¹ Bene wirhu, ndozize mukengere oku bashakuluza bajaga bagenda bona Musa oku babaga. Ehikungu hyaka bahalira buzinda bayikira enyanja ndukula. ² Babatizibwa omu hikungu n'omu nyanja ago mango erhi balungine na Musa. ³ Boshi bakalya biryo biguma bya mûka, ⁴ Banywa na mishi maguma ga muka, bakanywera kuli ibuye liguma lya muka lyajaga lya balusa, n'er'ibuye ye wali Kristu. ⁵ Cikwone baguma muli bo barhasimisagya Nnamahanga co carhumire ba holokera omu mpinga. ⁶ Ebyo babaga byarhulangwire olwiganyo mpu ly'o rhulaki ba n'irala libi liri nk'elyabo. ⁷ Kurha kwanini muka rherekera enama nka kulya baguma muli bo bajiraga. Nkakulya amandiko gadesire mpu: Abantu batamala bakalya, banaka nywa, buzinda bayimuka baka sama. ⁸ Rhura kwanini rhukajira obugonyi nka kulya baguma muli bo bakagi jira, lero bafa mwo bantu bihumbi makumi abirhi na bisharhu lusiku luguma. ⁹ Rhurha kwanini rhuka rhangula Nnamuzinda nka kulya baguma muli bo bajiraga lero enjoka zabamala. ¹⁰ Murha kwanini muka ciduduma nka kulya baguma mui bo bajiraga, omushereza aba hololaboshi. ¹¹ Bajire kw'ago mahanya mpu lyo baba lwiganyo oku bandi;ago mahanya ga yandikwa mpu gaka rhurhonda, bulya rhuli rhw'alama omu mango obuzinda buli hofi. Okubirigi, olyacikebwa mpw'ayimanzire acilange arhaki hirima. ¹³ Amashumi mwabwine gali gala abandi bantu banabona. Nnamahanga arhatwa omu ciragane cage, arhanka naziga mwarhangulwa kulusha olugero mwankahasha; cikwone hano amarhangulo gaba gakolagayishire, anamuha emisi y'okugahasha n'oku waga rhenga mwo. ¹⁴ Co cirhumire bira bani mucilange oku kurherekera eneme z'abazimu. ¹⁵ Ndi nababwira ntyo bulya muli ba kurhimanya; mwene mucijage emurhima kuli ebyo mubwizire. ¹⁶ Mugerereze kalya kabehe k'omugiso rhuvuga mwo Nnamahanga omunkwa: N'amango rhukanywa rhurhaba kulungana n'omuko kwa Kristu? Na gula mukati rhubega: Galya mango rhugulya kurhaba kulungana n'omubiri gwa Kristu? ¹⁷ Haba mugati muguma: na kandi ciru rhukaluga, rhuba mubiri muguma bulya rhweshi rhushangire kuli ogwo mugati.V 18 Musinze olubaga lw'abisiraeli: bala balya oku biryo bihanyirwe nterekero, baba balungine haguma na Nnamahanga warhumaga bacesa irherekero. ¹⁹ Ka nana derhaga obw'oku enama z'abazimu nisi erhi birya biryo barherekera mwo, hali kamalo bigwerhe? ²⁰ Nanga, cikwone nyemire oku bira abapagani bahana nterekero, nnama babiha ci arhali Nnamahanga. N'obwo ntalonzizi mulungane haguma n'ennama z'abazimu. ²¹ Murhaka nywera oku kabehe ka Nyamuzinda mugali nywera oku k'abazimu. Murhaka lira oku cibo ca Nyakasane mukagali lira oku ca bazimu. ²² Nisi karhwalonza rhuzuse obwagalwa kuli Nyakasane? Ka mucikebirwe mu rhukolaga rhwaba bazibu kumulusha? ²³ Baguma muli mwe banaka derha mpu: Ntabyo rhurhanzibwe. N'obwo arhali byoshi biba binja. Bashubi derha mpu: Ntabyo rhurhanzibwe n'obwo arhali byoshi biyubaka. ²⁴ Ntaye wakagi lonza oku cikaliza yene, ci kwone akakaliza abandi. ²⁵ Muyemerirwe okulya ngasi ehi munabuganyire baguza omu cibuye murha rhamaga mwadosa erhi kuyoboha. Entimanya kurhuma, ²⁶ Bulya amandiko gadesire mpu: Igulu n'ebiba mwo byoshi biba bya Nyamuzinda. ²⁷ Erhi orhali mwemezi ankakulalika oku cibo aha mwage nawe okana yemera oku wayija, ona lyage ngasi byoshi akuhire, orha rhamaga wadokereza erhi ntimanya zirhuma. ²⁸ Cikwone hamajira owakubwira mpu: Ebi biryo rhwarherekeraga mwo ennama z'abazimu, omanye orha bilyaga erhi olya waku kengulaga orhuma haguma n'entimanya. ²⁹ Ndesire ntyo ahola, arhali ntimanya zinyu zirhumire, cikwone za wundi. Banadosa mpu: Cirhumirre nie ndi ntagengwa omu bijiro naka cikwa n'entimanya z'owundi muntu? ³⁰ Erhi nankavuga Nnamahanga omunkwa kuli ebi ndi nalya canka cirhuma banganya oku biryo navugire omunkwa? ³¹ Okubiri amango mwalya n'amango mwanywa kandi erhi kujira kandi kantu munajire byoshi omu kulerha irenge lya Nnamahanga. ³² Mulame bwinja, mumanye mwanka sarhaza Abayahudi kandi erhi Abemezi ba Nnamahanga. ³³ Mukajira akani: Mba ncihanganyire nti nsimise abantu boshi muli ngasi kantu; ntalonza bunguke bwani niene, nnonza bunguke bwa boshi ntilyo boshi bacunguka.