hamiriza. ¹⁵ Obwalagale bwage bwayunjula ngasi mango, n'olubaga lw'abantu banji bakaishi muyunvirhiza n'okufumisibwa amalwala gabo. ¹⁶ Nayé, anacija omw'irungu, n'okuhuna. ¹⁷ Lusiku luguma Yezu akagi yigiriza. Abafarisayo n'abandisi b'irhegeko bahali batamire, barhengaga omu nciga zoshi z'omu Galilaya, z'Eyudeya n'ezomu Yerusalemu; n'obuhashe bwa Nnahamwirhu bwana cibonekana omukufumisibwa. ¹⁸ N'omukubona, abantu, bali berhwire oku ncingo omuntu wali hozire, bali lonzize okumu dahya n'oku muheba embere zage. ¹⁹ Omukuba barhali manyire aha bamugereza, ju y'obwinji bw'olubaga, bashona oku burhungiri, n'oku murhoza omu murhule, haguma n'encingo yage, omu kagarhi k'olubaga, embere za Yezu, ²⁰ Omukubona obwemere bwage, Yezu aderha mpu: mulume, ebyaha byawe bibabalirwe. ²¹ Abandisi n'abafarisayo banacikarha n'okuderha mpu: yendigyuyu wani, wankajira ebirinkebi? Wanka babalira ebyaha, orhali Nnamahanga yene? ²² Yezu amanya entanya zabo, arhondera ababwira erhi ntanya nci mugwerhe mwarhanya omu mirhima yinyu? ²³ Lihigi lili lilembu, okuderha: ebyaha byawe bibabalirwe, erhi okuderha mpu: yimûka, ona gende? ²⁴ Ci, lyomumanya oku mwen'omuntu ali omw'igulu n'obuhashe bw'okubabalira ebyaha: nkorhegesire, abwira owali hozire, yimuka, rhola encingo yawe, ogende omumwawe. ²⁵ Boshi basomerwa, bakuza Nnamahanga; bayunjula ecoa, bakaderha mpu: rhwabwine ene eby'okusomeza. ²⁶ Enyuma z'ebyo, Yezu ahuluka, abona muvurhisa muguma, aderhwa Lawi, adahire ahokulyugiza. Amu bwira mpu: nshimba. ²⁷ Enyuma z'ebyo, Yezu ahuluka, abona muvurhisa muguma, aderhwa Lawi, adahire ahokulyugiza. Amu bwira mpu: nshimba. ²⁸ Aleka byoshi, ayimuka, n'okumushimba. ²⁹ Lawi amujirira idinye lihamu omu mwage, n'olubaga lwinji n'abandi bantu bakagilya haguma nabo. ³⁰ Abafarisayo n'abandishi bakaciduduma, n'oku bwira entumwa mpu: bulya gurhi muli mwalya n'oku nywa haguma n'olubaga n'abantu babi? ³¹ Yezu, arhola akanwa aderha, ababwira mpu: arhali abakaba bali binja bobakalonza omunganga, cikwone balwala. ³² Ntayishagi hamagala abali bokuli mpu bahungame, cikwone balya be byaha. ³³ Bana cimubwira mpu: ntumwa za Yohana, nka bafarisayo, banaka cishalisa n'okuhuna, cikwoki wehe abawe bali balya n'okunywa. ³⁴ Abashuza mpu: kamwana bwira abira b'omuhya mpu bacishalise n'omuhya mulume aliomumwe? ³⁵ Ensiku zayisha ezi omuhya ayishi kulwa, aho bayishi kaci shalisa omw'ezo nsiku. ³⁶ Ababwira nabo omu migani mpu: ntaye wanka bera omushangi muhyahya kw'eciraga mpu acihangire oku mushangi; bulya, abezire omushangi muhyahya, n'eciraga anarholaga cirharhengaga oku châmira. ³⁷ Nanta muntu wakaheba amanvu marho omu manvu makulu, kandi, amanvu marho gahindamule agabo, ganaba lûgeke, n'agandi gana haribike; ³⁸ cikwone bihunyire okuheba e divai mpyahya omu yabo mpyahya. ³⁹ Nanta muntu, enyuma z'okunywa amanvu makulu, orhaka sima amarho, bulya adesire mpu: amakulu gali minja.