¹ Omurhima gwinyu gurhakangukaga! muyemere Nnamahanga, munyemere nani. ² Omu mwa Larha, muli bantu hanji. Acibaga arhali ntyo, nali namubwira. Najimurheganyiza ahamwaja. ³ Nahano mba nama murhengenyazi ho nagaluka muheke. Lyo ninyu mubera ahanani mba. ⁴ Mumanyire e munda naja, mmumanyire n'enjira. ⁵ Tomaso amubwira: Nnahamwirhu rhurhamanyiri e munda waja; gurhi rhwa nka manya mwo enjira? ⁶ Yesu amushuza: nye njira, n'okuli, nye na buzine. Ntaye wankaja e mwa Larha arhana ngeriri mwo. ⁷ Nkamwankamanya, mwa manya na Larha. Nakurhenga buno mu mumanyire mwanamubwine. ⁸ Filipo amubwira: Nnahamwirhu, orhuyereke sho, nirhu lyo rhurhimukwa. ⁹ Yesu amubwira: Aga mango goshi ndi baguma na ninyu, orhana sagi manya Filipo! Owambwine erhi abwine na Larha. Gurhi wankaciderha erhi: Rhuyereke sho? ¹⁰ K'orhamanyiri oku ndi muli Larha, n'oku Larha andi mwo? Ebinwa ndi namubwira ntabiderha oku buhashe bwani: Ci Larha oba mwo yeri wakola ebyo. ¹¹ Mmunyemere, ndi muli Larha na Larha andi mwo; muyemire erhi ebi bijiro birhuma. ¹² Okuli, Okuli mmubwizire, onyemire Nate Anita ebyo ndi najira, ciru ye wajira ebirhalusire bulya nkola naja e mwa Larha. ¹³ Na ngasi byoshi mwahuna okw'izino lyani nabijira lyo Larha akuzibwa muli omugala. ¹⁴ Erhi mwakahuna akantu okw'izino lyani, na kajira. ¹⁵ Akaba munsima, mushimbe amarhegeko gani, ¹⁶ na nani nayishi huna Larha anayishi muha owundi murhuliririza, lyo abera baguma na ninyu ensiku zoshi. ¹⁷ Muka w'okuli, igulu murhankahashi muyankirira, bulya lirha mubona lirhana muyishi; cikwone mwehe, mu mumanyire, bulya mweshi naye muyorha muba anamuli mwo. ¹⁸ Ntamusige bufunzi; naciyisha e munda muli. ¹⁹ Kandi kasanzi kasungunu, Igulu lirhaci mbone; cikwone mwehe, mwambona, bulya nzine, na ninyu mwaba n'obuzine. ²⁰ Olwo lusiku mwanamanya oku ndi haguma na Larha, n'oku ninyu muli muli nie, nani ndi muli mwe. ²¹ Osezize amarhegeko gani n'oku gakulikira, oyo ye onsima, na ngasi onsima asimwa na Larha, nani namusima n'okuciyereka ye. ²² Yuda, orhali Iskarioti, amubwira: Nnahamwirhu, gurhi warhubonekera mwo, orhanabonekera abantu? ²³ Yesu amushuza: Onsimire ayunva n'okujira ebi ndesire, Larha amusima nani rhweshi na Larha rhwayisha e mwage rhubere yo. ²⁴ Orhansima arhayunva oku ndesire. Okwo muli mwayunva naderha, arhali nie kurhenzire mwo, cikwone biri bya Larha wantumaga. ²⁵ Mmubwizire ebyo amango nciri baguma na ninyu. ²⁶ Cikwone, Muka Mwimana, Larha arhuma okw'izino lyani, ye wamuyigiriza ngasi kantu, n'oku mukengeza ebi mmubwizire byoshi. ²⁷ Musigire omurhula, Mmuhire omurhula gwani. ntamuhiri gwo nkakula Igulu lihana. Murharhemukaga e mirhima, n'okuyoboha. ²⁸ Mwayunvirhe oku na mubwizire: nagenda, ci nagaluka e munda muli. Muci nsimage, mwali mwashagaluka erhi mwayunvagya oku nkola naja e mwa Larha, bulya Larha he mukulu kundusha. ²⁹ Ntyo na mubwizire byo embere bibe, nti lyo amango byaba muyemera. ³⁰ Ntaci mubwira binji; bulya omurhwali w'er'igulu akola ayishire. Ci nta buhashe agwerhe muli nie; ³¹ ci kukwanine igulu limanye oku nzigira Larha, n'oku ebi Larha antegesire byonjira. Yimuki rhugende rhurhenge hano. ³⁰ Osezize amarhegeko gani n'oku gakulikira, oyo ye onsima, na ngasi onsima asimwa na Larha, nani namusima n'okuciyereka ye ³¹ Muli okwo boshi babone oku muli bigirizibwa bani, nka muzigirine mwene na mwene.