¹ Nie ndi murhi gw'okuli g'omuzabizu na Larha ye muhinzi. ² Ngasi ishami lindiko lirhayana malehe, ali hagula, na ngasi ishami lilehesire analishogolera lyo liyana kulusha. ³ Mira Mesa cesibwe erhi myanzi namubwizire yo erhumire. ⁴ Mumbere mwo, nani na mubera mwo bulya ishami lirha kaleheka lyone lirhana seziri oku murhi, na ninyu kwonakwo murhakahasha, nka murhaci shwekiri kuli nie. ⁵ Nie murhi, ninyu mwe mashami. Obera muli nie, nani muli ye oyo ye waleheka malehe manji, bulya buzira nie ntabyo mwanka njira. ⁶ Orhambeziri mwo, ana kabulirwa e mbuga, nk'ishami, anayuma; na amashami mumu banagarhola n'oku gaheba oku muliro gasingonoke. ⁷ Muka mbera mwo, n'ebinwa byani bibere muli mwe, mwanahuna ngasi ebi mucifinjire munabihabwe. ⁸ Ntyo kwo Larha akuzibwa, nka mwakaleheka malehe manji, na Ntyo kwomwaba bigirizibwa bani. ⁹ Nk'oku Larha ansimaga, kwo nani namusimire. Mubere omu buzigire bwani. ¹⁰ Mukashimba amarhegeko gani, mwabera omu buzigire bwani, nka kulya nani nashimbaga amarhegeko ga Larha, n'oku bera omu buzigire bwani. ¹¹ Mubwizire ebyo, ntilyo obuzigire bwani bumuba mwo, nti ly'obuzigire bwinyu bunaba bw'okunali. ¹² Eri lyo irhegeko lyani: Muzigirane mwene na mwene nk'oku namuzigire. ¹³ Nta bundi buzigire bunene buzira oku hana obuzine bwawe erhi bira bawe barhumire. ¹⁴ Muli bira bani, mukajira ebi mmurhegesire. ¹⁵ Ntaci muhamagala nti bashizi, bulya omushizi arhayishi ebi nnawabo ajira; cikwone mmuhamagire bira bani, bulya ngasi byoshi nayunvirhe e mwa Larha namuyigirizize byo. ¹⁶ Arhali mwe mwacinshogaga; ci niene, nacimwishogaga, namurhuma nti mugende muleheke amalehe, n'amalehe binyu gaberhe ho. Ntyo kwo Larha amuha ngasi byoshi mwahuna okw'izino lyani. ¹⁷ Murhegesire, nti Muzigirane mwene na mwene. ¹⁸ Igulu likamushomba munanywe oku nie lyarhanziri shomba. ¹⁹ Mucibage b'igulu, igulu lyankamusimire; cikwone bulya kurhali b'igulu bulya nacimwishogaga namukula omw'igulu, Co carhuma igulu lya mushomba. ²⁰ Kengeri akanwa na mubwiraga: nti ntamushizi mukulu kulusha nnawabo. Erhi bankandibuza, ninyu bana mulibuze, akaba bayunvirhizize akanwa kani, na kinyu banakayunvirhize. ²¹ Cikwone ebyo byoshi bayishi mujirira byo erhi izino lyani lirhuma, bulya barhayishi owantumaga. ²² Nkatali yishire ntaka babwizire barhali baba banyabyaha; cikwone buno nta bulyo oku caha cabo. ²³ Onshomba, erhya ashomba na Larha. ²⁴ Nka ntalijijire ebijiro birhasagijirwa n'owundi e karhi kabo, barhali baba banya byaha; cikwone buno babwine bagali rhushomba rhwe na Larha. ²⁵ Cikwone ebyo byanabirage mpu lyo ecinwa ca yandisirwe omu marhegeko gabo cihikirira: Bashombire buzira igwarhirho. ²⁶ Amango omurhula ayisha, namurhumira kurhenga e mwa Larha Muka w'Okuli, ayishi mpamiriza; ²⁷ na ninyu, mwayishi mpamiriza, bulya rhweshi rhwali na ninyu kurhenga oku murhondero.