¹ Yezu akashenga mango kaguma hantu haguma. Erhi amala, muguma w'omuntumwa zage amubwira erhi: nkonku Yohana anayigirizagya abanafunzi bage. ² Anacibabwira erhi: Nka mwashenga, derhi ntya: Larha, Izino lyawe likuzibwe; oburhambuzi bwawe bwiyishe. ³ Orhuhe ngasi lusiku ecirhwalya; ⁴ Orhubabalire ebyaha birhu, bulya nirhu rhunakababalira balya barhu jirira amâbi; orha rhule rhwaja omu marhangulo. ⁵ Anaciri babwira ntya: Nka muguma muli mwe akaba agwerhe omwira, anagende budufu ajimubwira erhi: Mwira, ntabala na migati isharhu, ⁶ bulya muguma omu bira bani anarhe omu lubalamo amahika ahamwani, ntana gwerhi eci namuha, ⁷ na, nk'omu mwage, oyo mwira amushuze: orhanjirire olubi, omu lango gwayigirwe, abana na nani rhweshi rhukola rhuli ahancingo, ntankacizuka mpu nji kuyigulira nkuh'emikate, ⁸ Okunali nkubwizire, nkarhankanazuka amuhe bulya ali mwira wage, ayishi zuka bulya alonzize yene n'oku muha byoshi acifinjire. ⁹ Na nani, mmubwizire: Muhune mwahabwa; mulongereze mwabona; mukomombe, mwayigulirwa. ¹⁰ Bulya ngasi yeshi wahune ahabwa, ngasi walonze abana, na bayigulire ngasi wakomombe. ¹¹ Mulume ndi wakaha enfula yage ibuye, nka akamuhuna omugati? Erhi, nka akamuhuna ensamaki, amuhe njoka ahali he nsamaki? ¹² Erhi, nka akahuna punda, amuhe entale? ¹³ Erhi ciru, ciru wankakaliha nk'okuli, munyishi-ha abana binyu ebintu binja, kanga ga bishinganine oku Larha wirhu oli mpingu aha aba muhuna Mûka Ocîre. ¹⁴ Yezu anacihinva omuzimu wakaduma. Erhi omuzimu ahuluka, orhakagi derha aderha, n'olubaga lyoshi lwashagaluka. ¹⁵ Cikwone baguma mulibo baderha erhi: ye Belzebule, mpu ye mukulu wa bazimu, ahinve abazimu. ¹⁶ Nabandi, ly'obamumanya, bamudosa ecimanyiso kurhenga e mpingu. ¹⁷ Bulya Yezu alimanyire angererezo zabo, aba bwira erhi: Ngasi bwami bwabwé kuli bwonene burhakagwarha cishingo, na ngasi yumpa ya yishika hirimira oku yabo. ¹⁸ Na nka Lyangombe agabirwe kuli yeye, gurhi gi obwami bwage bwa ciyubakwe mwo, bulya mudesire oku ndi nahinva abazimu okw'Izino lya Belzebule? ¹⁹ Na nka nie, ndi nahinva abazimu okw'Izino lya Belzebule, bagala binyu, nabo okw'Izino lyandi bali babahinva? Co cirhumire bayishi ba bazuzi binyu. ²⁰ Amango omuntu we misi acikubwire anakalanga bwinja e yumpa yage, ebya lanzire binakaba bilanzirwe bwinja. ²¹ µV 21 Erhi omutuw'emisi ogwerh'emiherho akalanga enyumpa yage, ebyagwerhe byanaba bilanzirwe. ²² Cikwone, owe misi kumulusha akahika anamuhime, anamuhogole erya miherho yoshi analiyambirhe anasige ntyo n'oku bigabira abandi. ²³ Orhali haguma nnani oyo ali mushombanyi wani, n'oyo rhurhali lushage anakahera. ²⁴ Erhi omuzimu mubi arhenga omw'oyo muntu, agenda ajilonza ahantu harhulirire, arhamuke. Arhahabonaga, aderha: Naci galukira omwelya nyumpa yani narhenganga; ²⁵ Nerhi, agaluka, ashimana bacesize mwo bwinja bwinja. ²⁶ Honaho acigendera, anacirhola bandi bazimu nda bakali kumulusha; badaha omuyumpa, babera mwo, omwanzi gwage mukali oyo muntu ye mukali bwenene kulusha omurhanzi. ²⁷ Erhi Yezu aba aly'aderha ebyo, mukazi muguma, anacishonya Izu omu lubaga, aderha erhi: Iragi ly'ocesibwe wakuhekaga! Iragi ly'amabere gakuyonsagya! ²⁸ Anacishuza erhi: Iragi ly'owayunvé omwanzi gwa Nnamahanga, n'oku gubika! ²⁹ Nk'oku olubaga lyakagi cishinga, n'okuderha erhi: ogu muburhwa guli muburhwa mukali; bahuna ebisomeza; banacihabwa ogurha shushiri ogwa Yona. ³⁰ Bulya, Yona naye aligwerhe nkagulya gwe Ninawi, ciru n'omwana w'omuntu ayishi ba muguma w'ogyo muburhwa. ³¹ Muka Midi anacizuka, olusiku lw'okutwibirwa olubanja, ciru n'abantu b'ogo muburhwa, abatwire olubanja, bulya alonzize ebikombo byoshi bidaho biyunve obwengehushu bwa Sulemani; lolagi, hali na balushire ciru na Sulemani. ³² Ahantu be Ninawi bayishi yimuka, olusiku lw'okutwirwa olubanja, n'ogo muburhwa gwoshi guhanwe, bulya balahire enjigirizo za Yona; lolagi, hali na balushire ciru na Yona. ³³ Ntamuntu wanka twana itara agali ligwasa ahantu h'obw'ifulikwa erhi omw'ishaka, cikwone banalihebe oku munara lyo ngasi wadaha alomekerwe. ³⁴ Isu lyawe kali kalome k'omubiri gwawe. Nk'isu lyawe liri linji, aho mubiri gwawe gwoshi gulomekirwe; cikwone amango isu lyawe lilwazire, omubiri gwawe gwoshi guli omu mwizimwa. ³⁵ Ocilangage kulya omwangaza guli omu magala gawe gurha jaga mw'omwizimya. ³⁶ Nk'omubiri gwawe gwoshi gulomekirwe, orha cibaga luhande omu mwizimya, gwoshi gwabe gulomekirwe, nka kula itoroshi likulomekera nakalome kalyo. ³⁷ Erhi Yezu aba ali aderha, mufarisayo muguma amuyinginga aje ahamwage. Ahaja, nacirwa. ³⁸ Abafarisayo babona basomerwa bwenene c'arhakalabire embere z'okulya. ³⁹ Cikwone Nnawirhu aderha erhi: Mwebafarisayo, munakashuka embuga z'igopo n'ezensahane, ci ekandalala zinyu ya bozire n'akagongolyo n'obukali. ⁴⁰ Bantajira bwenge! k'owashusire embuga karharhusire ekandalala? ⁴¹ Hanagi byoshi nkafranga ebi endalala, mulole, nkaba birhabe bizibu emwinyu kulusha. ⁴² Cikwone buhanya emwinyu, mwe bafarisayo! bulya munakalipa ecihimbi ca kali kumi bye mikolo yinyu, y'omu milimbwa, na ngasi basi boshi, cikwone munakayolohera okuli n'obuzigire bwa Nnamahanga: ebyo byo mwaligwerhe okujira, buzira okuyibagira ebyo bindi byoshi. ⁴³ Buhanya e mwinyu, Bafarisayo! bulya musima entebe zambere omu mashengero, n'okulamusibwa omu lubaga. ⁴⁴ Buhanya e mwinyu! bulya muba nkanshinda zirhaboneka, zirabagerako buzira kumanya. ⁴⁵ Muguma wa batalamu ba marhegeko anaciderha, amubwira: Mwigiriza, omukuderhwa oko, rhwe onagwerhe wabwira ebyo. ⁴⁶ Na Yezu amushuza erhi: Buhanya emwawe, mutalamu wa marhegeko! bulya onakahesa abantu emicimba mizirhu, barhankagala buzira nawe okuheba kw'olunu lwawe. ⁴⁷ Buhanya e mwinyu! bulya munakayubasa entinda za abalebi, bâsho bayirhaga. ⁴⁸ Munakaja mwahamiriza ebijiro bya bâsho, munabihamuzize; bulya bô, bô bayirhaga abalebi, na ninyu, muyubasagye encida zabo. ⁴⁹ Co cirhumire obwengehushu bya Nnamahanga budesire ntya: Nayishi barhumira abalebi n'entumwa; bayirhe baguma n'abandi babalibuze, ⁵⁰ lyo bayishi dosibwa og'omuko gw'ogw'omuburhwa gwa balajikaga kurhondera okulemwa kw'igulu, ⁵¹ kurhonderera oku muko gwa Abeli kuhika oku muko gwa Zakariya, wanigagwa omw'ishengero nahalutari; neci, mmubwizire kwo, mwayishi bidosibwa ogw'omuburhwa. ⁵² Buhanya e mwinyu, batalamu ba marhegeko! bulya mwa rhenzize olwigalo ly'obumanye; murhacihebaga mwo byo mwenene, mwana hanza abankadahirire barhadahe. ⁵³ Erhi arhenga aho, abagula na abafarisayo barhondera bali ba muzinga, n'oku lonza bamuderhere mwanzi minji. ⁵⁴ bakamurhe mirhego minji, lyo bayunva mwanzi mici yarhenga omu kanwa kage.