¹ Okuli, Okuli; mmubwizire: ngasi yeshi orhanka daha omu muhango gw'e bibuzi, ci kwone gerere ashone oku chogo c'e bibuzi, eco ciri cishumusi. ² Cikwone ngasi odaha kugerera omu muhango gw'e bibuzi. ³ Omulanzi amuyigulira n'e bibuzi bina yunve izu lyage; ahamaga okwizino lyage e bibuzi biri bya anabihuluse e muhanda. ⁴ Erhi aba amahulusa e bibuzi byage, anabishokelere; n'e bibuzi binamushimbulire, bulya bimanyire izu lyage. ⁵ Birhanka shimbulira e cigolo; ci kulibirhirira hali naye, bulya birhamanyiri izu ly'e bigolo. ⁶ Yesu ababwira ogu mugani ci barhayunvagya bwinja bici ababwizire. ⁷ Yesu ashubi babwira, Okuli, okuli, mmubwizire. Nie muhango gw'e bibuzi. ⁸ Ngasi boshi bayishaga embere zani bali bashambo n'abanyazi; ci e bibuzi birhabayunvagya. ⁹ Nie ndi muhango. Owaka ngerera mwo, anacizibwe; anadehe n'oku huluka abone ebi alya. ¹⁰ Abashambo barhayishira okurha kuzimba, kuniga n'okushereza; niehe nayishire nti lyo e bibuzi bihabwa akalamu, binaluge. ¹¹ Nie mungere mwinja, omunyere mwinja anahane akalamo e oku bibuzi byage. ¹² Cikwone okolera okulyulwa, orhali n'e bibuzi byage, anabone o murunga, anasige e bibuzi alibirhe; lero o murunga gubishandaze. ¹³ Okolera okulyulwa anaciyakire bulya ali wa luhembo arhanacilibuze enyanya z'e bibuzi. ¹⁴ Nie mwengere mwinja, mmanyire e bibuzi byani, nabyo bimanyire. ¹⁵ Larha nko amanyire, kwo nani mmumanyire, na mpane obuzine bwani enyanya z'e bibuzi. ¹⁶ Nci gwerhe e bindi bibuzi, birhali by'omubuso bwani; ebyo, bishinganine mbilerhe; byayishi yunva izu lyani na hayishiba buso buguma, na mungere muguma. ¹⁷ Larha anzigira bulya na nkahana obuzine bwani, lyo mbishubirira. ¹⁸ Ntaye wanka buntenza kwo, cikwone oku bulonza bwani niene, ngwerhe obuhashe bw'oku buhana n'oku bushubirana: Lyo irhengeko na habirwe na Larha. ¹⁹ Kandi Abayahudi bashubi berulukanwa, erhi eyo mwanzi e rhuma, okucigaba mwo kw'Abayahudi. ²⁰ Bantu banji muli bakaderha erhi: Ali kwa abazimu, Ali musirhe; bici mwamuyunva kwo? ²¹ Abandi bakaderhe mpu: Eyi erhali yo mwanzi y'omuntu oli kw'abazimu; bulya k'omuzimu anafumya amasu g'omuhurha? ²² E Yeruzalemu yali olusiku lukulu ly'Abayahudi lw'okukengera oku shukulwa (kucesa) kw'ishengero lya Nyamuzinda gali mango nga mpondo. ²³ Na Yesu erhi aja geragera omu ishengero, n'omudaro ya Sulemani. ²⁴ Abayahudi erhi bamuzungulusire banacimubwira erhi: Mangaci warhukula mwo akarhinda? Akaba we Kristu, rhubwire n'obwalagale. ²⁵ Yesu abashuza mpu: Namubwizire kwo, murhanayemeraga ebinajijire okw'izino lya Larha, buli buhamirizi kuli nie. ²⁶ Cikwone murhayemeraga, bulya murhali b'omu bibuzi byani. ²⁷ Ebibuzi byani binakayunva izu iyani: mbamanyirire , na banakankulira. ²⁸ Nambahe obuzine bw'ensiku n'amango, na barhakahera, na ntaye wayishi bakula omukuboko kwani. ²⁹ Larha wabimpaga ye mukulu kuli byoshi, na ntaye wanka cibirhenza omu maboko ga Larha. ³⁰ Larha na nani rhuli muguma. ³¹ Honaho Abayahudi bashubi rhola amabuye mpu bamubande. ³² Yesu anacibwira erhi: Namujirire mikolo minji kurhenga e mwa Larha, guhi gurhumirage mumbande amabuye? ³³ Abayahudi bamushuza erhi: Arhali bijiro binja byarhuma rhwakubanda amabuye ci ahanyanya ly'okugomera Nyamuzinda, n'okuba we oli muntu mubi, wacijira Nyamuzinda. ³⁴ Yesu abashuza erhi: Kabirha yandisirwi omw'irhengeko linyu ntya, Nadesire oku: Muli bunyamuzinda. ³⁵ Ecitabu ca marhegeko cidesire oku balya ebinwa bya Nyamuzinda bali nyamuzinda, n'Amandiko garhankazazibwa, ³⁶ ninyu oyu Nyamuzinda ayimikaga anamurhuma e n'igulu, mpu: << wamalogorha >>, obwenge badesire, nti, nie Nnamahanga. ³⁷ Nka ntakoziri e mikolo ya Larha, murha nyemeraga. ³⁸ Bulya ciru nakayijira, nka murhali mwanyemera, yemeragi e mikolo yage lyo mumanyirira oku Larha ali haguma na nani na ndi haguma naye. ³⁹ Bashubi lonza oku mugwarha, cikwone arhulubuka omu maboko gabo. ⁴⁰ Yesu ashubija ishiriza ly'e Yordani halya Yohana akagi batiriza burhanzi, anacibera yo. ⁴¹ Bantu banji bakamuyishira n'oku mubwira, nta cisomerine Yohana ajijire ciru n'e ciguma, cikwone ebi Yohana adesire e nyanya kuli oyo muntu biri by'okuli. ⁴² N'eyo munda, bantu banji bamuyemera.