¹ Embere ly'olusiku lukulu lwa basaka, Yezu,alimanyire oku akasangi kage kahisire k'okurhenga en'igulu n'okushubira emw'ishe, erhi amasima abage bali en'igulu, abasima lwoshi lwoshi. ² Amango gw'okulya, erhi shetani anayunjuzize omurhima gwa Yuda Iskariote, mwene Simoni, oku muhana, ³ Yezu aali amanyire oku ishe ahizire obuhashe bwoshi omu maboko gage, oku e mwana Nnamahanga arhengaga, n'e mwa Nnamahanga ashubirira, ⁴ ayimuka aho bakagi lira, ahogola e mishangi yage, arhola ecitambara, acizonza ecibuno. ⁵ Enyuma lyaho adubulira amishi omu ibakuli, arhondera okushuka amagulu g'abaganda, ntya n'okubahorhola nacirya citambara ali acizongize ecibuno. ⁶ Anacihika ko Simoni Petro; Petro amubwira: Nnahamwirhu- kawe wanshuka amagugulu? ⁷ Yezu amushuza erhi: Okunajira orhakumanjyiri buno, cikwone wakumanya duba-duba. ⁸ Petro amubwira erhi; nanga, orhakanshuka amagulu. Yezu amushuza: Akaba ntaga shusiri orhankacishangira nnani. Simoni Petro amubwira: Nnahamwirhu, arhali magulu gone, cikwone n'amaboko n'irhwe. ¹⁰ Yezu amubwira, erhi: owamayusi cikalaba, arha cilonza acishuke, nkaba magulu bulya akolo acire yeshi; mwehe mukola mucire, cikwone arhali mweshi. ¹¹ Bulya ali amanyire ndi wa muhana; Co carhumaga aderha: Arhali mweshi mucire. ¹² Erhi aba amabashuka amagulu, ashubi yambala emishangi yage, ashubi tamala halya baliraga, ababwira: kamumanyire oku mmunjirire? ¹³ Kwo munderha mpu mwigiriza wirhu, n'okwo munderha kwobinali bulya ndi ye. ¹⁴ Obula nye Nnahamwirhu na mwigiriza, na mushusire amagulu, binyu mukwaninage mushukane amagulu mwene na mwene; ¹⁵ nnamuhire olwiganyo nti ninyu mukajirirana nk'oku namujirire. ¹⁶ Okuli okuli mmubwizire omushizi arhalusha nnabwo, na nta ntumwa ekulira owayirhumaga. ¹⁷ Munamanye ebyo, mukanabikulikira muli ban'iragi. ¹⁸ Arhali mweshi ndesire; mmanyire aba nacishozire; cikwone kukwanine ebi yandisirwe bihikirire: oyu rhulirhwalya rhwenaye omugati ye wacimpidulîre. ¹⁹ Mbire na mubwira buno embere kurhaciba, lyo amango kwaba muyemera nye ndi. ²⁰ Okuli, Okuli, mmubwizire owayankirira oyuntumire erhi nye ayankirire, n'owanyankirira erhi ayankirire owantumaga. ²¹ Erhi ayusa okuderha ntyo: Ecifufu ca mugwarha omu murhima gwage, aderha n'obwalagale, okuli, okuli mmubwizire, muguma muli mwe he wampana. ²² Abaganda bage bakalolana kwo barhamanyaga ndi adesire. ²³ Muguma w'omu baganda bage olya Yesu asimaga, alishegemire ecifuba ca Yesu. ²⁴ Simoni Petro amukema mpu amudose ndi Yesu adesire. ²⁵ Oyo mwigirizibwa ahengukira e munda Yesu ali amudosa erhi: Nnahamwirhu, ndi oyo? ²⁶ Yesu amushuza erhi: Oyu nakaha ecirholo c'omugati erhi ye. Anadubiza ecirhorholo aciha Yuda, mwene Simoni Iskarioti. ²⁷ Erhi Yuda ahabwa eco cirholo, shetani amuja mwo, Yesu amubwira; erhi jiraga duba birya oli mpu wajira. ²⁸ Cikwone ciru n'omuguma muli bo boshi ntaye wamanyire ecarhumaga amubwira ntyo. ²⁹ Bulya Yuda ye waligwerhe enfaranga baguma bacikebwa mpu, Yesu alonzagya oku mubwira: Gula ebirhushinganine oku idinye, erhi oku murhageka mpu ahe bakenyi akantu. ³⁰ Yuda arhola ecirholo c'omugati anaguhe duba. Bwali budufu. ³¹ Erhi Yuda aba amaguheka, Yesu aderha: Bunola omuntu amakuzibwa na Nnamahanga akuzibwe muli ye. ³² Akaba Nnamahanga akuzibwe muli ye, Nnamahanga amuha obukuze muli yene, arhaci yimange oku mukuza. ³³ Bana bani nciri baguma ninyu kasanzi kasungunu. Mwayishi nonza; nakulya nabwiraga Abayahudi: Ahanaja murhaka hahika. Mmubwizire kwo buno. ³⁴ Mmuhire irhegeko lihyahya: muzigirane nk'oku namuzigiraga kwo ninyu mukazigirana. ³⁵ Muli okwo boshi babone oku muli bigirizibwa bani, nka muzigirine mwene na mwene. ³⁶ Simoni Petro amubwira mpu: Nnahamwirhu, ngahi waja? Yesu amushuza erhi: Bunola orhankanshimbulira emunda naja, cikwone waci nshimbulira. ³⁷ Petro amubwira, Nnahamwirhu: bici byarhuma ntakushimbulire buno, nahana obuzine bwani erhi we orhuma. ³⁸ Yesu amubwira erhi wahana obuzine bwawe nye ntuma! Okuli, okuli, nku bwizire oluhazi lurhabike orhandahira kasharhu.