¹ Nekongodea ka dhoni mosa a Mokonga na Yeso Klisto, n'mbo aso ukumuaae baoni na baku, na kanyongo a kidiana'ake na bwame nake: ² Ubilia yonga; bha tayali saa ne n'na bei. Kalipia, tomboka, na fhelaa, na vumilia buli na fundisa. ³ Kanyongo saa ao bika saa ne bakpa baka vumiliaae mafundi anja. Alakini, bakabaae sisabo baalimo sawa na siki nabo, buno baoyonga n'ne ao sasa ka kechuwe baokonda baoke. ⁴ Babisaae kechuwe na danga na dhoni, na egalea ka kema a tebisa. ⁵ Alakini ob'e, bisa moo nako anja ka kema buli. Teseka, tomika akpe; gea mokambo a bafundisi enjili; onisa udhuma nako. ⁶ Kanyongo neye iki bibi bamofholee ka fhela. Saa a gaani ka tamba abiki. ⁷ Neye mani emani anja; neye gobi gaa mbango; neye bisi belekea. ⁸ Baya mobisii kekombo a bonjanja, n'ne Bosomwa, moamuzi anja, amofhaae esa no, na n'na tondo eme, alakini goto mutaa buno baya kondi kidiana nake. ⁹ Gea buli obike mbango. ¹⁰ kanyongoo Demase aya modheketi. Akondi mokonda ne na atogee na Tesalonika. Kresenese aatogee na Galatia na Tito atogee na Dalmatia. ¹¹ Luka tondo aambe ajigi na eme. n'bhoa Maliko n'bika naye ana maana asii mutamo ka mokambo. ¹² Neton'teki Tishiko na ka Efeso. ¹³ Bongo ne neto dheketi na Troa na Karpuse, bika nee saa ne obika ku, na bhukui, n'no bhuka a n'keke. ¹⁴ Alekisandele motombe aya onisi mokambo ajede asii mutamo. Bosomwa an'lipaae mbusa sawa na mokambo nake. ¹⁵ Oopasa goto oechunge naye, kanyongo a kindana angbo a yonga. ¹⁶ Ka laba namo a kwanja, tafho n'kpa ne aya mami na eme. Alakini kila n'kpa aya modeketi. Bakaebisie mbe bojede ne bagii. ¹⁷ Alakini Bosomwa aya mami na eme na kpekpemisa'ani ka gea, kanyenea ame, bolabi a mbino anja aonekane anja, na gea bakpa a mokonda buli basodhokane ka ebhombo a simba. ¹⁸ Bosomwa aya mofholei subia kila mokambo ajede amo lamisaae ka bwame nake a kegoo. Bodoke abe mutake esa bubui. Amina. ¹⁹ N'sambe Pilisila, Akila, na enju a Onesi fore. ²⁰ Erasto aya jigi ka Korinto, alakini nen'deketi Trofimo na nbobo ka Miletuse. ²¹ Gea buli obike mosa a n'pombo. Ebuluse ano sesei, goto Pundenese, Linuse, Kolodia, na badasu bobu. ²² Bosomwa abe na loo nanu. Ngoola a Mokonga abe na benu.