¹ Ciru nanka haluka omu nderho z'abantu n'eza bamalaika, cikwone nka ntajira buzigire, eri konandi nka kula omulihyo gw'engoma guyunvikana, nanka kulya omudende gudendera. ² Ciru n'ankagwarha ecigabi c'okuleba, ciru nanka gwarha ecigabi c'okumanya amenge goshi n'amahwe goshi, ciru nanka gwarha obwemere bwanka hamisa entondo, cikwone nka ntajira buzigire, erhi nandi wa busha. ³ Ciru nanka gaba ebirugu byani, ciru nanka hana omubiri gwani mpu guhye n'omuliro, cikwone nka ntajira buzigire okwo kurhanka njirira bici. ⁴ Obuzigire burhuza, obuzigire buba bwa murhima mwinja, obuzigire burha yagalwa, burha cikunga, burha cibona. ⁵ Obuzigire burhajira bya kubonesa nshonyi, burha cikaliza, burhaba burhe, burha bika mujina. ⁶ Obuzigire burha shagalukira mabi, cikwone bushinganyanya bwone bushagalukira. ⁷ Obuzigire bunaka lembera ngasi kantu, bunarhume rhwalanga obwemere, n'obulangalire, n'obushibirizi muli kanga. ⁸ Obuzigire buba bw'ensiku n'amango. Obulebi bwacihwa lusiku luguma, enshokano z'okuderha endimi zirhamanyikini zacihwa, obwenge bwaci hirigirha. ⁹ Bulya rhurha yishi byoshi, rhurhana leba byoshi. ¹⁰ Cikwone hano ebihikirire biyisha ebirha hikiriri bya hirigirha. ¹¹ Erhi nciri murho nakagi derha nka mwana na naka gerereza n'okurhanya nka mwana; cikwone erhi mba mulume wa bwanwa naleka eby'omu burho. ¹² Na bunola ebi rhukola rhujire rhwabona bishushine n'ecizungululu c'omwizizi ciri cabonekana omu cilolero. Cikwone lero ago mango rhwayishi cibonera. Buno ntamanyisizi byoshi ci ago mango namanyisa byoshi nka kulya Nnamahanga anaba amanyisize. ¹³ Cikwone buno ebi bintu bisharhu biri ho: Obuyemere, obulangalire n'obuzigire; Ci ecikulu muli ebyo bisharhu buli buzigire.