¹ Festo, amango ahikaga omu cihugo, ashona nsiku zisharu enyuma lye Kahizaria omu yerusalemu. ² Abakulu b'abajinji n'abakulu baguma omu balya bayahudi bamuha olubanja enyanya lya Polo. ³ Bamu yinginga mpu ababe lukogo aleke Polo ahekwe e Yerusalemu bulya hwali erhi amujirire ihano, mpu bayishi muyirhira omu njira. ⁴ Festo ashuza oku Polo ali mushwekere e Kaisaria n'oku naye yene ali hofi hoku shubira yo. ⁵ Erhi baguma binyu bahonoke banduse yo, kwa desire, bayunve nkaba hali okubi oyu mulume ajijire, bakuderhe. ⁶ Festo abezire nabo nsiku munani erhi ikumi lyone, enyuma lyaho ashubira e Kaisaria. Lisirhondo, erhi atamire aha kagombe k'embanja, arhumiza mpu balerhe Polo. ⁷ Erhi ahika, abayahudi barhenganga e Yerusalemu bamuzunguluka, banamuderherha myanzi minji na mizibu bwenene, eyi barhali manyire ya bunywesi. ⁸ Polo achigasha, erhi: Ntaco cibi najijire, erhi ecirhashinganini ni rhegeko lya bayahudi, erhi omu ka Nnamahanga, erhi emwa Kaisari. ⁹ Festo, alonza okusimisa abayahudi, ashuza Polo: k'olonzize osoke e Yerusalemu, bakwitire yo olu lubanja emalanga gani? ¹⁰ Polo aderha erhi: Embere ly'engombe ya Sesaria yo nyimanzire, yo nangwasirwe ntwirwe olubanja. ntajiraga cibi coshi coshi oku bayahudi, nkoku okumanyire bwinja. ¹¹ Nkaba nabihire, erhi nkaba najijire okubi kwankarhuma nayirhwa, ntalahiri okufa; cikwoki, nkaba okubanderhire kuli kwa bunywesi, ntaye wankapana emunda bali. Lutwirwe emwa Sesari. ¹² Lero Festo, erhi amashambala nembaraza yage y'ihano, ashuza: erhi Polo ohunyire oku olubanja lwawe luje emwa Kaisari; yo lwanaja embere lya kaisari. ¹³ Enyuma lya nsiku nsungunu, mwami Agrippa Berenice bahika e sesaria, kuyishi lamusa Festo. ¹⁴ Bulya bajijire yo nsiku nyinji, Festo ashambalira mwami emyanzi ya Polo, aderha erhi: Felisi asizire ashwesire omuntu ¹⁵ enyanya lyage, amango nali eyerusalemu, abakulu b'abajinji n'abayahudi bamulera lubanja, bahuna mpu ahanwe. ¹⁶ Nabashuza oku lirhali irhegeko ly'abaroma oku hana omuntu embere arhacibonana n'aba mudwirhe lubanja, lyo naye aderha kushimbana n'oku bamuderhire. ¹⁷ bayishire hano, nana tamala aha ngombe erhi buca, naderha oku bamulerhe. ¹⁸ Abali mushobesire, bayisha, ntakubi bamushobesire; ¹⁹ Bamujiisa kadali kwone okw'idini lyabo, n'enyanya lya muntu muguma waderhagwa Yesu wafaga, na Polo ali aderha oku azine. ²⁰ Ntamanyaga lunda luhi naderhera omweyo myanzi, namudosa erhi alonzize okuja e Yerusalemu, n'oku twirwa yo olu lubanja. ²¹ Cikwone Polo erhi ahuna okutwirwa olubanja lwage na kaisari, naderha oku abikwe mpaka muhise ema kaisari. ²² Agrippa abwira Festo erhi: nani nalilonzize okuyunvirhiza oyo muntu. Irhondo, ashuza Festo, erhi lyo wamuyunva. ²³ Erhi buca, Agrippa na Berenice bayisha n'olukengwa lwinji, baja ahantu hokutwira embanja haguma n'abakuhani n'abakulu b'omu murhundu. Kugerera akanwa ka Festo, Polo alerhwa. ²⁴ Lero Festo aderha erhi: mwami Agrippa, na mweshi mulihano embere zirhu, mubwine oyu muntu abayahudi boshi bayishagi shitaki emalanga gani, n'e Yerusalemu, na hano, bakayama oku arhanka cilama. ²⁵ Nyehe, nabwine oku arhajiraga kantu koshi koshi kankarhuma ayirhwa, na yene erhi alonza oku hanwa na kaisari namuheka emwage. ²⁶ Nani kushimbana neyi myanzi ntangwerhi kwoshi kwoshi nankamuyandikira. Haguma nokwo imudwirhe hano embere zinyu, bwenene embere zawe, mwami Agrippa, mpu amadosebwa amadoso ngwarhe ebi nanka yandika. ²⁷ Bulya mbwine oku kurhali kwa bulagirire okuheka omushwekwa, buzira kuyerekana emyanzi y'olubanja bamuderhire.