¹ Alakini uba n'ne: Ka esa ne a muiso abaae saa akpe. ² Kanyongo bakpa baekondaae sisabo, bakondi a bangoa, edokoa, ebeba, bafhoti a Mokonga, kanga esima mutaa babokoti nabo, kanga ngoola, na bakpa a n'kiki. ³ Babae kanga kondana, akpe ka okana, yongeana mbea, kanga echunga sisabo, baka ajia, bakaokonda kema anja. ⁴ Babae bakpa a sombisa badhabo, kanga lenga kema anja, edhokomisa, bakondi a kema anja kanga n'konda Mokonga. ⁵ Babaae mbango ka gea kema an'senge a belekea, alakini banganaae bokuu nake. Teani bakpa nee. ⁶ Kanyongo bakpa mochi subiabo bane bakpa ne bangi subia enju na egbakumia bake kanga ubafha. Bune bane bake bune baekumbisi jambi na gaa mbamba ka siki a kema asii. ⁷ Bake ne bao ejifunja, alakini bakatoki'ake bika ka ubafha a dhoni. ⁸ Ka namuna ne mochi aange Janese na Jamburese baya n'mamei Musa, baalimo ajede bamame gua dhoni. Bane bakpa ne bana mbea ka mawazo nabo, na bondea ka belekea bamaki u. ⁹ Alakini baka toke ku gaa dhanga. Kanyongo kobobo nabo abaae ajede mutaa bakpa asii, ubate n'ne a bakpa no. ¹⁰ Alaki ubate mutako, ogee mbusa a mafundiso namo, ongoza, sabaa, belekea, bondea, ekondi na vumilia, ¹¹ ujukana, teseka, na n'ne ayamo kidianei ka Antiokia na Ikonia, na ka Lustra. Neye kakamani ka ujukana. Toka mutabo bobu, Bosomwa aya mo lamisi. ¹² Buno bobu baya kondi ikika ka okona bojeme subia Yeso Klisto baujukanaae. ¹³ Bakpa ajede na kanga esima bagaa ka bojede ajia, gaa na bakpa angboo mbamba na ebhungisa. ¹⁴ Alakini bene kanyongo nako, jiga subia kema n'no oyeejifunji na belekea u akpe. Oubi mutaa n'mbo oyeejifunji. ¹⁵ Oubi gea kpanga konichi nako oubi kema anja. N'ne aopasa akobise mokichwa kayongo a lama kanyenea belekea subia Yeso Klisto. ¹⁶ Maandeko buli aya toki subia elo a Mokonga. Ane anja ka mafundiso, ka ubafha, ka kalipia na ka fundisa ka bonjanja. ¹⁷ N'ne ane kagea n'kpa a Mokonga opasa abe akpe, abe na n'kumba ka mokambo buli anja.