¹ Mwayunvirhe oku emyanzi ya desirwe okw'emwinyu eri obugonyi bwinji, bulya burhasangi haba. Ciru e mw'abapagani; oku omuntu ali ayanka mukishe! ² Ninyu, mwa cirhundulika! ciru murhabaga burhe mpu arhenzibwe, omu kagarhi kinyu oyo wajiraga eco cijiro ca ntyo. ³ Emwani, ntaliho oku mubiri, cikwone ndiho omurhima, mira natagwa olubanja nkakulya honali, nk'olya olubanja mira iko ahali okwoyu wajiraga eci cijiro, nka honali. ⁴ Okw'izino lya Nnahamwirhu Yezu, mube n'ecinyabuguma oku murhima muguma, haguma n'oburhwali bwa Nnahamwirhu Yezu, ⁵ oyo mulume ahebwe emwa Shetani ly' omubiri gulibuzibwa, lyo omurhima gucira oku lusiku lwa Nnahamwirhu Yezu. ⁶ Okucikuza kwinyu mwenye kurhali kwinja. Kamurhamanyiri oku etya hy'engezo hinarhume obuntu bwoshi bwarhunda? ⁷ Muciceze murheze engezo ya mira lyo muba buntu buhyabuhya, nka kulya munali murhanahebagagwa mw'engezo, bulya Kristu, ye Pasaka wirhu, yahanyirwe kuba ntulo. ⁸ Rhujire idinye erhali engezo ya mira arhali oku engezo ya mahushe na amabi ci oku erhahudusire. ⁹ Erhya ecire y'omurhima gw'okuli namuyandikire omu maruba gani oku murhabe n'olushange na abagonyi. ¹⁰ Ntadesiri nti murhabelushange bwenene n'abagonyi bw'omwel'igulu, cikwoki balya n'abanyazi, n'abacikumba enshushano bulya abo bali bashinganine okubarhenza omu karhi kel'igulu. ¹¹ Cikwone, eci namuyandikire arhali mpu murhabe lushange n'omuntu ordesirwe, mulondanyi, erhi mujijiranyi, erhi mulalu, erhi murujazi, muntu wa ntyo murhayemeraga ciru okulira haguma n'oyo mulume. ¹² Bulya inshinganyire okutwa olubanja lwa abali embuga? Ninyu kamurhatwe olwabali endalala? ¹³ Cikwone abali e mbuga Nnamahanga ye wabatwira, "Ninyu murhenze omubi oli ekagarhi kinyu!"