¹ Emi yelende, La leta, bona ga kandolo engae gotshe ngolo ye Siona, La goete yande baito koto bokama la betu benei la benei, Obambe la lina liande la linaliseande olikomame mobaiso babo. ² La emi oho aowa liogi go liolo, Gelenge gemoa ambo losele lo baye balene, Ambo losele lo kaki emoa; La liogi aliowei, Mombende ambo obatongatoya touma igulugulu goete igulugulu yabo. ³ La betshwende bogeele boogiogi gopelo kiti ye bokondi, La gopelo baito baome laa tonino. La boto laa omoa atshikoke golaisama bogeele, Mongambo motshimbe koto bokama la betu benei la benei, Obasomame moete nele. ⁴ Mongale obatshia besele bindo biabo la lilo gondole ye bagali, obatshia baasonga; Beende lingola bona ga kandolo bisee bitubu obietage Esombamende goete baito; Ambo yuma mpo ye Iongia-ongia laa mpo ye bona ga kandolo; ⁵ La goete benywa beabo batshimbe la boela; Mpo yembo batsha gekweli. ⁶ Emi oho aena aandjelu bwasina obembe mohuma mboga goete geamba ge liolo, Embende la liogi lilo li loongo la longo po yobegisia baito ba gehuma, Goete toula totshubu la basego batshubu, la baogi bathubu, La baito batshubu. ⁷ Embende mobea la liogi lipia: Bangei Iongia-ongia, la peeige imengia mpo ye mbo gee giande ge lisambi geaya; la mengiei oatonge lola, Laa huma, La loye loye lolene, La bakaka ba ndoye. ⁸ La gasina, Aandjelu obo baele oho aalingola ko ebea: Aumase, Aumase, Babilone obalene, ongamwese toula toshubu bagana ba ligeegee ba lilo liande! ⁹ La gasina, La aandjelu bo basaso oho aa lingola boo, Ko ebeala liogi lipia: Mongaambo boto epa luma ngwangae nama la gelimi geande la o gauyage gelembe giyo goete osio bwande too mbo goete yoogo yande, ¹⁰ Emwanda mbwale bagana goete ligege li Iongia-ongia, Oobela loomba gesegemoa goete gelonga ge ligeegee liande, la ehumbamande goete yiimbe laa ipoopeela gopelo aandjelu booloo la gopelo kandolo. ¹¹ La bogibo ligeegee boende liolo bilanga la bilanga; La batshimbe mopgoma loha laa lotshigo obambe laa boto la boto uuya gelenge ge lina liande. ¹² Ane ndaenegela bitandalanda biomiya liogi li Iongia-ongia la botema bolo bo yesu kilisito. ¹³ La yoende liogi limoa lienena go liolo gobea mbo: Siginyaa; Gesagela opanga sikagi bangbi obayongba goete Ngene! Ogalo abee boenda, Mpo yembo baogome goete bagwa baboo, Mpo yembo bagwa babo belingolende bo. ¹⁴ Yeletende, La letaa, Yeenede lipata li pee ogeelana ambo bona ga boto, gotshe botshwe bwande embende la gekoti ge woolo, La mobaago bande embende la ilonde yipwelu. ¹⁵ La aandjelu bomoa eneende go gehumalo, Ko ehamoga la liogi lihia obea a boto ogambe mongaase goetelipata lipee: Pwa ilonde yago la tshinaa, Mpo yembo gee getshina geagelana, Mpo yembo gee geotshwa tuma geagelana. ¹⁶ La boto ogangaese goete, Lipata, Aata, ilonde yandese goete gehuma, Boobo baosa tuma tuwe baalao. ¹⁷ La aandjelu bwasina enenende goete mbele Y- Iongia-ongia ogangae go lola, Gee ambwale la ilonde yi pwelu. ¹⁸ La aandjelu bwasina ogmbe la bokondi gotshe yiimbe anena goete mbele ye gehumbelo geoho aa beabo la liogi lipia ogambe la ilonde yipwelu, la ebea mbo: Nyenyaa ilonde yago yipwelu, Tshina betibe tokoko to vinyo to nele twaela. ¹⁹ La aandjelu oho aata ilonde yande goete gehuma, Geoho aatshina tshina bisege bi vinyo goete gehuma mo gesee gelene ge ligeegee li iongia-ongia. ²⁰ Baanyenya peli gola la iyula yilene, la liila lio lianena goete peli, Ogi angbe ngombe, Goete geamba ge koto emoa la bekama liambe.