¹ Obe gaake, michi'omo, kpekpemana subia ngoola n'ne a subia Yeso Klisto. ² Kema ne oto oki mutamo subia usuudha asii, boani u ka dhoni mutaa bakpa buno baenei bafundise bunangboo. ³ Tesekani asii na me ubate soda anja a Yeso Klisto. ⁴ Soda ne aka mokambo n'naongia ka kema a maisa, kagea an'fulaise mokota nake. ⁵ Goto, kabe n'kpa agobhi n'joko nake, baka toke ku n'lolisa kekombo mopaka agobe ka selia. ⁶ Ane anja gea n'demi a chiko n'mbe aotomika akpe aopata n'kumba nake a boye nake mosa. ⁷ Waza ka n'no neoyonga, kanyongo Bosomwa anofhaae ubafha ka kema buli. ⁸ N'kumbuka Yeso Klisto, ebokoti a Daudi, n'mbo aya fufuki toka mutaa baku. N'ne ane sawa na mbino a enjili namo, ⁹ kanyongo n'ne neo teseka ata bene bamobwe na n'tongo ubate n'kukubha. Alakini baka bowe'ake yonga a Mokonga. ¹⁰ Kagea ne vumilii kama buli kanyongo bune baya esombu, kagea ba pataae goto lama n'ne aiki subia Yeso Klisto, ka bodoko a esa buli. ¹¹ N'ne ane yonga anja: " kabe beyeku naye, beikikaae goto naye. ¹² Kabe dekakamani, beikaae goto naye ka bwame. Kabe ben''ngani, naye asonganaae. ¹³ kabe beiki kanga belekea, ajigi na dhoni, kanyongoo katoke ku aengane sisake." ¹⁴ Jiga na ewaza subia meema nako ka kema ne. Gaa naabo mosa a Mokonga n'na ka sani a yonga; ane kanga maana na tondo tinda a buno bao oka. ¹⁵ Oebisi anja asii mosa a Mokonga ubate n'mbo bamuubi, n'kpa a mokambo n'mbo kana selia a kua na soni, n'mbo aofundisa anja yonga a dhoni. ¹⁶ Kpema uja na yonga jaai, n'ne aogeesa mbamba asii na Mokonga. ¹⁷ Yonga nabo aofhanja kasea. Subiabo ane Himenause na Filetosi, ¹⁸ Beto gee mbamba na dhoni. Bagii gea ofufuko aya kidiani kala, na bao uja belekea a bakpa mochi. ¹⁹ Kabene, miigi akpe a Mokonga a mami. Bayaandeki: " Bosomwa aubi bune baiki mutake" na " Kila n'kpa n'mbo ao kumia ina a Bosomwa aopsa atoke ka kema ajede. ²⁰ Subia enju angbo kotonde ku tondo n'kumba a holo a bangoa. Odondi goto subili n'kumba a elea na loondo. Imochi ana esima ka tomika, na imochi n'na na esima. ²¹ Kabe n'kpa aetutu sisake ka kosa esima ka tomika, ane n'kpa n'kumba a esima. Ban'bisi mbamba, na maana mutaa Mokota, na bongisa ka kema buli anja. ²² Tea kpadha a konganda. Kabha kema anja, belekea, ekondi, na bonjanja na buno baomoofhana Bosomwa ka meema anja. ²³ Alakini kpema kema jaai na uisi'ane a kobobo. Boubi gea babokoti sani. ²⁴ Bakpa a mokambo a bosomwa baka toko ku sana. Alakini ba anja mutaa bakpa bobu, baopa fundisa, na vumilia, ²⁵ kalipia bakindani nabo ka bonjanja. Saa angboo Mokonga aenei abhofhe tubua ka ubafha a dhoni. ²⁶ Bao pasa baiki na kalamo angboo na dheketa meeko ajede, kisa edunga naye ka ekondi nake.