¹ Yezu abwira abigirizibwa bage: birhanka hashikana oku ebisarhazo birhabe, cikwone buhanya bw'omuntu byayisha kuli ye! ² Kwankabire kwinja kuliye ashwekerwe ibuye ly'okushwera omw'igosi bamukwebe omu nyanja, ahali h'oku sarhaza abazamba. ³ Mucilange mwene. Erhi, mwene wawe ankajir'ebyaha omukalihire, n'erhi akaciyunjuza omubabalire. ⁴ N'erhi akakuhushira kalinda omu lusiku anakuyishire kalinda oku kuhuna obwonjo, ona mubabalire. ⁵ Abigirizibwa babwira Nnahamwirhu: Orhuyushulire obwemere. ⁶ Na Nnahamwirhu ababwira: nka mwali gwerhe obwemere nka nderhere y'ihemba, mwanka bwizire ogu murhi gw'omukuyu, rhenga aho, ocikwebe omu nyanja, nagwo gwana mukenga. ⁷ Ndi mulimwe, ogwerhe omukonzi omuhingira erhi omuyabulira ebishwekwa, erhi afuluka, amubwire: yegera hano duba; oje oku cibo? ⁸ Karhaka mubwira oku bundi: Ntegayiza ebi nashega; okabike ona nterekere, hanomba namalya n'okunywa, lyo nawe walya ona nywe? ⁹ K'ana muha omunkwa oyo mukozi mpu kwenge anajirire ebi balimurhegesire? ¹⁰ Ninyu kwonokwo, nka mwakajira ebi murhegesirwe byoshi, muderhe: Rhuli bakozi busha, rhwajijire ebi rhwaligwasirwe oku jira. ¹¹ Yezu, agenda eyerusalemu agera esamariya n'egalilaya. ¹² Erhi adaha omu lugo, hayisha babenzi ikumi bamuyishira, bayimanga hofi naye bakayakuza n'okuderha: ¹⁴ Erhi aba amababona, ababwira: Mugende muciyerekane emw'abagula. N'erhi bali omunjira okuija, babona bamafuma. ¹⁵ Muguma wabo acibona amafuma, agaluka oku magulu gage, akuza Nnamahanga okw'izu linene. ¹⁶ Ahirimir'amalanga oku magulu ga Yezu n'oku mukuza. Ali musamaria. ¹⁷ Yezu, arhenz'ecinwa aderha: Kabalya ikumi barhafumire? Ogundi mwenda ngahi guli? ¹⁸ K'oyu mubalama yene ogalusire n'okuha Nnamahanga irenge? ¹⁹ Aciri mubwira: Yimuka, genda, obwemere bwawe bwakucizize. ²⁰ Abafarisayo badosa Yezu mangaci obwami bwa Nnamahanga bwayisha. Abashuza: Obwami bwa Nnamahanga burhankyisha mpu buboneke n'amasu. ²¹ Barhakaderha: Ali hano, erhi: Ali hala. Bulya lolaga, obwami bwa Nnamahanga buli omu karhi kinyu. ²² Abwir'abigirizibwa: ensiku zayisha mwayishi cifinja mubone lusiku luguma omunsiku z'omwana w'omuntu, murhanaka lubona. ²³ Bayishi kamubwira: Alihano, ali hala. Murhaijaga, murhana libirhiragayo. ²⁴ Bulya nkakula omulazo gukemeza gunalomeke olunda n'olundi omu malunga, ntyo kw'omwana w'omuntu ayishi yorha oku lusiku lwage. ²⁵ Cikwone burhangiriza agwasirwe arhangi libula bwenene, anagali kabulirwa n'eriburha lya gano mango. ²⁶ Ebyabaga oku mango ga Nuhu, byaba kwonokwo oku nsinku z'omwana w'omuntu. ²⁷ Abantu bakagirya, n'okunywa, okuj'omu buhya, okuyalusa abana babo, kuhika olusiku Nuhu adaga omu bwarho; oligungu lwayisha lwa bahererekeza boshi. ²⁸ Ebybaga oku mango ga Lutu byayishiba kwonokwo. Abantu bakagi rya, n'oku nywa, okugula, bakagiguza, bakagirhwera, bakagi yubaka; ²⁹ Cikwone olusiku Lutu arhengaga omu sodoma, ekuba y'omuliro n'ecibiriti yahon'emalunga, yana bahererekeza boshi. ³⁰ Kwo bayishiba ntyo olusiku omwana w'omuntu ayisha. ³¹ Okulwo lusiku, owayishiba oku burhungiri, agwerhe n'ebirugu byage omunyumpa, arhayishi honoke mpu abirhole, n'owayishiba ali omw'ishwa arhayishi galuke nyuma. ³² Mukenger muka Lutu. ³³ Owayishi lonza okuciza akalamu kage akaheza, n'owa kaheza ye wayishikabona. ³⁴ Mubwizire,omwobo budufu, ogw'abantu babiri bayishiba bagweshire oku ncingo nguma, muguma ayishihekwa n'owundi asigwe; ³⁵ Bakazi babiri bayishiba bali bashwa haguma, muguma ahekwe n'owundi asigwe. ³⁶ Balume babirhi bayishiba omw'ishwa, muguma ahekwe n'owundi asigwe. ³⁷ Nabo bamushuza erhi: Ngahi waliha? Ababwira erhi: Ngasi ho omurhumba gwabe ho n'enyunda zashubukire. ³⁷ Abigirizibwa bamubwira: Nnahamwirhu, ngahi? Abashuza: Ah'omurhumba gwayishiba ho banyunda bayishi rhimanana.