² Mmumanyire oku amango mwacili bapagani mwakagi kululirwa ebwa nsanamu zirhaderha. ³ Co cirhumire ndonza nti mukumanye: Nta muntu wankaba ashokolirwe na muka mwimana akaderha mpu: Yesu akahera! Na kandi ntaye wankaderha mpu Yesu ali Nyakasane nka arha shokolirwi na muka mwimana. ⁴ Haba nshokano nyinji za muka mwimana, ci muka ozihana aba muguma. ⁵ Haba kunji abantu bakola mwo, cikwone Nyakasane muguma bana kolera. ⁶ Haba emikoloya mbero mbero, cikwone Nnamahanga yene ojira yoshi muli byoshi. ⁷ MUka mwimana anashoboze omuntu enshokano, ebe bunguke bwa bantu boshi. ⁸ Muka anashoboze enshokano y'okuderha n'obumanye, ye n'oyo muka muguma ashoboze owindi enshokano y'okuderha n'obwenge. ⁹ Oyo muka muguma anahe muguma obwemere, ashoboze n'owundi enshokano y'okufumya abalwala. ¹⁰ Muka anashoboze muguma enshokano y'okujira ebirhangaza, ahe n'owundi ey'obulebi, ahe n'owundi enshokano y'oku manyirira muka w'obunywesi n'ow'obuzine. Ana shoboze muguma enshokano y'okumanya endimi zirha manyikini, ahe n'owindi ey'okuzi hugula. ¹¹ Oyo muka muguma yene ojira ebyo byoshi; anashoboze ngasi muntu eyage nshokano nk'oku analonzize. ¹² Kristu kw'ayorha nka kulya omubiri gujira birumbu binji; gunayorhe guli muguma ciru gwanka gabikana mwo ebirumbu bya ngasi lubero. V 13 Nirhu rhweshi, Abayahudi nabarhali bo, Abaja n'abarhali bo, rhwabatizibwe lyo rhujira mubiri muguma muli muka mwimana, rhwana nywesibwe kuli oyo muka muguma. ¹⁴ Omubiri gurhajira cirumbu ciguma cone ci birumbu binji. ¹⁵ Erhi okugulu kwankaderha mpu: niono ntali kuboko, ntali w'oku mubiri, k'okwo kuligi kuderha oku kurhacirigi kw'oku mubiri. ¹⁶ N'okurhwiri kuderhe mpu: Niono ntal'isu, ntali w'oku mubiri, okwo kuligi kuderha oku kurhaciri kw'oku mubiri. ¹⁷ Omubiri gwoshi licibag'isu bici gwali gwakayunva mwo? Na kandi gucibage kurhwiri, bici gwakabayiza mwo? ¹⁸ Okunali Nnamahanga ahizire ngasi cirumbi ca mubiri aha cinakwanine, ajira nk'oku anali alonzize. ¹⁹ Gurhankabire mubiri gucigwarhage cirumbu ciguma cone! ²¹ Isu lirhanka bwira okuboko erhi ntagwerhi bunguke kuli we! Nalyo irhwe lirhanka bwira amagulu erhi: Ntagwerhi bunguke kuli mwe. ²² Ebirumbu bibonekana oku mubiri nka bisungunu, byo bijira ko obunguke; ²³ Ebi rhubona nka byo bisungunu rhunabe byo rhuka halira bwenene kulusha ebindi; ebi ciru kurhali kwinja rhubiderhe, byo rhulanga kwabyo kwabyo. ²⁴ Kulya ciru rhurhanka langa ebindi birumbu by'omubiri gwirhu. Nnamahanga ajijire omubiri gukaha ebirumbu birhahali olukengwa. ²⁵ Muliuko omubiri gurhaba gugabanukine mwo, cikwone ebirumbu bya gwo bijira malagirire maguma, ngasi ciguma oku cabo. ²⁶ rhi hankajira ecirumbu calumwa, ebindi binakalumwa haguma naco; n'erhi ecirumbu ciguma canka habwa olukengwa, ebindi byoshi bina shagaluke haguma naco. ²⁷ Mweshi mulimubiri gwa Kristu, na ngasi muguma muli mwe ali cirumbu ca kuli ogwo mubiri. ²⁸ Ntyo kwo kwarhumire arhengi ba ntumwa zo aheba omu bemezi, akulikiza abalebi, bwa kasharhu aheba mwo abigiriza; buzinda aheba mwo ab'okuka jira ebirhangaza, n'abo kufumya abalwala, n'aba rhabalaabandi, n'abimangizi, n'abagwerhe enshokano y'okuderha endimizirha manyikini. ²⁹ Abantu boshi barhaba ntumwa erhibalebi erhi bigiriza. Arhali boshi bagwerhe obuhashe bw'okujira ebirhangaza.V 30 Kandi erhi oku fumya abalwala, erhi okuderha endimi zirhamanyikini, erhi kuzi hugula. ³¹ Ntyo mulongereze enshokanonkulu. Cikwone nkolaga nabayeresa enjira nkulu hali zoshi.