¹ Bukeye Hezekia atumir'Abisiraeli n'Abayuda bose, kandi yandikir'Abefuraimu n'aba Manase inzandiko, ngo baze mu nzu y'Uwiteka i Yerusalemu kuziriririz'Uwiteka Imana y'Isiraeli Paska. ² Kuk'umwami n'abatware be n'iteraniro ryose ry'Iyerusalemu bari bagiy'inama yo kuziririza Paska mu kwezi kwa kabiri. ³ Icyo gihe ntibabashaga kuyiziririza, kuk'umubare w'abatambyi biyejeje war'udashyitse, na rubannda bari batarateranir'i Yerusalemu. ⁴ Iyo nam'ishimwa n'umwami n'iteraniro ryose. ⁵ Nuko bashyirahw itegeko, baryamamaza mu Bisiraeli bose, uherey'i Beerisheba ukagez'i Dani, ngo baz'i Yerusalemu kuziriririz'Uwiteka Imana y'Isiraeli Paska, kuko bari batakiyiziririza, ari benshi cyane, uko byaribyaranditswe. ⁶ Maz'intumwa zijyan'inzandiko zivuye ku mwamin'abatware be, zizikwiz'i Bgisiraeli n'i Buyuda hose, zivug'itegeko ry'Umwami yategets'ati: mwa Bisiraeli mwe, nimugarukir'Uwiteka na Imana ya Aburahimu na Isaka na Isiraeli, ibone kugarukira mwebg'abasigaye barokots'amaboko y'Abami ba Ashuri. ⁷ Kandi mwe kumera nka basogokuruza banyu, cyangwa bene wanyu bacumuraga k'Uwiteka Imana ya basekuruza, bigatum'ibatanga bakarimbuka, nkuko mubireba. ⁸ Nuko rero noneho mwebge ntimub'abanyamajos'agamitse nka basogokuruza banyu, ahubgo muyobok'Uwiteka, mwinjire mu buturo bge yerej'iteka ryose, mukorer'Uwiteka Imana yanyu, kugira ng'uburakari bgayo bg'inkazi bubaveho. ⁹ Ni mugarukir'Uwiteka, bene wanyu n'abana banyu bazagirirw'imbabazi n'ibambe, kandi ntizabirengagiza ngw ibah'umugongo, ni muyigarukira. ¹⁰ Nukw intumwa zinyura mu gihugu cy'Efuraimu n'icya Manase, zikava ku musozi zijya ku wundi, zigera nomu cya Zebuluni; ariko baraziseka cyane, bazishinyagurira. ¹¹ Ariko bamwe bo mu Basheri no mu Bamanase no mu Bazebuluni bicisha bugufi, baz'i Yerusalemu. ¹² Kandi n'i Buyuda ukuboko kw'Imana kubaha guhuz'umutima, bunvir'itegeko ry'Umwami n'abatware, babitegetswe n'ijambo ry'Uwiteka. ¹³ Nuko mu kwezi kwa kabiri i Yerusalemu hateranir'abantu benshi baziririz'ibirori by'imitsim'idasembuwe bar'iteraniro rinini cyane. ¹⁴ Barahaguruka bakur'i Yerusalemu ibicaniro byari bihari, bakuraho n'ibyotero byo koserezahw imibavu byose, babijugunya mu kagezi kitwa kindironi. ¹⁵ Maze babag'umwana w'intama wa paska mu munsi wa cumi n'ine w'ukwezi kwa kabiri; abatambyi n'Abalewi bakozwe n'isoni, bariyeza, bazan'ibitambo byoswa mu nzu y'Uwiteka.` ¹⁶ Bahagarara mu nyanya yabo, ukw imihango yabo yar'iri, bakurikij'itegeko rya Mose umuntu w'Imana, abatambyi bamish'amaraso baherejwe N'abalewi. ¹⁷ Maze, kuko mw iteraniro harimo benshi batiyejeje, ni cyo cyatumy'Abalewi bategekwa kubagir'intama ya Paska umuntu wes'udatunganye, ngo baberez'Uwiteka. ¹⁸ Kukw abantu benshi cyane b'Abefuraimu n'Abamanase n'Abisakari n'Abamanase n'Abisakari n'Abazebuluni bari batiyejeje; bagapfa kury'umwana w'intama wa Paska, kand'atari ko byategetswe. ¹⁹ Kandi Hezekia yari yabasabiy'ati: Uwiteka umunyambabazi ababarir'umuntu wes'ugambiriye gushak'Imana, Uwiteka Imana ya basekuruza, nubg'atejejwe nkuk'umuhango w'ubuturo bger'umera. ²⁰ Uwiteka yumvira Hezekia, akiz' bantu. ²¹ Maz'Abisiraeli bar'i Yerusalemu bamar'imins'irindwi, baziririz'ibirori by'imitsim'idasembuwe banezerewe cyane; kand'Abalewi n'Abatambyi bagahimbaz'Uwiteka uko bukeye, bamuvugiriz'ibintu bivuga cyane. ²² Nuko Hezekia avug'amagambo yo kunezez'Abalewi bose b'abahanga mu murimo w'Uwiteka. Ibirori babimarir'imins'irindwi, batamb'ibitambo by'ishimwe yuko bar'amahoro, baturir'Uwiteka Imana ya basekuruza. ²³ Maz'iteraniro ryose bajy'inama yo kuziririz'indi mins'irindwi, bayiziririza banezerewe. ²⁴ Kuko Hezekia umwami w'Abayuda yahay'iteraniro amapfiz'igihumbi n'intam'ibihumbi birindwi hw ibitambo; abatware na bo bagah'iteraniro amapfiz'igihumbi n'intam'inzovu; n'abatambyi benshi bakiyeza. ²⁵ Iteraniro ryose ry'Abayuda n'abatambyi n'abalewi n'iteraniro ryose ryavuye mu gihugu cy'Isiraeli, n'abatuy'i Buyuda, baranezerwa. ²⁶ Nukw i Yerusalemu hab'umunezero mwinshi, kuk'uhereye ku ngoma ya Salomo mwene Dawidi umwami w'Isiraeli, ntihigeze kubaho nk'ibyo i Yerusalemu. ²⁷ Maz'abatambyi b'Abalewi barahaguruka, basabir'abant'umugisha; ijwi ryabo rirumvwa, gusenga kwabo kugera mu buturo bgayo bgera, ari bgo juru.