¹ Nka omuntu muguma muli mwe, akaba n'akanwa n'owabo, kw'okumuheka lubanja emalanga ga abarhali b'okuli, ci kerhali emalanga ga bashinganyanya. ² Kandi kamurhamanyiri oku abashinganyanya bayishitwira igulu olubanja? N'erhyankab'igulu lyatwirwa olubanja, kamushinganine ninyu okutwa ezili ntya? ³ Kamurhamanyiri oku rhwatwira na bamalaika olubanja? Lero kabirhalushe bwenene ebya ako kalamu? ⁴ Lero erhi mwankaba n'ahantu h'okutwira emanja ebya aka kalamu wanabaheba ho kuba bazuzi balya baliganjirwe nka kerhali kantu omu ka Nnamuzinda! ⁵ Ndesire ebyo limbubonya nshonyi. Kandi nta muguma muli mwe ogwerhe oburhimanye wa kaderha eyo myanzi e mwababo. ⁶ Cikwoki, omulondanyi agwerhe ayandika owabo e malanga g'abarhali b'okuli. ⁷ Okwo kwaba kubi bwenene okuba muli mwayandikana mwene na mwene. Bulya gurhi kushinganine? ⁸ Cikwoki e nyuma ly'ebyo mwene mulibuzibwe na abantu na okubarhola ebirugu byabo, na kandi bene winyu. ⁹ Kamurhamanyiri oku ababi barhakahika omu bwami bwa Nnamahanga? Murhacirhebe abagonyi barhayime omu bwami bwa Nnamahanga? ¹⁰ Abacikumba enshushano na ebishungu abafiraji erhi balawiti, ebishambo, abacifinja na abalalu n'abajaciranyi, barhakaja omu bwami bw'empingu. ¹¹ N'omu karhi kinyu mw'obolé abo ntyo cikwoki mwaganjirwe okuli omu karhi k'îzino lya Nnahamwirhu Yezu Kristu n'omu kagarhi kw'omurhima gwa Nnamahanga wirhu. ¹² Byoshi biyemerirwe cikwone birhali byoshi binja e mwani. Okubikolesa nko kubinali. ¹³ Ebiryo biri bya nda n'enda eli ya ebiryo, cikwone omubiri gurhali oku bugonyi cikwone kwa Nnahamwirhu na Nnahamwirhu oku mubiri na Nnamahanga w'afulaga. ¹⁴ Nnahamwirhu na kandi ye w'arhufulaga nirhu oku buhashe bwage. ¹⁵ Na kandi ka murhamanyiri oku emibiri yinyu biri birumbu bya Kristu. Ntya ka ntole ebirumbu bya Kristu mbijire kuba birumbu bya mbaraga guli mubiri bwage nagwo? Nanga! ¹⁶ Erhi kamurhamanyiri oku wacishwekire oku mbaraga gukola mubiri gwage bulya adesire oku abo babiri bakola mubiri muguma. ¹⁷ Cikwone owacishwekire haguma na Nnahamwirhu murhima muguma nayehe ¹⁸ Muyake obugonyi ngasi byaha ajira mwene muntu ali embuga ya omubiri gwage, cikwoki ajira obugonyi anakajira ebyaha enyanya ly'omubiri gwage yene. ¹⁹ Erhi kamurhamanyiri omubiri gwinyu eri nyumpa ya omurhima gucesibwe ali endalala zinyu olya mwahabagwa na Nnamahanga. ²⁰ Cibirhali birugu binyu mwene Bulya mwaguzirwe okw'ibeyi lizibu lero mukuzagye Nnamahanga omu kagarhi k'emibiri yinyu.