¹ Bene wirhu, namukengeza erya myanzi y'akalembe namubwiraga, mwayi yankirira, mana ciyisezire mwo buzibu, ² yo yana muchiza erhi mwanka yilanga nk'oku namubwiragayo. N'akaba arhali ntyo, erhi wayemire bya busha. ³ Burhanzi, namuhisakwo ebi nani niene nahabagwa: oku Kristu afirire ebyaha birhu nk'oku Amandiko gadesire, ⁴ oku abishirwe omu nshinda, n'oku olusiku lwa kasharhu lwa fusire nk'oku Amandiko gadesire. ⁵ N'oku abonekire Kefa, abuli bonekera na balya ikumi na babiri. ⁶ Okuhandi abonekera bene wirhu magana arhanu na kulusha cacigumiza, na banji muli bo ho baciba, ci baguma bafire. ⁷ Ashubija ho, abonekera Yakobo, abonekera n'entumwa zoshi. ⁸ Cazinda ambonekera nani nka kulya ankabonekera ecimomano. ⁹ Neci, nie munyi omu ntumwa zoshi, ciru nta kwanini izino ly'entumwa bulya nalibuzize e Eklesia ya Nyamuzinda ¹⁰ Cikwone eri nshokano ya Nyamuzinda yanjiraga okula ndi, n'enshokano anshobozagya erhagumbaga muli nie. Ci nie nakozire kubalusha boshi! Caba nanga, arhali nie, ci enshokano ya Nyamuzinda haguma nani. ¹¹ Akaba nie, erhi akaba bo, kwo rhuyigiriza ntyola; kwo mwana yemire okwo. ¹² N'akaba bayigiriza oku Kristu afusire omu bafu, kurhi baguma muli mwe bankaciderhaga mpu nta bufire bw'abafire? ¹³ Akaba nta bufuke bw'abafire, Kristu naye arhafufuka; ¹⁴ N'akaba Kristu arhafukaga, enyigirizo cirhu ziri busha, n'obuyemere bwinyu nabo buli busha. ¹⁵ Ciru nirhu erhi rhwamaba bahamirizibabeshera Nyamuzinda, bulya rhwamu nywerhire nti afusize Kristu n'obwo arhamufulaga, akaba kwo binali abafu barha fuka, Kristu naye arhafukaga. ¹⁷ N'akaba Kristu arhafukaga, obuyemere bwinyu buli busha, munaciri omu byaha binyu. ¹⁸ Kuziga n'abafire muli Kristu bahererekire. ¹⁹ N'akaba muli obula buzine bw'enigulu mwone rhulangalire Kristu, omu bantu boshi erhi rhwe rhunali bahanya kulusha. ²⁰ Cikwone nanga Kristu afusire omu bafu, ashokolera abagwishire. ²¹ Bulyala muntu wadwirhe olufu, kwo na kwo muntu wadwirhe okufuka kw'abafire. ²² Neci, nka kulya boshi bafa muli Adamu, kwo na boshi bayishishubiramwo omuka muli Kristu. ²³ Cikwone ngasi muguma omugage mango: Kristu ye murhanzi rhanzi kandi abayishi ba bakristu olusiku ayisha. ²⁴ OKuhandi bwanaba buzinda, go mango ashubiza Nyamuzind' Ishe obwami, amayus'ishaba amani goshi na ngasi burhegesi na ngasi buhashe. ²⁵ Neci, kukwaninwe ayime kuhika ahebe abashombanyi bage boshi ah'idako ly'amagulu gage goshi. ²⁶ Omushombanyi muzinda wayishishabulwa, lwo lufu. ²⁷ Bulyala Nyamuzinda ahizire byoshi ah'idakoly'amagulu gage. Ci amango aderha mpu byoshi biri idako ly'amagulu gage. Rhumanyire n'obwalagale oku olya warhuhaga ebintu by'oshi arha ganjirwi muli byo. ²⁸ N'amango ebintu byoshi byoshi byaba bikola bili idako ly'amagulu gage, naye omugala yene anacihira idako ly'owamuhaga byoshi lyo Nnamahanga ashuba byoshi muli boshi. ³⁰ Nirhu hwene cici cirhuma rhucihira omu kaga ngasi kasanzi? ³¹ Nkasi lusiku erhi ndi omu lufu, bene wirhu n'oko kunali nkokula muli irenge lyani muli Nnawirhu Yesu Kristu. ³² Acibaga bunyamuntu bw'one bwarhumaga nalwisa ebirhanyi e Efezi, singa bunguke buci nakula mwo? Akaba abafire barhafuka, rhulyage rhunywe, bulya irhondo rhwafa. ³³ Mumanye murha rhebwagwa: oku komera ababi kuna shereze engeso nyinja. Murhenge omu balalwe nk'oku bikwaninwe, murhana cihira mukajira ebyaha; bulya muli mwe muli abarha yishi Nnamahanga, nkudesire nti enshonyi zibagwarhe. ³⁵ Kwone owaderha, erhi: Kurhi abafire bafuke wani? Mubiri guhi bagalukane? ³⁶ Eci hwinja! Eci orhwera cirhaja mwo buzine cirhana rhanziri fa. ³⁷ Nanka warhwera, arhali omubiri gwamurhenga gw'orhwera ci mburho yone orhwera bumu bumu kulyala enali, nka ngano erhi yindi mburho. ³⁸ Nnamahanga ye oyiha omubiri nk'oku yene alonzize na ngasi mburho gwayo mubiri. ³⁹ Emibiri yoshi erhali yo miguma: ogwa bantu guba gwago, ogw'ensimba gwago, ogw'ehinyunyi gwagwo, n'ogw'enfi gwago. ⁴⁰ Haligi emibiri y'eby'emalunga n'ey'ebyahano byoshi, ci obulangale bw'eby'emalunga buba bwago, n'obulangale bw'ebyahano nshi bwago. ⁴¹ Obulangale bw'izuba buba bwago, n'obulangale bw'omwezi buba bwago, n'obulangale bw'enyenyezi bwago, ciru n'enyenyezi erha langashana kuguma n'eyindi. ⁴² Intyo kwo biri n'oku bufuke bwa bafu. Omubiri gurhwerwa guli gwakubola gufuke gurhaciri gwa kubola. ⁴³ Gurhwerwa buzira bukuze gufuke omw'irenge. Gurhwerwa erhi ngonyo gufuke guli muzibu. ⁴⁴ Banarhwere omubiri gw'obunyama hafuke omubiri gw'obunyamuka. Ankaba haba omubiri gw'obunyama hanaba n'omubiri gw'obunyamuka. ⁴⁵ Intyo kwo biyandisirwe, mpu omuntu murhanzi Adamu ajijirwe ciremwa ciri mw'obuzine; Adamu muzinda yehe ajirwa muka guhana obuzine. ⁴⁶ Ci arhali ec'obunyamuka co cirhangi boneka, ec'obunyamubiri co cirhanga ec'obunyamuka cikulikire. ⁴⁷ Omuntu murhanzi omu badaka arhengaga anali w'eno igulu, owa kabirhi arhenga empingu. ⁴⁸ Oku omuny'igulu ali ayosire kwo n'aben'igulu bayorha na okwo owomu mpingu ali ayosire kwo n'abo omu mpingu bayorha. ⁴⁹ Na kulyala rhwaliko enshusho y'omuno igulu, kwo rhukwaninwe rhuje kwo n'enshusho y'omu mpingu. ⁵⁰ Kwo ndesire ntyo bene wirhu: Omubiri n'Omuka birhanka yima omu bwami bwa Nnamahanga, n'ebyo kubola birhaka yima omu birhankahashibola. ⁵¹ Nkolaga namubwira ihwe: Rhweshi rhurhakafa ci rhweshi rhwayishi hinduka kundi kundi, ⁵² oku irindo liguma, omu kugohya ntya, oku izu ly'omushekera muzinda; bulya bayishi buha omushekeran'abafire bayishi fukana emibiri erhanka cifa, na nirhu rhwayishi hinduka kundi kundi. ⁵³ Bulya ogula mubiri gubola, kukwanine guyambale obuhashe bw'okurhabola, n'ogumuburi gufa, kukwanine guyambale obuhashe bw'okurhafa. ⁵⁴ Ci amango guno mubiri gubola gwaba gwamayambala obuhashe bw'oku rhabola n'ogu mubiri gufa guyambala obuhashe bw'okurhafa, ly'olu luderho lw'Amandiko lwayunjula: Olufu lwahimirwe, lwamirwa n'irenge. ⁵⁵ Lufu we, okuhima kwawe nkahi kuli? Lufu we, akababo kawe ngahi kaligi? ⁵⁶ Olufu ecaha ko kababo kalwo, n'ecaha Irhegeko bwo buzibu bwaco. ⁵⁷ Ci, neci, Nyamuzinda akonkwa, owarhuhaga okuhimana erhi Nnawirhu Yesu Kristu orhuma! ⁵⁸ Ntyo bene wirhu bazigirwa, musimike murhadundaganaga, ensiku zoshi mugazija embere omu mukolo gwa Nnamahanaga, bulya mmumanyire oku omukolo gwinyu muli Nnamahanga gurhaka fa busha.