¹ Gombise ho, Yeletende, La letaa, Bome bombende baale go liolo. La liogi lipelo aliowei, Gi baale go liogi li litimba, La liolio liabegisei mbo: Agaa goni, La yenesiandae mwangoyaa gombisa. ² Ko emi ogo aatolama la boenda. la letaa mombende la kiti ye bokondi bo liolo; La goliolo lia ho boto engalendese. ³ Boto ogambe mongaase embende la gelenge ge itale yi sipi loguma la salali; La kiti ye bokondi elingamende la bonama bomoa abogelane la itale yi loguma. ⁴ Goete kiti ye bokondi yenende kiti yi bekondi betuku bele la yinei, la kiti yaaho betuku bele la yinei tnino bembende mongalase, Babatende tshulu yeelu, La gotshe bethwe biabo, Bebate ngundu yi wolo. ⁵ Goete kiti ye bokondi, Monemande bagei gei la baogi bapio ambo kake. Gopelo kiti ye bokondi oongana bo tambe bosambale bopia, Obongae la beenda bosambale be Iongia-ongia . ⁶ Mongale gopelo kiti ye bokondi ambo gemwelo ge baye, Ogegelane la itale. Moete kiti ye bokondi la gongonge kiti ye bokondi, Mombende la baito baome banei obayale la baiso gopela laa gombisa. ⁷ Boto ga pelo gouha goete huma embende gelenge gemoa ambo simba, ogabaele gouha goete huma embende gelenge gemoa ambo lolia, Ogabasaso gouha goete huma embende la osio bo boto, La oga banei gouha moete huma embende gelenge gemoa ambo noli oyatanga bo ndjou oyahumbogalo. ⁸ Moete baito banei obambe muuha bembende omoa la omoa ba papu liambe, la beyalane la baiso go ngonge laa goeta. Batshi mosiya oselenga la loha laa lotshigo: boyengebeni, Boyengebeni, Boyengebeni, Boyengebeni engae Ngene, Iongia-ongia, Gelongotongo, ogambelo, Ogangae la ogaa yoya! ⁹ Gee gengae baito boouha mopaa loguma laa o lito la batondi gwangae ogangalese mo kiti ye bokondi, Ngwangae agangalese mo kiti ye bokondi, Gwangae ogauhalo mwete loongo la loongo, ¹⁰ tonino betuku bele la banei besembogelende ogangaese mo kiti ye bokondi la omemia oga ngae muuha moete loongo la loongo, la beendeta ngundu yabo gopelo ye kiti ye bokondi, Gobea mbo: ¹¹ bongae bogelane, Ngene yiso, Laa Iongia-ongia yiso, Ouya loguma laa olito, Laa opia; Mpo yembo botongende biimaa bia bitshubu, La moete olemba bwago mongale laa momo atongane o.