¹ Agripa abwira Paulo erhi: ogwerhe oluhum okuderha emyanzi yawe. Honaho Paulo ayinamulaokuboko aciderhera yene. ² Ncibwine okuba n'obushagaluke, Mwami Agripa, ³ bulya naciderhera embere zawe ene, enyanya ly'emyanzi naderheragwa n'abayuda. ⁴ Akalamu kani kurhenga obusole, kamanyikine n'Abayahudi boshi, bulya kagezire omu Yerusalemu n'omu lubaga lwoshi. ⁵ Bamanyire kurhenga mira, nka balonzize oku hamiriza akaba nali mufarisayo kushimba obworhere bw'idini lirhu oku misi bwenene. ⁶ Ntya ndi oku lubanja bulya ndangalire bwinja eciragane ca Nnamahanga bahabagwa ba larha birhu na Nnamahanga. ⁷ Ntyo milala ikumi n'ibiri egwerhe ya kolera Nnamahanga egendekire obudufu n'omushi enyanya ly'eciragane cani co cirhumire nshobesirwe n'Abayahudi. ⁸ Cici cirhumire birhayemirwi emwa Nnamahanga obufuke bw'abafire? ⁹ Kulinie, nalimanyire mpu ndinakolaoku burhwali okulahira izino lya Yesu w'e Nazareti. ¹⁰ Byonajijire e Yerusalemu. Nakwebire baceibwa banji omu mpamikwa, nalihabirwe obwo burhwali kurhengwa oku bagula bakulu, na, erhi bakabinizire, nakagi yushula izu lyani oku g'abandi . ¹¹ Nakazigi lugi bashurha. omu bakali bwani kulushisha kulibo, nakagi balibuza kuhika omu mirhundu y'ihanga. ¹² Ecocirhumire co campekage e Dameske, n'okuhabwa oluhusa n'abgula bakulu. ¹³ Omukagarhi k'omulegerege, kashi mwami, nabona omunjira omukemezo kurhenga emalunga , eburhambi bwami n'abali ndusize, na obulangashane bwagwo bwalilushire obulangashane bw'izuba. ¹⁴ Rhweshi rhwahirima okw'idaho,nayunva n'izu lyangurhi wandubuza? Byakuyabira okuzibuha oku mishugi. ¹⁵ Nashuza: Wendi, Nnahamwirhu?Na Nnahamwirhu aderha: Nie Yesu walibuzagya. ¹⁶ Cikwone yimuka, Oyimange n'amagulu gawe , bulya nayishire okukujira mukozi na muhamirizi w'ebiwabwine na kulibirhya nayishi kubonekera. ¹⁷ Nakulondwire omukagarhi k'olulubaga, n'omu bagani, emunda nkurhumire, ¹⁸ Lyobayigula amasu, lybarhenga omu mwizimya kuja omu bulangashane ,na omu burhwali bwa Shetani kuja emwa Nnamahanga , Lyobayankirira,oku bwemere kulinie, amababale g'ebyaha nomwimo haguma n'abacesibwa. ¹⁹ Kugerea ebyo, mwami Agripa, ntahashire okulahira ago mabonekezi G'empingu: ²⁰ Burhangirizi oku b'e Damaske, na e Yerusalemu, ebuyahudi yoshi, naemw'apagani,nayigirizize obwiyunjuze n'okuhindamukira Nnamahanga, na okujira ebijiro bishinganine obwiyunjuze. ²¹ Ebyo byobyarhumire abayahudi bangwarha omu ishengero, N'okulonza oku nyirha. ²² Cikwone, Kugerera oburhabale bwa Nnamahanga , nacizire kuhik'ene, n'okuhamiriza embere z'abarho n'abakulubuzira oku gera eburhambi ly'ebi abalebi na Musa bad erhaga byampikira. ²³ okumanya oku kristu alibwire, na oku afusire murhanzi omu bafire, anayishi yalagaza obulangashane okulubaga n'oku mashanja. ²⁴ Nkoku akagiderhantyo okucisambira, Festusi ayakuza: Oli musire Paulo! Obumanyi byawe bwaku sirahize. ²⁵ Ntali Musire, mukengwa Festusi, Paulo ashunza; cikwone eri myanzi y'okunali n'oku bukengere ndi na derha. y'okunali n'oku bukengere ndi naderha . ²⁶ Mwami amanyirentyo , namubwizire yo oku bwalagale, bulya manyire oku ntabyo ahabire kulibyo, bulya arhali bwifulikwa byajirikanaga. ²⁷ Koyemire abalebi, mwami Agripa? ... Manyire oku obayemire. ²⁸ Ba Agripa abwira Paulo: olihofi ompindule mukristu ! ²⁹ Paulo ashuza: erhi akaba omukasazi kasungunu erhi buzinda, bisimise Nnamahanga, arhabe wene ci boshi bali banyunvirhiza ene, mube nkokundi, carhali bashwekwa. ³⁰ Mwami, omurhegesi, Benerise na ngasi Boshi balitamire haguma bayimuka, ³¹ na erhibarhenga, babwirana bone, oyu muntu ntabyo anjijire bikwanine olufu erhi kushekwa . ³² Na agripa abwira Festusi: Oyu muntu anakalisirwe, nkarhali simire okusamba emwa kaisari.