¹ Omwako kasanzi, olubaga lwana cigusha bigushe bigushe, ciru barhindagana bone nane, Yezu anacibwira entumwa zage: Embere za byoshi, mucilange ne mirhenge y'abafarisayo, ezo ncuku. ² Bulya ntabyo byafulisirwe birhakafululuka, ciru nant'ihwe lirhakafululuka. ³ Cocirhumire ebiwadesire omu mwizimya byaishi fulululya kasirahinga, ciru n'ebi waderheraga omu marhwiri omu byumpa byahamalwe oku kashongera k'enyumpa. ⁴ Mmubwizi, mwe muli bira bani: Murhayobohaga abalibuza omubiri, na kandi, enyuma ly'ebyo, nta bindi bankajira byakulusha. ⁵ Namuyereke ndi mukwanine okuyoboha. Muyobohe olya, enyuma z'okuniga, agwerhe obuhashe by'okumukweba omu cihenama; neci; mmubwizire kwo, yene mukwanine okuyoboha. ⁶ Kamurhaguza amashamoro garhanu oku nsimuni zibirhi? co cirhumire, nta higuma hya yibagirwe emalaga ga Nnamahanga. ⁷ Ciru n'enviri zoshi z'okwirhwe ziganjirwe. Murhayobohaga ciru: muli bacishingo kulusha amashamoro manji. ⁸ Mmubwizire, ngasi yeshi wakacikumba embere z'abantu, n'omwana w'omuntu ayishi cikumba embere zaba malahika ba Nnamahanga. ⁹ ci owandehire embere zab'abantu alahirwa naweye embere zaba malahika ba Nnamahanga. ¹⁰ N'owaderhe omwana w'omuntu, oyo ayishi babalirwa; culya wajacire Mûka Ocesibwe, arhakababalirwa. ¹¹ Amango mwahekwe embere z'abagula, abatwi bemanja, n'abarhegesi, murhayobohaga oku mwaciderherere ciru n'oku mwaderhe; ¹² bulya Mûka Ocesibwe amuyigiriza omwako kasanzi konene ebi mukwanine okuderha. ¹³ Muguma anacibwira Yezu, omu kagarhi k'olugaba: Mwigiriza, bwira mulumuna wani rhugabe obuhirhi bwirhu. ¹⁴ Yezu amushuza erhi: mulume ndi wanjiraga-mbe muzuzi winyu, erhi mmugabire? ¹⁵ Anacibabwira erhi: mmulangane mwene omu bucese b'okuli; bulya akalomo k'omuntu karhab'omu birugu byage, co omu omurhula. ¹⁶ Anacibabwira ogu omugani: amadaho g'omuntu muhirhi binji gamulerhera. ¹⁷ Anakacidosa omu murhima, erhi: Gurhi najira? bulya nta gwerhi hantu hakuhaka ebihumbulwa byani. ¹⁸ Lolaga, acibwira erhi, okubwine najira: nayubaka enguli, nayubaka nnene, mwo nahaka ebihumbulwa byani byoshi n'obuhirhi byani bwoshi; ¹⁹ mbwirage n'omurhima gwani: Murhima gwani, ogwerhe buhirhi byinji oku myaka minji; rhuliriraga, olye, onywe, onashagaluke. ²⁰ Cikwone Nnamahanga amubwira erhi: Muhwinja! Obu budufu bwonene omurhima gwane nagunyaga; n'ebyo wakurumanyagya, ndi wabisigira? ²¹ Byahikira nkakulya olya wakagi haka obuhirhi bwage yenene, arhanali muhirhi wa Nnamahanga. ²² Yezu ashubi bwira entumwa zage erhi: Co cirhumire mmubwizire erhi: Murhacilibuzagya ahayanya z'akalamo erhi ahayanya z'eci mw'alya, erhi ciru ahayanya z'ebi mwayambala. ²³ Akalamo kali kabulagirire kulusha omukanjo, n'omubiri kulusha emyambalo. ²⁴ Rhulolage bahungwe: Barhahinga barhanahumbula, barhajira nguli ciru emihako; cikwone Nnamahanga yekabalisa. Kanga-ga orhali wacishingo kulusha orho rhunyunyi! ²⁵ Nndi mulimwe, oku byengehushu bwage, wankaciyushulira ciru kantu kasungu oku kalamo kage? ²⁶ Nka murhanka hashaga ako kantu kasungunu, bicigi birhuma mucilibuza ahayanya ly'ebindi? ²⁷ Gererezagi hitya gurhi amauwa gashoga; garha jira mukolo goshi goshi lyogamera; co cirhumire mmubwizire oku ciru na Sulemani arhayambisibagwa bwinja nka-go. ²⁸ Nka Nnamahanga, okayambika abasi b'omu manda, abarhubon'ene nasezi rhubakabulire oku cibeye, bici byankarhuma arhakuyambike, bantu ba bwemere busungunu? ²⁹ Na ninyu, murhalonzagya eci mwalya, erhi eci mwanywa, murhanahangaikaga. ³⁰ Bulya ebintu byoshi, bana byaha ben'igulu b'obakabilonza. Larha winyu amanyire bici mucifinjire. ³¹ Mulongereze kulusha obwami bwa Nnamahanga; n'ebyo bindi byoshi mwayishi biyushulirwa. ³² Murhayobohaga, hirhumbi hisungunu; bulya Larha winyu abwine kwinja amuhe obwami. ³³ Muguze byoshi mugwerhe, mubihane ntulo. Mucigulire amashungwe galya garhakaharabika, obuhirhi burhasangiziri bonekana empingu, y'ebishambo birhahika, ciru n'enundo zirhakahika. ³⁴ Bulya ahantu obuhirhi bwawe bwanabe, honaho omurhima bwawe gwanabe. ³⁵ Mushekage ebibuno binyu, n'amatara ginyu gayasibwe. ³⁶ Na ninyu, mwayishi shushanyibwa nabalindirira omulume wabo; omu kugaluka omulusiku lukulu mpu lyo hano ahika akomombe naye amuyigulire. ³⁷ Iragi lya abakozi omu mwigiriza, omu kuhika kwage, amurhimane ali okwizamu! Bayishi lira meza maguma, n'oku bashegara-ho abarhabale. ³⁸ Ciru ankayisha bya kabirhi erhi bwa kasharhu, iragi lyabo bakozi, banashimanwe balalire. ³⁹ Mubimanyirirage, nka nanyumpa akamanyirira bwinja ensa ecishambo caisha, analalira lyo arhagi mushabira enyumpa. ⁴⁰ Naninyu, mmulalire bwenene, bulya omwana w'omuntu ayisha omu kasangi murharhanyizi. ⁴¹ Petro amubwira erhi: Nnawirhu, karhwene, erhi rhweshi, obwizire ogu mugani? ⁴² Na Nnawirhu aderha: biringi bici bishinganine kandi binakwinine oku nnahamwage ashinganine okurhegeka abarhumisi bage, n'oku baha ebilibwa oku nsa zikwanine? ⁴³ Iragi emwo mukozi washimanwe nnanawabo, omukuyisha kwage, ashimane ali ajirantyo! ⁴⁴ Okunali mmubwizire, ayishi rhambula obuhirhi bwage bwoshi. ⁴⁵ Cikwone, nko murhumisi ankaderha ntya yenene: Nnawirhu amayorherere oku yisha, ajagekw'ahukula abarhumisi balume n'abakazi, oku bilyo, okubinywebwa n'okulaluka. ⁴⁶ Nnawabo wabo barhumisi ayisha olusiku barha cikebirwi n'oku nsa barhamanyiri, ayishi murhola birholo n'oku muheba omu balya barhaba bikubagirwa. ⁴⁷ Oyo mukozi, wamanyaga obulanza bwa nnawabo, arharheganyagya bici, arhana jira kushimbanana obulonza bwage, ayishi shurhwa mahiri manene. ⁴⁸ Cikwone olya, orha mumanyage, ajijire ebintu bishinganine obuhahe, ayishi shurhwa hisungunu. N'olya wahabirwe binene, naye ayishi hunwa binene, oyo ayishi hunwa binene na kulusha. ⁴⁹ Nanyishiri kwemba omwampi omw'igulu, bici n'acicifinja, enyumba z'okugulumira? ⁵⁰ Obo buli bubatizo n'abatizibwa, n'abaci bici mbulire lyo buhikirira! ⁵¹ Kamucikwebirwe oku nayishire mpu ndwire omurhula omw'igulu? Nanga, mmubwizire, cikwone ntambala. ⁵² Bulya kurhondera buno batu barhanu banyumpa nguma bayishi cigaba, basharhu ahanya za babirhi, n'ababirhi ahanyanya z'abasharhu; ⁵³ omubusi ahanya z'omwana wage, n'omwane ahanyanya z'ïshe, omukazi ahanyanya z'omwali n'omwali ahanyanya lya nnina, nnzala n'omukazi n'omwakazi na nnazala. ⁵⁴ Abwira olubaga: Kerhi mubona abitû byarhenga ebushoshokero bw'izuba munaderhe erhi nkuba ya mayisha. Binabe ntyo. ⁵⁵ Nerhi mubona empusi yaha karhi kw'omulegerege, munaderhe erhi: Caba cidurhu. Binabe ntyo. ⁵⁶ Ezi ndyalya! munakamanye ebyaba omw'igulu n'omu mpingu; bici birhumirage murhamanyire ebyaba buno? ⁵⁷ Bulya gurhi mwene oku ntanya zinyu murhakamanya ebiri by'okuli? ⁵⁸ Nka waja n'okushwekesize embere z'omutwi w'olubanja, omunjira onacihangane bwenene muyunvikane, arhakuhisagya kuhika za abapolisi, n'abakulambere ⁵⁹ Nkubwizire, orhankaharhenga buzira okulyula kuhika oku nsimuni ya buzinda.