¹ Laa djeeneende gweete baago baa oogaangaayee see goo lioolo li limbaata eebookoondi buku boomoowaa beekoomee mweetaa laaetaa laa goo lusaa, Moowandamee loohiyaa tooleembeegidjoo boosaambaale. ² Laa dleeneende mwaandjee boohiyaa, Eembeendee moohaamongaa aa lioogi lihiyaa: Djaangaayee boolongaane pwee djooliboolaa buku, Laa oolimisaa tooleembeegidjoo too moo? ³ Laa booto aata omoowa goo lioolo, Too goo neele, Too goosee neele, Oogaa geelaane olipoola buku too ooleeta gweete moo. ⁴ Laa djee leeleende gaagiyee pwee booto laomoowaa tee eenegeendee boolongaane pwee djoo lipoola buku too oleeta gweete moo. ⁵ Laa omoowaa moo tooninoo abeeyaai: Bingoo leelaa; Leeta, Simbaa djeeliboota li baa yudaa, Boosisaa boo Daawiti eeyinyeendee pwee djoolipoolaa buku Laa too tooleembeegidjoo boosaambaalee. ⁶ Laa djeeneende, Mweetaa laaeta ee mbaata yee bookondi laa bikeelaamu bineeyi bi bomoyi laa moosisee tooninoo, boona gaa paatee emoowa embeendee hoo aamboo goomgba. Eembeendee aa seeba boosambaalee laa baayiso boosambaalee, mwaangaaye Beelimoo beesaambaalee bee Mungu beetoomaamee aa neeleitchubu. ⁷ Eendee, Laa awosaa buku aa djoogoo iboolomee djee onoo gaangaayee see gootchee mbaata djee bookoondi. ⁸ Gee geoseege buku, Bikeelamu bineyi bi bomoyi laa toninoo beetuku beele aa beeneyi beepkeende goopeelo boonaa gaa mpaatee, omowaa aa omowaa ebundeende likeembee laa saani dji oolo moodjaaleende mpaaka eemaalasi, Mwaangaayee loosaambo li baasaatu. ⁹ Laa beetweende boogeele boo sikaa, Obeeyaa mboo: Boolongaane oudjaa buku, Laa oliboolaa tooleembeegidjoo too moo; Pweembo boolowameendee, Boosoombaameendee pwee Mungu aa baayilaa baago aa baa baayito baatchubu, Aa baaogi baatchubu, Aa baayito baatchubu laa beeyi beetchubu; ¹⁰ Bwaapaabo bookondi laa kaangaa ii Mungu pwee Mungu djisoo, Laa bee beelebwaandee goo neele ¹¹ Djee leetendee, Laa djweendee boongoongo bee baandjeee baayidjee moombaalee aa mbaalee yee mbaataa djee bookondi laa bikeelaamu bi boomoyi laa tonino, laa mootaango bwaaboo boombeende milioo aa milioo laa kooto aa kooto. ¹² Beembeende moobeeyaa aa liogi lihiyaa: Boona gaa mpaate ooga loowameelo eelongaanee ohosaa nguyaaa, Boomeengo, Bwaanyaa, Ohiyaa, Lookumu, Keemboo, laa lipaambooli. ¹³ Laa bikeelaamu bitchubu obingaayee gooliolo, Moo neele, Goosee neele, Goo mbu laa mwaangaayee goo mootchubu, Djwoendeeboo beendee beeyaa mboo: Laa ogaangaayeese goo liolo li mbaata ebookondi, Laa boonaa gaa mpaatee, Lipaamboli lingaayee aagoo, Limeemiyaa, Keemboo, Laa ohiyaa, loongoo aa loongo. ¹⁴ Laa bikeelaamu bineeyi bi boomoyi bibeendee: Ogaalo! Laa toninoo beepkeende see laa Beesaambeeleendee.