¹ La yaaena go lolo ndembo omoo yaasina, Olene la olo oeta: Baandjelu bosambale, Ababunde benyoko bosambale, Abesuka, po ye mbo laabo ndeamokokisama osundja boIongia-ongia. ² La yaaena agaela libande limoo li mosengoo, Olisangame la djembo, La abalonge nama, La gelimi giande, La abalonge la botuya bo lina lyande, Oemala go tiye libande li go sangoo, La bakembo ba iongia-ingia. ³ La bobo ba atohwa bogele bo mose, Bosali bo iongia-ongia, la bogele bondolo, La obea: Besala biago biengae bolene la oolo oetela, ngene Iongia-ongia agatumba tabu! Ndobe yago tongale alima la loongene, Bokondi bo babota! ⁴ Indi ooho afabange, Ngene, La afaese lokuku lo lina egago liolo? Po ye mbo oyago ongene ndeangale bosato. La babota batubu beyande, La beswa nde balaise felo yaago, po ye mbo bilenge biokata mbeo bienengela nde see. ⁵ Go mbisa yemo, Yebetaa nde, La likumbo litemo mosilende olefolama go lola. ⁶ La baandjelu bosamele ababunde benyoko bosamba bobo baatwega goete likumbo, Bobate tulu yifotu bwelu, Ongenga, La bekaba be wolo mo gegwa. ⁷ La omoo goete baito banei bauhe oho afaa baandjelu bosambale tokombele besambale be wolo, abiyale osundja bo Iongia-ongia ogangae bouhe loongo la bongo. ⁸ Ko bikumbo liyala bogi, Po ye ongengala bo Iongia-ongia la ofia bwande; La boto ango omoo atikoke ogota go likumbo, ogae agengo koka banyokoo bosambale bo baandjelu bosambale.