² Ecibahuna omuntu olangisibwe akantu abe mwikubagirwa. ³ Oku lwani niehe ntababala nti kwenge mwama ntwira olubanja, erhi okulutwirwa n'engombe z'abantu. Oli nani ntacitwira lubanja. ⁴ Entimanya zani ziba nyinja bulya zirhanjisa lubanja, cikwone okwo arhali kwo kuderhaga mpu nkola mweru kweru. Nyamuzinda yene y'enjisa lubanja. ⁵ Co cirhumire irhondo murha hiraga mpu mwatwir'owinyu olubanja n'amango garhacihika. Mulinde Nyakasane aishe: Ye wayishi moleka ngasi bifulisirwe omu mwizimya, ayerekane n'entanya ziri omu mirhima y'abantu. Ago mango lyo ngasi muntu ahabwa obukuze buna mukwanine. ⁶ Bene wirhu, ebyo ndesire enyanya za Apolo n'enyanya zani niene, nabijijire mpu lyo muyigiriza, nalonza nti mumanye emigani hano murhulolera kwo: kukwanine barha rhalukaga aha amandiko gaderhire. Ntaye muli mwe wanka cibona oku hali muguma olushire owundi. ⁷ Wehe indigi wakujijire oku okulire abandi? karhali Nnamahanga wakuhag'ebyujira? Obwo kobirigi ntyo bicigi ocikugira kwo ebi ogwerhe n'obu eri nsokano? ⁸ Mukola mujira ngasi ebi mwaci finjaga! Mukola bahiri! mukola mucibera bami n;obu rhwehe rhurhaba bo! Nankasimire mube bami nirhu rhube akinyu. ⁹ Bulya bibonekinage oku rhuli ntumwa, Nnamahanga arhujijire ba buzinda: Kwo rhukola rhuli nka bantu batwirirwe oku yirhirwa omuluhya lwengabo y'abantu, igulu ly'oshi likola lirhuja cilolero, oli ciru na ba malaika, oli ciru n'abantu. ¹⁰ Rhukola rhuba bahwinja erhi Yesu Kristu orhuma, cikwone muli ba bumanye muli Yesu Kristu, rhuli ngonyo ci mwehe muli bazibu, rhuba bagayaguze ci mwehe mujira olukengwa! ¹¹ Ciru kuhika buno ishali n'obuma byarhu yisire, rhurha cijira ebi rhucibwika, barhulibuzize barhushurha, rhunakola rhuja rhwa hulula. ¹² Rhwa rhamire rhwakola nti lyo rhucilamya rhwene. Baka rhujacira rhwehe bunabe obwanga bwo rhuhana, baka rhulibuza rhuna lembe; V 13 Baka rhuderha kubi, rhwehe ehuna shuze bwinja. Kandi ko bakola barhulola nka nvungu na nka canvu cenigulu. ¹⁴ Mmuyandikire ebyo arhali mpu lyo mumbonesa nshonyi, cikwone nti lyo mmuyigiriza nka bana bani bazigirwa. ¹⁵ Bulya ciru mwanka gwarha nshokolezi bihumb'ikumi omu kalamu kinyu muli Kristu, ishe winyu anali muguma yene; na kandi, oku biyerekire akalamu kinyu muli Yesu Kristu, nie nabirage ishe winyu erhi muhisa kw'emyanzi y'akalembe. ¹⁶ Muyinjibanage mushimbe olw'iganyo lwani. ¹⁷ Muli oko, mmurhumirage mugala wani muzigirwa Timoteyo, aba mw'ikubagirwa muli Nyakasane; ye wamukengeza amarhegeko ndamire kwo muli Yesu Kristu nk'oku nja nagayigiriza ngasi hoshi hali emirhwe y'ab'emezi. ¹⁸ Baguma muli mwe bakola baka cibona, bacikebirwe mpu nkaba ntakaci yishi murhangula. ¹⁹ Cikwone Nyakasane akalonza ntaka yorherera okuhika eyo emwinyu; obwo lyo namanya emyanzi y'abo bacibonyi, arhali yone, ciru na ngasi bindi bamanyire! ²⁰ Bulya obwami bwa Nnamahanga burhaba bwa binwa, cikwone bwa buhashe. ²¹ Bici biguma musimire? Kanyishe eyo n'obuhiri erhi byishe n'omurhima gw;obuzigire n'obwirhonzi?