¹ Komelei oandje bo lingomba li salade: Leta mwa bea oga ngae a beenda bosambale be Iongia-ongia la tosoesoe bosambale: Yelube besala bea go. Ye lube mbo bwende eta mbo bongae boome, La boa singa. ² Ngaa a liange, Piesa odja tiala o engae bagu a osinga: Po ye mbo iti itshe besala bea go belo gopelo Iongia-ongia yai. ³ Gelegia poo gani a udjee la aomidjee, La mamaa la yambola, Boti kengele ambo, Yee ya nde ambo bwiba, La bopalube geleko inandi gea ngo djei gtie yago. ⁴ Momo angae mbo bongae a twa o baito go solade abatia mbo basela tulu djabo lilo. Toenda nde esu a babo a tulu ipee po embo begelane a galo. ⁵ ogaa nga inya ebata nde tulu dji pee; Ipapi pole lina liande goete buku bo uha, la dje bee lande lina liande go pelo ise ami la go pelo baandjelu bande. ⁶ sidja mbo ogangae a batoi aoe mwa bea boenda manginda. ⁷ Siginyela moa ndje bo linginda li Filadelefia: Leta mwa bea mosatu, Bo loongene, Oga ngae abafungola ba Dawidi, Onga lipola lo la boto apa indje, Oga indja lo, la boto apalibole. ⁸ Ye lube bagwa bago. Leta, Po ye mbo bongae anguya kee, La bomame liogi, La boti angine lina liai, Yaa sela go pelo djago bome bomoa bomoa bo baale, Obo pa inye boto la omoa umindja. ⁹ Leta, Ye mo pae bee goete sinagoge ye satana, Aba beambo bengae ba ayuda la bati pe galo, Kasi bendeita; Letei, Ye igesa nde bo goni, Go poa ba luise mobaolo bago, La oluba mbo djeleme nde ge. ¹⁰ Po ye mbo bobunde nde liogi lio bito gongonge djai, Ye bunda nda mbale ge go geleko ge oota ma abwa ngo djaa gotie gehuma getubu, Po ye oye kola obangae gotie gehuma. ¹¹ Ye mo djaa ogiogi. Bunda mwangae ago, Poa ye mboboto atoosa ngundu yago. ¹² Ongaa ngoinya, yee selande ge gesi go goete tepelo ye Iongia-ongia bwai, la apa nene ale; Dje siginya nde go tie djande lina li iongia-ongia djai, La lina li mbau ye Iongia-ongia djai, Li yelusalema ye sika olia suluga go lola goa ngae Iongia-ongia djai, la lina liai li ogioge. ¹³ Sidja mbo oga ngae a batoi a owe mwa ngae boenda mo bea go manginda. ¹⁴ Siginyela moadje bo lingomba li laodikia: Letei mwangae mongale galo mobea: botatoli ba loomene be bolo, oga pange iongia-ongia go ongia. ¹⁵ Yelube bagwa bago. Yelube mbo boti pio too boti geambe. gelana ongaa pio too geambe! ¹⁶ agalo angae gea djei geambe geke, La mbo boti pio to geambe, Ye sela nde ge go bonya boai. ¹⁷ Poa yembo boa bea: Yengae a bodjui, La iti akamo ye gea laa gemoa, La po yembo boti moluba mbo bongae boto ga ngandi, Oga uhaa looso,Botia gea laa gemoa, Boto atia eenase le bongae bofona. ¹⁸ Ye mo fae toli mbo bosombelei mo obwa petshabo go djiimbe, Ambo boige boto ga bodjui, La tulu djeelu, a gelenge mbo bo bate la soni ye bopona bwago ato nena, La bosombe besandu pwa ye boiso, A gelenge mbo bwene. ¹⁹ emi, Yende mo hamela la opaa bitumbu a baito abangaei mo emba. Poa yemo ngaa a piko la bokikodje botema. ²⁰ Letei, Yee a male mobome, la ye motoba kokoko, boto eowa ambo liogi liahi la elipola ambo bome, Yee gota nde goangae ge, Yelande bia bi liolo ande isee imoa la ge elende ai isee imoa. ²¹ Boto agango inya, Yeenga nde ande isee imoa go gengaelo geai ge bokondi. ²² Sidja mbo oga ngae a batoi aowe mwa bea boenda go tie manginda.