¹ Laoa liogi lifia oleye go likumbo, la olimbe mobea la baandjelu bosambale: Kei, La belei gotiye ye nelee tokoombele togesundja to Iongia-ongia. ² oga felo aa, La geagaabela ikombele gotiye ye nele. La ihombo ibe la looso yatoba baito obambe. La ndembe ye nama la obambe mofwela gelimi giande baloise. ³ oga baele aabela ikombeele yande goete libande. la ko mwengaa baila, Ogingala ogaagba; la getubu agambe la auha geangba, Getubu egembe goete baye abalene. ⁴ Oga basaso aabela ikombele yande goete babande la goete bakaka ba baye. La bobo baakikoga baila. ⁵ La yaoa baandjelu ba baye bendesengela: Age bokoke, Age agangale, La agambaa; bongale boyengebene, Po ye mbo bwa tonga lya lisambi. ⁶ po ye mbo bebole ndese baila ba boyengebene la beomboli bi iongia-ongia, La boafabo baila baomwa: Bekoke la mo. ⁷ La koyeoa gehumbelo ge mbea giende selenga: Galo, Ngene, Iongia-ongia agaete ofia, basambe baga bengae balo la loongene. ⁸ Oga bana aa bela ikombele yande gotiye ye loha. la mofamele ndenge mbo ohumbee baito la djiimbe; ⁹ la baito behumbe gelene, la bobo baabona lina li Iongia-ongia agangae la lokuku gotiye biobe nyoko, La batikikoge po y- ofaage loguma. ¹⁰ Oga tano aabela ikombele yande gotiye bokondi bo nama, La bokondi bwaho bongala moketa lima; ko baito bagelata baino po ye looso, ¹¹ La bobo baabona Iongia-ongia yi liolo, Po ye looso la tohombo twabo, la batikikoge goete bagwa babo. ¹² Oga liambe aabela ikombele yande goete baye abalene, Efalata. ko baye ba ho befwa, Po ye mbo ndole ye bekondi obayela go genenelo ge bwina moolonganyama. ¹³ La yoeni onena go bomwa bo dalagona, la bonwa bo nama, La go bonwa boembali bo bwela, Boenda besaso be lilo, obangale ogeangaa bagolototo. ¹⁴ Po ye mbo bende beenda bebe, Abe ndetonga mbee y-ogemisa, La abendea goangae bokondi be gehuma getubu, Po ye y-osnganyabo po ye gimo ge bokoloo boteu bo Iongia-ongia agaete lofia. ¹⁵ Letei, ge ndeya ogiangala bwiba, gesagela goa ngale mokengela, La ongale mokomia tulu yande, Po ye atio enda bofona la batioena soni yaande! ¹⁶ Ko esonganya bo go gesee ogetangame lo go baebeelee Alamagedona. ¹⁷ Oga bosambale aabela ikomelo yande goete baale. la ko enena goete likumbo, la gotiye kiti ye bokondi, Liogi lifia limoo olimbe moselenga: mwaasila! ¹⁸ La mombende la bageigei, Baogi, lo moto, La oguluma boleke bo nele, ogia tia mbo mwasosila otongama longaela boto monele, Oguluma bomoo botou. ¹⁹ La mbau ayeteu aaganyama bisege bisaso, Laa mbau ye bei yakbase, La Iongia-ongia, Aagelegia Babilone obabenge, Po y-ofaage ikombe yosundja abo looso la fime bwande. ²⁰ la besanga betubu beto toga, la ngolo itiene geleale. ²¹ La litale litou li bootoo, La bisege bi litale li bootoo bimbende laobito bo talata emoo, Biakbase go liolo gotiye ye baito; Ko baito bebonaa Iongia-ongia, Po ye bonyoko bo itale yi botoo, Po ye mbo bonyokoo bwaaho bombe nde bolene.