¹ Hezekia yatangiye gutegeka amaz'imyaka makumyabiri n'i tan'avutse, amar'imyaka makumyabiri n'icyenda i Yerusalemu ari ku ngoma. kandi nyina yitwaga Abiya, umukobga wa Zekaria. ² Akor'ibishimwa n'Uwiteka nk'ibyo sekuruza Dawidi yakoraga byose. ³ Mu mwaka wa mbere wo ku ngoma ye, mu kwezi kwa mbere akingur'nzugi z'inzugi z'inzu y'Uwiteka, arazisana. ⁴ Yinjiz'abatambyi n'Abalewi, abateraniriz'ahantu hagari herekey'ibusasirazuba. ⁵ Arababgir'ati: nimunyumve, mwa Balewi mwe, mwiyeze nonaha, mweze n'inzu y'Uwiteka Imana ya basogokuruza banyu, mukur'imyanda ahantu hera. ⁶ Badata bacumuraga bagakor'ibyangwa n'Uwiteka Imana yacu, bakayimura, bakahindukira bagakur'amaso ku buturo bg'Uwiteka, bakabuter'umugongo. ⁷ Kandi bakinz'inzugi z'ibaraza, bazimy'amatabaza, kandi ntiboserez'Imana y'Isiraeli imibavu cyangwa kuyitambir'ibitambo byoswa ahantu hera. ⁸ Ni cyo cyatumy'uburakari bg'Uwiteka buba ku Bayuda n'ab'i Yerusalemu, akabahana ngo bateraganwe hirya no hino, bakab'ibishungero byimyozwa, nkuko namwe mubirebesh'amaso yanyu. ⁹ Dor'ibyo byateye ko badata bicwa n'inkota, kand'abahungu bacu n'abakobga bacu n'abagore bacu bab'abanyangabo. ¹⁰ None ngambiriye gusezeran'isezerano n'Uwiteka Imana y'Isiraeli kugira ng'uburakari bgayo bg'inkazi butuvemo. ¹¹ None, bana banjye, mwe gutenguha, kuk'Uwiteka yabatireye kumuhagarar'imbere, mukamukorera, mukab'abahereza be, mukos'imibavu. ¹² Maz'Abalewi barahaguruka, Mahati mwene Amasai na Yoeli mwene Azaria, bo muri bene Kohati, n'abo muri bene Merari, kishi mwene Abudi, na Azaria mwene Yehaleleli; n'abo muri bene Gerishomi Yoa mwene Zima, na Edeni mwene Yoa. ¹³ N'abo muri bene Elisafani, shimuri na Yoweli n'abo muri bene Esafu, ni Zekara na Matania. ¹⁴ N'abo muri bene Hemani, Yehweli na Shimei; n'abo muri bene Yedutuni, Shemaya na Uzieli. ¹⁵ Bateranya bene wabo, bariyeza, birinjira ngo batungany'inzu y'Uwiteka, nkukw itegeko ry'Umwami ryategetse, rikurikij'ijambo ry'Uwiteka. ¹⁶ Nukw abatambyi bajya mu mwinjiro w'inzu y'Uwiteka kuwutunganya, basohor'imyanda yose babonye mu rusengero rw'Uwiteka. Abalewi baherako barayenda, bayijyana ku gasozi, bayigeza ku kagezi kitwa kidironi. ¹⁷ Kandi bahera ku munsi wa mbere w'ukwezi kwa mbere batamgira kweza; ku ku munsi wa munani w'uko kwezi bagera kw'ibaraza ry'Uwiteka; maze mberez'inzu y'Uwiteka indi minsi munani; nuko ku munsi wa wa cumi n'itandatu w'ukwezi kwa mbere bararangiza. ¹⁸ Hanyuma bajy'ibgami, basang'umwami Hezekia muri kwambere ye, baramubgira bati: tumaze gutungany'inzu y'Uwiteka yose, n'icyotero cy'ibitambo byoswa, n'ibintu byacyo byose, n'amez'imitsima yo kumurikwa iterekwahw imbere y'Uwiteka, n'ibintu byayo byose. ¹⁹ Kandi n'ibintu byos'umwami Ahazi yataye, ubgo yacumurag'ari ku ngoma, twabitunganije, turabyeza; none bir'imbere y'icyotero cy'Uwiteka. ²⁰ Bukey'umwami Hezekia azinduka kare, aterany'abatware b'umurwa, arazamuka, ajya mu nzu y'Uwiteka. ²¹ Bazan'amapfiz'arindwi, n'amasekurume y'intam'arindwi, n'abana b'intama barindwi, n'amasekurume y'iben'arindwi, ngo bib'igitambo gitambirw'ibyaha by'ubgami, n'iby'ubuturo bgera, n'iby'Abayuda. Ategek'abatambyi bene Aroni kubitambira ku cyotero cy'Uwiteka. ²² Nukw ayo mapfizi barayabikira, abatambyi bateg'amaraso, bayamisha ku cyotero; babikir'amasekurume y'intama, bamish'amaraso yayo ku cyotero, babikira n'abana b'intama, bamish'amaraso yabo ku cyotero. ²³ Maze bigiza hafi amasekurume y'ihema imbere y'Umwami n'i teraniro, barayambikahw ibiganza ngw azab'igitambo gitambirw'ibyaha. ²⁴ Abatambyi barayabikira, batambir'amaraso yayo ku cyotero bayatambirir'icyaha, ngo bohongerer'Abisiraeli bose; kuk'umwami yategetse ko batamb'igitambo cyoswa n'igitambo gitambirw'icyaha, ngo bitambirw'Abisiraeli bose. ²⁵ Kand'ashyir'Abalewi mu nzu y'Uwiteka bafit'ibyuma bivuga na Nebelu n'inanga, nkuko byategetswe na Dawidi na Gadi bamenya w'umwami na Natani w'umuhanuzi; kukw itegeko ryavuye k'Uwiteka, rivugwa n'abahanuzi be. ²⁶ Nukw Abalewi bahagarara bafit'ibintu bya Dawidi n'abatambyi bafit'amakondero. ²⁷ Hezekia ategeka gutambir'igitambo cyoswa ku kyotero. Nukw igitambo cyoswa gitangiye gutambga, indirimbo y'Uwiteka na yo iratangira, n'amakondera hamwe n'i bindi bintu bya Dawidi umwami w'Isiraeli. ²⁸ Maz'iteraniro ryose, riraramya, abaririmbyi bararirimba, abavuz'amakondera barayavuza; byose bimera bityo kugez'ahw igitambo cyoswa cyarangiriye. ²⁹ Nuko barangije gutamba, umwami n'abari bari kumwe na we bose barapfukama, bararamya. ³⁰ Kand'Umwami Hezekia n'abatware bategek'Abalewi kuririmbir'Uwiteka ishimwe mu ndirimbo za Dawidi n'iza Asafu bamenya; baririmb'ishimwe banezerewe, bubik'imitwe, bararamya. ³¹ Maze Hezekia arababgir'ati: non'ubgo mwihay'Uwiteka, mwigire hafi muzan'ibitambo n'amaturo y'ishimwe; nabari bafit'umutim'ukunze bose bazan'ibitambo byoswa. ³² Umubare w'ibitambo byoswa, iteraniro ryazanye, war'amafizi mirongwirindwi n'amasekurume y'intam'ijana n'abana b'intama maganabiri; ibyo byose byar'iby'igitambo cyoswa cy'Uwiteka. ³³ Kand'ibintu byejejwe byar'inka maganatandatu n'intam'ibihumbi bitatu. ³⁴ Arikw abatambyi baba bake, ntibabasha kubag'ibitambo byoswa byose ni cyo cyatumy'Abalewi bene wabo babafasha kugez'ah'umurimo warangiriye, no kugez'ahw abatambyi bamariye kwiyeza; kukw Abalewi barushag'abatambyi umutim'utunganye wo kwiyeza. ³⁵ Kand'ibitambo byoswa byari byinshi cyane n'ibinure by'ibitambo by'ibyo kunywa aturanwa n'igitambo cyoswa. Uko ni k'umurimo wo mu nzu y'Uwiteka watunganijwe. ³⁶ Hezekia n'abantu bose banezererw'iby'Imana yateguriy'abantu, kuko byakozw'ikubagahu.