¹ Erhi kugera nsiku zirhanu, omujinji mukulu Ananiya ayisha, aliboshi n'abagula na mutwa mbanja muguma. Bayisha badwirhe olubanja emunda Kavuraneri ali enyenye lya Paulo. ² Paulo bamuhamagala, na Tertulo acihira eruhya arhondera oku musongera n'okuderha erhi: ³ Omukulu mukengwa Felisi, orhujirire omurhula munene, n'olu lubaga lwahabirwe okuhindamuka kwinja kw'obwirhonzi; kwo mumanyirire muli byoshi na hoshi haguma n'omwonkwa munene. ⁴ Cikwone, omu kurha rhola kasanzi, nkuhunyire oku yunvirhiza, omu bwinja bwawe, oku rhugwerhr rhwaderha omu binwa bisungunu. ⁵ Rhwashimanyire oyu muntu, oli w'oku halala, ajalerha n'okuberukana omu kagarhi k'abayahudi boshi b'omw'igulu, ali na mukulu w'omucama caba Nanzareti, ⁶ Ciru anarhangiire oku zinza enyumpa ya Nnamahanga. Rhwana mushwesire, Rhwalonzize oku mutwira olubanja kushibanana n'amarhegeko girhu; ⁷ Cikwone ecirongozi c'abasirika Lisiya cayisha, carhunyaga ye n'emisi, ⁸ Kandi arhegeka mpu abashimbire Paulo bayishe embere zawe. Wene okwaninwe, oku mudokereza, wana hasha okumanya eyomyanzi yoshi erhumire rhumushimbire. ⁹ Abayahudi nabo baderha oku ebi bamushimbire kwo binali. ¹⁰ Enyuma ly'Omurhegesi okumuha oluhuma aderhe, Paulo ashuza erhi: Imanyire oku, kurhenga miaka minji, oba muzuzi wa luno lubaga, oku bulangalire kwo ntozire okuderha ebyani. ¹¹ Kurha cigera nsinku ikumi n'ibirhi, kurhenga nasokaka e Yerusalemu oku ji chikumba. ¹² Barhanshimanaga ciru omu kagombe, ciru omu cishagala, ciru omu murhundu, rhushimbine na muntu yeshiyeshi, erhi kujira olubi omu lubaga. ¹³ Barhanka nahasha oku hamiriza ebirhumire banshimbire. ¹⁴ Nku fululire oku nkolera Nnamahanga wa ba shakuluza bani omu njira baderha mpu ya kucikebwa, omu kuyemera nkasi ebi yandisirwe omu burhegesi n'omu bulebi, ¹⁵ Omu kugwarha obwo bulangalire emwa Nnamahanga, nkoku banali bugwerhe nabo, oku haba obufuke bw'abafu b'okuli n'abarhali b'okuli. ¹⁶ Byo birhumire nciseza okugwarha entimanya nyinja buzira okugwarha amabi embere za Nnamahanga n'embere za bantu. ¹⁷ Enyuma lya miaka minji ntaboneka, nayisha okuyishi jira entulo emw'olubaga lwani n'oluhembo. ¹⁸ Lyo ba yahudi be Asiya bashimanyire ncesibwe omu kagombe, buzira ndeko n'olubi. ¹⁹ byali kwaninwe nabo babonekane emalanga gawe na nka bantu bashimbire, nka bali gwerhe eci bashimbire. ²⁰ Erhi baderhe erhi hali amabi najijire, embere z'akagombe kakulu, ²¹ kulusha lirya izu nayamaga ligumampu omu karhi kabo: enyanya ly'obufuke bwa bafire co cirhumire ndi natwirwa lubanja emalanga ginyu. ²² Felisi ye walimanyire bwinja oku ezo nyigirizo zigenda, za ngasi lusiku, aderha erhi: Amango ecirongozi c'abasirika Lisiasi ayisha, nashitwa olubanja lwinyu. ²³ Ahana irhegeko emunda omu sirika ali oku alange Paulo, amulekere luhuma lusungunu, na okuhanza nta wabo wamujirire omukolo. ²⁴ Erhi hagera nsiku zirhali nyi, Felisi ayisha boshi na mukage, Drusille, ali muyahudi, ahamagala Paulo n'oku yunvirhiza ebi bakagi derha biyerekire obwemere muli Kristo. ²⁵ Ci kwoki, erhi Paulo arhondera akuderha oku bushinganyanya, n'okuli n'okuba n'olugero uku biyerekire olubanja luzinda, Felisi ayoboha, lero aderha erhi: rhengaga; nashubi kuhamagala. ²⁶ Alangalira liguma na paul omw'ago mango ayishimuha enfaranga; omw'ako kasanzi mpu amu shwekule. ²⁷ Miaka ibiri yanahwa ntyo, Felisi ali ho nka mushimbulizi wa Porkius Festo. aja ahali ha Felisi oku burhegesi bulya Felisi akagi lonza oku simisa abayahudi, asiga Polo omu mugozi.