¹ Naciri derha bindi binwa bisungunu bidesire ogw'oku shololera abantu b'omu lubaga lwa Nnamahanga baba omu cishagala c'e Yerusalemu: Mujire kulya nanabwirizagya Emirhwe y'Abakristu b'Egalatiya kwo na nene. ² Ngasi lwamungu, ngasi muguma muli mwe agwasirwe akagoshola enfaranga aha mwage nk'okw'anarhesize, abe azibisire, lyo hano ayisha barhak'iba lyo bakola bazisholola. ³ Hano mpika, narhuma abantu mwayish'ilondola, baheke n'amaruba g'okubalamukiza baheke obwo burhabale bwinyu e Yerusalemu. ⁴ Erhi byakayish'ikwanana nani nyije, rhwana genda rhwe nabo. ⁵ Hano mba namatwikanya omu Makedoniya lyo naja emwinyu (bulya nnonzize ntwikanye muli eco cihugo). ⁶ Nayishi yorha emwinyu nkabaga kasanzi, nkabaga ciru yo nagereza ampondo yoshi, ninyyu mwayishi ntabala kwoki okuja ahantu nakayishi ja. ⁷ BUlya ntalonzizi nyishi mubona nandi oku magulu enyanya. BUlya nnangalire oku nabera emwinyu mango garhali manyi akaba Nyamuzinda anyemerera. ⁸ Ci kwoki yo nciri eno munda e Efeso kuhika oku lusiku lukulu lwa Pentekote. ⁹ Bulya amango minja g'oku hikiriza omukolo mukulu gamantimana ciru abashombanyi bakaluga. ¹⁰ Nka Timoteyo akayisha, munajire kulya akaciyunva mwo okw'ali muyankirire bwinja na ninyu, bulya kwo akola omukolo gwa Nyakasane akani. ¹¹ Ntaye wamuganyagusagya. Mube kurhabala mumurhabala okugenderera n'olugenzi lwage n'omurhula, lyoo abona oku agaluka emunda ndi, bulya ndi namulinda rhwene bene wirhu. ¹² OKu kunyerekire mwene wirhu Apolo naye, nankaz'imukogosa nti aje emwinyu haguma n'abandi bene wirhu, cikwone arhacilonza okujira buno. Kwo kuderha ayija hano abona oluhuma. ¹³ Mube masu, mukomere omu buyemere, muciseze munazibuhe. ¹⁴ Mukole byoshi omu buzigire. ¹⁵ Muyishi Stefana n'omulala gwage: Mumanyire oku bo bali barhanzi okuyemera omu Akaya, bana rhondera oku kolera abantu b'omu lubaga lwa Nnamahanga. Bene wirhu mmunyinjibine nti muleke, ¹⁶ mushokolerwe na bantu ba mwene abo, kuja n'abandi bakola n'obushiru haguma nabo. ¹⁷ Ndi mwo omwishingo gw'okuyisha kwa Stefana na Fortunato na Akaiko; bo bampaga ebyali bimbulire amango murhahali. ¹⁸ Banampa omurhima nk'oku ninyu banamuhaga gwo. Kukwanine okumanya kurhi abantu bali nk'abo mwaka kabaha enkunya. ¹⁹ Emirhwe y'Abakristu b'omu cihugo c'e Aziya mpu asinge! Akila na Prisila, n'Omurhwe gw'Abakristu bajirira endeko aha mwabo bamurhumire emisingo yabo y'eci nyabuguma muli Nyakasane orhulunga haguma. ²⁰ Bene wirhu bali hano boshi mpu asinge! Mulamusanye mwene na nnene n'ehi nunugurho hy'ecinyabuguma. ²¹ Kuboko kwani uku niene nyandisire mwo ebi binwa bidesire mpu: Omusingo gwa Polo kuli mwe. ²² Mashi, nkaba hali orha zigira Nyakasane erhi akahera Marana ta Nyakasane wirhu Yisha. ²³ OLukogo lwa Nyakasane Yesu kristu lube haguma na ninyu. ²⁴ Obuzigire bwani buli kuli mweshi muli Yesu Kristu.