¹ Nsiku ndarhi embere lya basaka, Yesu aje e Betania, halya Lazaro ali aba, olya afulaga omu bafu. ² Eyo munda, bamushegera ebiryo, na Marta aligwerhe akola, na Lazaro ali muguma w'abakagilira haguma naye. ³ Maria, arhola ecirholo c'icupa ly'amavurha g'ecishingo cidarhi, garhenga oku murhi gw'enardoni, agashiga oku magulu ga Yesu, anamuhorhola magulu n'enviri zage; n'entumpa ya yunvula ibaya lyago malashi. ⁴ Muguma w'omu bigirizibwa bage, Yuda Iskarioti, mwene Simoni, olya wamuyishi muhana, aderha: ⁵ Ci cirhumire rhurhaguza ago mavurha ndinari makumi gasharhu rhuzi he abakenyi? ⁶ Okuderha ntyo kurhali mpu alisimire abakenyi, cikwone ayorhaga aba mushambo. N'okuba ye wali mulanzi w'enshoho akarhola n'ebyali mwo. ⁷ Yesu aderha: mu muleke ajijire ntyo omu kurheganya olufu lwani. ⁸ Muba n'abakenyi ensiku zoshi, cikwone murhaba na nie ensiku zoshi. ⁹ Lubaga lunji lwamanya oku Yesu anali aha Betania; banaja yo, ci arhali mpu yene arhumire bayishi, ci n'okubona Lazaro olya afulaga omu bafu. ¹⁰ Abagula bakulu na abakulu bihano bayemerera oku Lazaro naye ayirhwe, ¹¹ bulya Bayahudi banji babarhenga kwo e nyanya zage, n'okuyemera Yesu. ¹² Erhi buca lubaga lwinji lw'abantu lwayisha okw'idinye, erhi bayunva oku Yesu anahisire e Yeruzalemu, ¹³ barhola amarhami ga amabo n'okujimulinga, n'okuyakuza: Hosana! Agishwe oyo oyishire okw'izino lya Nnamahanga, mwami w'Israeli. ¹⁴ Yesu abona omwana w'endogomi anamudamala kwo; nk'oku byaliyandisirwe: ¹⁵ Orhayobohe munyere w'e Sayuni; ala, Mwami wawe ayishire oku mushikira gw'ecihesi. ¹⁶ Abigirizibwa bage barhagi haba byo bici; cikwone, erhi Yesu aba amakuzibwa, bayikengera oku ebyo ye byaliyandikirwe, n'oku ababahikirizize erhi ye orhuma. ¹⁷ Abali haguma na Yesu, amango ahamagalaga Lazaro omu nshinda n'oku mufula omu bafu, bamuhamiriza; ¹⁸ n'olubaga lwamushokolera bulya balimanyire okwanajijire eco cirhangaza. ¹⁹ Abafarisayo baka bwirana: Mulolage, ntaco mwajira; musizagye, olubaga lwamushimbulira. ²⁰ Bagriki baguma b'omwabalya bali yinamukire e munda balijire cikumbira okw'idinye, ²¹ baja e munda Filipo w'e Betsaida y'e Galiliya ali, banamubwira omu kumuyinginga mpu: Mwigiriza, rhulonzinze oku bona Yesu. ²² Filipo ajikubwira Andrea, na Andrea boshi na Filipo bajikubwira Yesu. ²³ Yesu abashuza: Ensa Mwene Omuntu akuzibwa yahisire. ²⁴ Okuli, okuli, Mmubwizire, e mogomogo y'e ngano yarhogire okw'idaho erhafiri enalame yone; cikwone erhi yankafa enaleheke malehe manji. ²⁵ Owalonza obuzine okuciza okalamo kage akaheza, bulya Owalonza okuciza akalamo kage omw'el'igulu akabikira obuzine bw'ensiku n'amango. ²⁶ Owanka lonza oku nkolera, anshimbe; n'ahandi hon'omukozi wani ayishi ba. Owankolera, Larha anamukenga. ²⁷ Buno omurhula gwani gurhacidekeriri na gurhi Naderha? Larha, nciza omu kano kasanzi? Cikwone okwo kwonayishiraga. ²⁸ Larha, izno lyawe lij'irenge. N'izu lya rhenga enyanya e mpingu: Nalikuzize. Kandi nanacilikuza. ²⁹ Olubaga lwali ho, lwayunva, baderha mpu: gwali mukungulo n'abandi baderha erhi: Malahika wakagi mudesa. ³⁰ Yesu ababwira erhi: Arhali nie ntumire el'izu lya yunvikana; ci mwe murhumire. ³¹ Gano mango gali gakutwira igulu olubanja: Buno omukulu wer'igulu akola ahebwa e mbuga. ³² Nani hano mba namalengezibwa kurhenga en'igulu, nakula abantu boshi baje e munda ndi. ³³ Omukederha ntyo ayerekana lufu luci anafe. ³⁴ Olubaga lwa mushuza erhi: Amarhegeko garhumanyisize oku Kristu anahane ensiku n'amango, lero gurhi odesirage: oku bishinganine oku mwene omuntu alengezebwe? Oyo Mwene Omuntu ye ndigi? ³⁵ Yesu abashuza erhi: obulangashane buciri omu kagarhi kinyu kasanzi kasungunu. Muje mwagenda, amango muci gwerhe obulangale lyo omwizizi guleki ji mu gwarha: ogenda omu mwizimya arhamanya ahaja n'e munda ayerekire. ³⁶ Akasanzi mucigwerhe obulangashane, muyemere obulangashe lyo muba bana babulangale. Yesu aderha ntyo anagenda ajicifulika hali nabo. ³⁷ Ciru akaba ajijire bisomerine binji e malanga gabo, Barhamuyemeraga, ³⁸ lyo akanwa k'omulebi Isaya kahikirira, nk'oku aderhaga: Nnamwirhu; ndi wayemire enyingirizo zirhu? Kandi erhi ndi okuboko kw'obuhashe kwa Nnahamirhu kwabonekire? ³⁹ Kandi barhankayemire, bulya Isaya ashubiri derha, ⁴⁰ abahuzize amasu; n'oku zibuhya e mirhima yabo, lyo amasu gabo galeki bona, barhanayunvagya bici omu mirhima yabo, ⁴¹ Isaya adesire ntyo ,erhi amayerekwa oku ayishi kuzibwa ,n'ebyo aderhaga he byali yerekire . ⁴² N'obw'omu bakulu bali banji bali mu yemire ;chi kwone enyanya ly'Abafarisayo barha chi yerekanaga echijiro ch'oku muyemera ;omu kuyoboha oko kagwa omu Ishengero lyabo. ⁴³ Enyanya ly'okukuzibwa n'Abantu kulusha okukuzibwa na Nnamahanga. ⁴⁴ Yesu anachi yakuliza ;erhi onyemire erhi Arhali nyene ayemire ,chi ayemire owa nntu maga ;n'owaka mbona erhi abwine owa ntumaga ⁴⁶ Nayishire nka bulangale omu igulu,lyo ngasi wa nyemera aleki bera omu mwizimya . ⁴⁷ Osaka yunva ebinwa byani arhana hire oku bi desire ,arhali bye namu twirwa olu banja ; bulya nta yishiraga kulibuza bantu, chi mu ba chiza ⁴⁸ Owandahira n'okurha nyemera emyanzi yani, agwerhe owa mu twir'olubanja, akanwa nayigirizize olusiku lwa buzinda. ⁴⁹ Bulya nta derhaga okwani nyene chi kwone; Ci Larha ye wantumaga, yene antegesire e binkwanine okujira. ⁵⁰ Nanyishi okw'irgengeko lyage kali kalamo k'ensiku n'amango. Ebinwa nderha oku Larha abibwizire, kona mbiderha.